உணவு பொருள்களில் கலக்கப்படுபவை என்ன?

பன்றிக் கொழுப்புக் கலவை கட்டாயம் பார்க்கவும்

NESTLE கம்பெனி எருதிலிருந்து தயாரிக்கும் ஜூஸ் ஐ, kitkat சாக்லேட் இல் சேர்ப்பதாக ஒத்து கொண்டுள்ளார்கள்.

FAIR & LOVELY கம்பெனி அது தயாரிக்கும் கிரீம் இல், பன்றி கொழுப்பிலுள்ள ஆயில் ஐ கலப்பதாக, சென்னை உயர் நீதிமன்றத்தில் ஒரு வழக்கில் ஒத்து கொண்டுள்ளது.
____________________
உங்கள் மீடியா எப்போதாவது இதை உங்களுக்கு தெரிவித்துள்ளதா???

VICKS பல ஐரோப்பிய நாடுகளில், அது விஷம் என்று தடை செய்யப்பட்டுள்ளது. ஆனால், நமது நாட்டில், அது நாள் முழுவதும் தொலைக்காட்சியில் விளம்பரபடுத்தபட்டு வருகிறது. ___________________________
உங்கள் மீடியா எப்போதாவது இதை உங்களுக்கு தெரிவித்துள்ளதா???

LIFE BOUY குளிக்கும் சோப்பு அல்ல, மேலும், கழிவறை சோப்பும் அல்ல. ஆனால், அது ஒரு cabolic சோப்பு, மிருகங்களை குளிப்பாட்ட பயன்படுவது. ஐரோப்பாவில், அது நாய்களை குளிப்பாட்ட பயன்படுகிறது, ஆனால், நம் நாட்டில் ? மாப்பிள்ளைக்கு கூட ஆசையாக கொடுக்கிறோம்?
_____________________
உங்கள் மீடியா எப்போதாவது இதை உங்களுக்கு தெரிவித்துள்ளதா???

COKE மற்றும் PEPSI ஆகியவை, உண்மையில், கழிவறையை சுத்தம் செய்பவை. அதில் 21 மாறுபட்ட விஷம் கலந்திருப்பதாக நிரூபிக்கப்பட்டுள்ளது.
உங்கள் மீடியா எப்போதாவது இதை உங்களுக்கு தெரிவித்துள்ளதா???

வெளிநாட்டு கம்பனிகள் ஊட்டச்சத்து மிக்க பானம் என்று, பூஸ்ட், காம்ப்ளான், HORLICKS, மல்டோவா, PROTINEX ஆகியவற்றை விற்கின்றன. ஆனால், அதை, இந்தியாவில் டெல்லியில் ALL INDIA INSTITUTE (இந்தியாவில் உள்ள மிக பெரிய பரிசோதனை சாலை) இல், பரிசோதித்தபோது, நிலகடலையிளிருந்து எண்ணையை பிரித்தெடுத்த பிறகு வரும் கழிவிலிருந்து தயாரிக்கபடுகிறது. அது, விலங்குகள் உணவாகும். இந்த கழிவிலிருந்தே, ஆரோக்கிய பானங்கள் தயாரிக்கிறார்கள்.
________________________
உங்கள் மீடியா எப்போதாவது இதை உங்களுக்கு தெரிவித்துள்ளதா???

ஹிந்தி ஸ்டார் அமிதாப் பச்சனுக்கு பத்து மணி நேர தொடர்ச்சியான அறுவை சிகிச்சை நடந்தது. அவரது, பெரிய கணையத்தை மருத்துவர்கள் அறுத்து, அகற்றி விட்டார்கள். அதன் பிறகு, மருத்துவர்கள், அது கெட்டு போக காரணம், coke மற்றும் பெப்சி குடித்ததே என்று. அதிலிருந்து, அவர் பெப்சி, coke ஆகிய விளம்பரங்களுக்கு நடிப்பதில்லை.
________________________________
உங்கள் மீடியா எப்போதாவது இதை உங்களுக்கு தெரிவித்துள்ளதா???

PIZZA பற்றி பார்ப்போம்.
PIZZA விற்கும் கம்பனிகள்
"Pizza Hut, Dominos,
KFC, McDonalds,
Pizza Corner,
Papa John’s Pizza,
California Pizza Kitchen,
Sal’s Pizza"
இவை அமெரிக்கன் கம்பனிகள்.
PIZZA சுவையாக இருக்க வேண்டி, E-631 என்ற flavor Enhancer சேர்க்கபடுகிறது. இது, பன்றி, கோழி இறைச்சியில் இருந்து தயாரிக்கபடுகிறது.

● கீழ்கண்ட குறியீடுகள், உங்கள் உணவு பாக்கெட்களில் கானபட்டால், அதில் என்னென்ன கலந்திருக்கும் ?
E 322 – எருது
E 422 – ஆல்கஹால்
E 442 – ஆல்கஹால் மற்றும் கெமிக்கல்
E 471 – எருது & ஆல்கஹால்
E 476 – ஆல்கஹால்
E 481 – எருது & கோழி
E 627 – ஆபத்தான கெமிக்கல்
E 472 – எருது, கோழி மற்றும் இறைச்சி
E 631 – பன்றி கொழுப்பிலிருந்து தயாரிக்கப்படும் எண்ணெய் கழிவு.
● Note – இந்த code களை, பெரும்பாலான வெளிநாட்டு கம்பனிகள் தயாரிப்பில் காணலாம். அவை, சிப்ஸ், பிஸ்கட்ஸ், பப்பிள் கம், டாபிஸ், குர்குரே மற்றும் மாகி (ஆமா, ரெண்டு நிமிஷத்துல தயாராகுமே, அதேதான்)

● நுகர்வோரே, விழித்து கொள்ளுங்கள் !!!

● மாகி யில், flavor (E-635 ) என்ற code இருக்கும்.

● கீழ்கண்ட code களையும் தேடி பாருங்கள், இவை அனைத்துமே, ஒவ்வொன்றாய் குறிக்கும் :-

E100, E110, E120, E140, E141, E153, E210, E213, E214, E216, E234, E252, E270, E280, E325, E326, E327, E334, E335, E336, E337, E422, E430, E431, E432, E433, E434, E435, E436, E440, E470, E471, E472, E473, E474, E475, E476, E477, E478, E481, E482, E483, E491, E492, E493, E494, E495, E542, E570, E572, E631, E635, E904.

தயவு செய்து உங்கள் நண்பர்கள், உறவினர்களுக்கு பகிருங்கள். !!

இதணை மற்ற குழுமங்களிலும் பகிறவும் உங்களால் ஒருவரேனும் பயண் பெறட்டும்.
- கட்செவி பதிவு, சில கருத்துகள் ஏற்கதக்கதல்ல!

நன்றாக சாப்பிடுவோம்! நல்லவற்றையே சாப்பிடுவோம்!!

இன்று பெரும்பாலான வீடுகளில் இருக்கும் மிகப் பெரிய சவால் குழந்தைகளைச் சாப்பிட வைப்பதுதான். அவர்களை ஒரு இட்லி சாப்பிடச் செய்வதற்கு நாம் நிறைய சாப்பிட வேண்டியிருக்கும். அவ் வளவு ஆற்றலும் பொறுமையும் தேவைப்படுகிறது.

இது ஒரு பக்கம் என்றால், இன்னொரு பக்கம் இந்தியக் குழந்தைகளில் சரிபாதி அளவினர் போதிய ஊட்டச்சத்து இல்லாமல் வாடுகின்றனர். இன்னொரு புறம் மூன்றில் ஒரு பங்குக் குழந்தைகள் அதிக ஊட்டச்சத்தால் உடல் பருத்து அவதிப்படுகின்றனர்.

ஊட்டச்சத்து குறைபாடு, அதிக ஊட்டச்சத்து ஆகிய இரண்டுமே குழந்தைகளின் ஆரோக்கிய வளர்ச்சிக்கும் எதிர்காலத்துக்கும் நல்லதல்ல. அதைக் கருத்தில்கொண்டு இந்தியாவில் ஒவ்வோர் ஆண்டும் செப்டம்பர் முதல் வாரம் தேசிய ஊட்டச்சத்து வாரமாகக் கடைப்பிடிக்கப்படுகிறது.

குழந்தைகளின் ஊட்டச்சத்துப் போதாமை, தேசிய வளர்ச்சிக்குப் பெரும் தடையாக இருக்கும் என்பதால் மக்களிடம் நல்வாழ்வு குறித்த பிரச்சாரத்தை மத்திய அரசு 1982இல் முன்னெடுத்தது. பெண்கள் மற்றும் குழந்தைகள் நல மேம்பாட்டு அமைச்சகத்துடன் சில தொண்டு நிறுவனங்கள் இணைந்து மக்கள் மத்தியில் ஊட்டச்சத்தின் தேவை குறித்து விழிப்புணர்வு ஏற்படுத்தினர்.

2011 முதல் தேசிய ஊட்டச்சத்து வாரம் ஏதாவதொரு கருத்தாக்கத்தை அடிப்படையாகக் கொண்டு கடைப்பிடிக்கப்பட்டுவருகிறது. அந்த வகையில் இந்த ஆண்டு, உணவால் இன்னும் மேம்படுவோம் என்பதை மய்யப் பொருளாகக் கொண்டு தேசிய ஊட்டச்சத்து வாரம் கடைப்பிடிக்கப்படுகிறது.

குழந்தைகளுக்குப் போதிய ஊட்டச்சத்து கிடைக்காததற்கு வறுமை மட்டுமே காரணமல்ல. நம் வாழ்க்கை முறை மாற்றத்துக்கும் இதற்கும் நெருங்கிய தொடர்பு உண்டு. பாரம்பரிய உணவுப் பழக்கம் குறைந்துவரும் சூழலில் பெரும்பாலான வீடுகளில் துரித உணவு, சக்கை உணவு, பதப்படுத்தப்பட்ட உணவு ஆகியவற்றின் ஆதிக்கம் அதிகமாக இருக்கிறது.

குழந்தை பிறந்தது முதலே டப்பாக்களில் அடைக் கப்பட்ட பதப்படுத்தப்பட்ட உணவுப் பொருட்களைக் கொடுத்துப் பலரும் வளர்க்கிறார்கள். இதனால் ஒரு குழந்தையின் சீரான வளர்ச்சிக்குத் தேவையான அடிப்படை ஊட்டசத்துக்கள் போதுமான அளவில் கிடைப்பதில்லை.

வறுமையால் ஊட்டச்சத்து கிடைக்காமல் வாடும் குழந்தைகளுக்கு அதைக் கிடைக்கச்செய்வது அரசாங்கத்தின் கடமை. அதேபோல் முறையற்ற உணவுப் பழக்கத்தால் குழந்தைகள் ஊட்டச்சத்து கிடைக்காமலோ அதிக ஊட்டச்சத்துடன் வளர்ந்தாலோ அதற்குப் பெற்றோரே பொறுப்பு.

குழந்தைகளுக்கு மட்டுமல்ல பெரியவர்களுக்கும் ஊட்டச்சத்து அவசியம். ஆண்களைவிடப் பெண்கள் ஊட்டச்சத்துக் குறைபாட்டால் அவதிப்படுகிறார்கள். பாலினப் பாகுபாடு இதில் முக்கியப் பங்கு வகிக்கிறது. குழந்தைகள் முதல் பெரியவர்கள்வரை அனைவரும் சீரான ஊட்டச்சத்தைப் பெற்று வளரும்போதுதான் நாட்டின் மனித வளம் மேம்படும். உணவுப் பழக்கத்தை நெறிப்படுத்துவதன் மூலமே இதைச் சரிசெய்ய முடியும். பாரம்பரிய உணவுப் பழக்கத்துக்கு மாறுவது அதன் முதல்படியாக இருக்க வேண்டும்.

இனி கவலையில்லை!

கார்போஹைட்ரேட், புரதம், கொழுப்பு போன்றவை சரிவிகிதத்தில் கலந்திருக்கும் உணவே சிறந்தது. கொழுப்பு உடலுக்குக் கெடுதல் எனப் பலர் தவறாகப் பிரச்சாரம் செய்வதை நம்பிப் பலரும் கொழுப்பு உணவை அறவே தவிர்த்துவிடுகின்றனர். இது தவறு. நல்ல கொழுப்பு உடலுக்கு நன்மை தரும்.

தவிர, எதையுமே சரியான அளவில் சாப்பிட்டால் சிக்கல் இல்லை. அளவுக்கு மிஞ்சினால் மட்டுமல்ல குறைந்தாலும் கெடுதல்தான். பச்சைக் காய்கறிகள், கீரை வகைகள், பயறு வகைகள், சிறுதானியங்கள், இறைச்சி, பால், முட்டை, மீன் போன்றவற்றை உணவில் அடிக்கடி சேர்த்துக்கொள்ள வேண்டும். ரசாயன நிறமூட்டிகள், மணமூட்டிகள், சுவையூட்டிகள் போன்றவை சேர்க்கப் பட்ட உணவுப் பொருட்கள் குழந்தைகளின் சாப்பிடும் உணர்வை மட்டுப்படுத்தும். அதனால்தான் பெரும் பாலான குழந்தைகள் சாப்பிட மறுத்து அடம்பிடிக் கிறார்கள்.

கடைகளில் விற்கப்படும் உணவுப் பொருட்களைத் தவிர்த்து வீட்டில் சமைக்கப்படும் ஆரோக்கிய உணவைக் குழந்தைகளுக்குக் கொடுத்தாலே போதும். ஊட்டச்சத்து குறித்த கவலை இன்றி ஆரோக்கியமாக வாழலாம்.

- விடுதலை நாளேடு, 3.9.18

சிறுநீரக செயல் இழப்பைத் தடுக்க முடியும்!

சிறுநீரக பாதிப்பு என்பது வயது வித்தியாசம் இல்லாமல், ஆண்-பெண் வேறுபாடு இல்லாமல் அனைத்து தரப்பினருக்கும் ஏற்படக் கூடியது. ஒருவருக்கு சிறுநீரகம் பாதிப்பு அடைவதற்குப் பலவிதமான காரணங்களை அடுக்கி கொண்டே போகலாம். சிறுநீரக செயல் இழப்பு என்பதைத் தற்காலிகமாக சிறுநீரகம் செயல் இழத்தல், நிரந்தரமாக சிறுநீரகம் செயல் இழத்தல் என இரண்டு வகையாகப் பிரித்து கொள்ளலாம்.

இவற்றில் முதல் வகையான தற்காலிகமாக சிறுநீரகம் செயல்படாமல் போதல், சில மணி நேரங்கள் அல்லது ஒன்றிரண்டு நாட்கள், வாரங்கள் எனக் குறுகிய காலத்தில் ஏற்படக் கூடியதாகும். சிறுநீர்ப் பாதையில் தொற்று, சிறுநீர் கழிக்கும்போது அளவுக்கு அதிகமாக புரதம் வெளியேறும் நோய், சிறுநீரகங் களில் உண்டாகும் உயர் ரத்த அழுத்தம், சிறுநீரக அழற்சி, சிறுநீர் பாதையில் கற்கள் உருவாதல் போன்றவை தற்காலிகமாக சிறுநீரகம் செயல் இழத்தல் வகையில் இடம் பெறும்.

சிறுநீரகங்கள் தற்காலிகமாக செயல் இழக்கும்போது, பலவிதமான ஒவ்வாமை, வயிற்றுப்போக்கு, சீதபேதி, வாந்தி, கருவுற்ற பெண்களுக்கு அதி களவில் ரத்தம் வெளியேறுதல், எலிக் காய்ச்சல், மலேரியா போன்ற நோய்கள் உட்பட ஏராளமான பிரச்சினைகள் தோன்றும். மருத்துவர் ஆலோசனைப்படி முறையாக டயாலிசிஸ் செய்து, மருந்து, மாத்திரைகள் சாப்பிட்டு வந்தால் தற்காலிகமாக செயல் இழப்பதை முழுவதுமாக குணப்படுத்திவிடலாம்.

சிறுநீரகம் இரண்டும் நிரந்தரமாக செயல்படாமல் போதல் என்பது உடனடியாக நடந்துவிடாது. மாதக்கணக்காக, பல ஆண்டுகளாக கொஞ்சகொஞ்சமாகத்தான் நடைபெறும். சர்க்கரை நோய், பல நாட்களாக சிறுநீரில் புரதச்சத்து வெளியேறுதல் போன்றவைதான் சிறுநீரகங்கள் நிரந்தரமாக செயல்படாமல் போவதற்கு முக்கிய காரணமாக இருக்கிறது.

குடும்பத்தில் ஏற்படுகிற பரம்பரை நோய்கள், பிறவிக் குறைப்பாடு காரணமாக, சிறுநீரக வளர்ச்சியில் உண்டாகிற குறைப்பாடுகள், சிறுநீர்ப் பாதையில் தொற்று மற்றும் அடைப்பு, சிறுநீரில் கட்டுக்கு அடங்காமல் புரதம் வெளியேறுதல் முதலானவை மழலைப் பருவத்தில் ஏற்படுகின்ற முக்கியமான சிறுநீர் பிரச்சினைகள் என்று சொல்லலாம். ஒருவருடைய சிறுநீரகம் செயல் இழந்து வருகிறது என்பதை ரத்தம் மற்றும் சிறுநீர் பரிசோதனை, அல்ட்ரா சவுண்டு ஸ்கேன் எடுத்தல் போன்ற பரிசோத னைகளைச் செய்வதன் மூலமாக தெரிந்து கொள்ள முடியும்.

சிறுநீர் பாதையில் எரிச்சல், நீர் கடுப்பு, யூரின் போகும்போது கடுமையான வலி, தொடர்ச்சியாக வெளியேறாமல் சொட்டுசொட்டாக வெளியேறல், சிறுநீர் கழிக்க முடியாத உணர்வு, கை, கால்கள் வீக்கம் அடைதல், தாங்க முடியாத முதுகு வலி, பசியின்மை, சிறுநீரில் ரத்தம் கலந்து வெளியேறல், தோலின் நிறம் வெளுத்துப் போதல், யூரின் நிறம் மாறுதல், சாப்பிடும்போது குமட்டல் உணர்வு, அடர் மஞ்சள் நிறத்தில் சிறுநீர் போதல், பெண்களுக்கு மாதவிடாய் காலத்தில் ஏற்படுகிற பிரச்சினைகள் போன்றவை மெல்லமெல்ல தோன்ற ஆரம்பிக்கும். திடகாத்திரமான உடல்நலம் கொண்டு இருந்தாலும் வருடம் ஒரு முறை சிறுநீரக மருத்துவரின் ஆலோசனைப்படி பரிசோதனை செய்துகொள்ள வேண்டும்.

சிறுநீரகம் செயல் இழப்பைக் குணப்படுத்தவும், அதனால் ஏற்படுகிற மற்ற பாதிப்புக்களை சரி செய்யவும் தற்போது நவீன சிகிச்சைகள் நிறைய உள்ளன. நோயாளியின் உடல்நலத்தைப் பொறுத்தும், நோயின் தீவிரத்தைப் பொறுத்தும் சிகிச்சைகள் அமையும்.

- விடுதலை நாளேடு, 3.9.18

நோய் கண்டறிதலின் அபார வளர்ச்சி

மருத்துவத்தில் நோய் கண்டறிதல் என்பது மிக முக்கியமான அங்கமாக உள்ளது.  துல்லியமாக நோயை கண்டறிந்துவிட்டால் சிகிச்சையளிப்பதில் பாதி வெற்றியடைந்தது போலத்தான். இந்த நோய் கண்டறியும் பரிசோதனை முறைகள் முன்பு  எப்படி இருந்தது, இப்போது எப்படி இருக்கிறது, நாளை எப்படி இருக்கும் என்று பொது நல  மருத்துவர் பிரசன்னா விக்னேஷிடம் பேசினோம்...

ஸ்கேனிங் தொழில்நுட்பம் அன்று

முன்பு நோய் கண்டறிதலுக்குப் பயன்படுத்தப்படும் அனைத்து செயல்முறைகளும் கைப்படவே  பரிசோதிக்கப் பட்டது. ரத்தம் எடுப்பதிலிருந்து அதற்கான  தயார் செய்வது, பின்பு  அதனை ரத்தத்தில்  கலப்பது, பின்பு சில மணி நேரங்கள் கழித்து அதன் அளவுகளைப்  பார்ப்பது, இவை அனைத்தும் தகுதி வாய்ந்த டெக்னீசியன்கள் மூலம்  அறியப்பட்டு பின்  அவை முடிவுகளாக தரப்பட்டது.

சரியாக 20 ஆண்டுகளுக்கு முன்பு சென்னையில் தைராய்டு நோயை கண்டறிவதற்கான  பரிசோதனை செய்ய வேண்டும் என்றால் காலையில் ரத்த மாதிரி கொடுத்தால் மறுநாள்  மாலை 6 மணியளவில் முடிவுகள் கிடைக்கும் அதுவும் குறிப்பிட்ட மெடிக்கல் லேப்களில்  மட்டும் அந்த வசதி உண்டு. அதற்கான அன்றைய கட்டணம் 1200 ரூபாயாக இருந்தது.  அதாவது  ஒன்றரை பவுன் தங்கத்துக்கு ஈடானது. ஆனால் இன்று ரத்தம் கொடுத்த அடுத்த  15 நிமிடத்தில் நமது பரிசோதனைக் கூடங்களில் ஆய்வு முடிவுகள் கொடுக்க இயலும்.

ஸ்கேனிங் தொழில்நுட்பம் இன்று

தற்போது ரத்த பரிசோதனையில் அனைத்து செயல் முறைகளும் ஃபுல்லி ஆட்டோமேட்டிக்  அனலைசர் எனும்  முறையில் ரத்த மாதிரிகளை பிரித்து அதனுள் வைத்து விட்டால் போதும்.  முடிவுகளை அதுவே ஆராய்ந்து அறிவிக்கும். பின்  முடிவுகளை நாம் கைப்பட டைப் செய்து  ரிப்போர்ட்டாக நோயாளிகளுக்கு கொடுக்கலாம்.

ரோபோட்டிக் தொழில்நுட்பம் இன்று முழுவதும் தானியங்கி ரோபோட்டிக் தொழில்நுட்ப வசதி  வந்து விட்டது. ரத்த மாதிரிகளை ட்ராக்கில்  வைத்துவிட்டால் போதும். அதுவே அதனை  பிரித்து அதற்கு தேவைப்படுகிற அளவு ரத்தத்தை தயார் செய்து மூடி, கழட்டி அந்தந்த  மெஷின்களில் அதனைக் கொண்டு சென்று அனைத்தும் பரிசோதித்து பின்னர் மூடிவிட்டு  வெளியே வைத்துவிடும்.

ஒரு மணி நேரத்திற்கு 4000 பரிசோதனைகளைக் கையாளும் அளவுக்கு இதில் திறனுள்ளது.  மேலும் அனைத்தும் தானியங்கி முறையில் நடைபெறுவதால் மனிதர்களால் ஏற்படும்  தவறுகள் ஏதும் இதில் நடைபெறாத வண்ணம் அமைக்கப்பட்டுள்ளது. தானியங்கி  ரோ போட்டிக் பரிசோதனைக் கூடத்தின் முடிவுகள் மிகவும் துல்லியமாக இருப்பதற்கு இதுவே  முக்கியக் காரணம்.  இந்தியாவில் தற்போது மூன்று இடங்களில் மட்டும் இந்த தானியங்கி  ரோபோட்டிக் பரிசோதனை கூடங்கள் உள்ளது. அதில்  சென்னையிலுள்ள எங்களது  நிறுவனமும் ஒன்று என்பது குறிப்பிடத்தக்கது.

தானியங்கி பரிசோதனைக்கூடத்தில் பரிசோதனைகள் செய்வதால் கட்டணங்கள் மிகவும்  அதிகமாக இருக்குமே என்று நீங்கள் நினைக்கலாம் ஆனால் இந்த நவீன முறையில்  மூலப்பொருட்கள் வீண் ஆகாததாலும், திரும்ப செய்ய வேண்டிய  முறைகள் குறைவதாலும்  கட்டணங்கள் வழக்கத்தை விட மிகவும் குறைவாகவே இதில் இருக்கிறது. நாளுக்கு நாள்   முன்னேறி வருகிற தொழில்நுட்பங்கள் மூலம் நோய் கண்டறிவதற்கான  பரிசோதனைகளுக்கான கட்டணங்கள் குறைந்து வருவ தையும் நம்மால் காண முடிகிறது.

உதாரணமாக இதுபோன்ற நவீன தொழில்நுட்ப வசதிகள் இல்லாத மற்ற இடங்களில்  தைராய்டு பரிசோதனை செய்வதற்கு 500 ரூபாய் வரை செலவாகும்.

ஆனால் இதற்கு  இப்போது பரிசோதனை நிலையத்தில் 150 ரூபாயை கட்டணமாகப் பெறுகிறார்கள். அதுபோல   சர்க்கரை நோய் பரிசோதனைக்கான கட்டணத்தை 20 ரூபாய் வரை குறைத்துக்  கொடுக்கின்றனர்.

பொதுவாகவே அனைத்து ரத்தப் பரிசோதனைகளும் மற்ற இடங்களை விட 70 சதவீதம்  வரை குறைவாக உள்ளது. துல்லியமான முடிவுகளை துரிதமாக மிகவும் குறைந்த  கட்டணத்தில் பெறுவதற்கு ரோபோட்டிக் தொழில்நுட்பம் மிகவும் உதவியாக இருக்கிறது  என்பதை யாராலும் மறுக்க இயலாது. இனி வரும் காலங்களில் இந்த முழு தானியங்கி  பரிசோதனை மய்யங்களின் தேவை தவிர்க்க முடியாத ஒன்றாகவே இருக்கும் என்பதில் எந்த  சந்தேகமும் இல்லை.

சிடி ஸ்கேன்

1980-களில் சென்னையில் முதன்முதலாக டாக்டர் ராமமூர்த்தி அவர்களால் சிடி ஸ்கேன்  நிறுவப்பட்டது. அன்றைய தினத்தில் சிடி ஸ்கேன் தலைக்கு எடுப்பதற்கு 50 நிமிடங்கள்  முதல் 75 நிமிடம் வரை ஆகும் என்ற அளவிலேயே இருந்தது. அதுவரை தலையில் அடிபட்ட  நோயாளிகள் ஸ்கேன் மிசினில் அசையாமல் படுத்திருக்க வேண்டும் என்ற சூழல் இருந்தது.

இன்று தலையில் அடிபட்ட நோயாளிகளுக்கு 10 வினாடிகளில் எடுக்கும் அளவில் மிகவும்  அதிநவீன சிடி ஸ்கேன் மெசின்கள் தமிழ்நாட்டில் வந்துள்ளது. இரண்டு நொடிக்குள் முழு  ஸ்கேன் எடுக்கும் அளவிற்கு சக்தி வாய்ந்த நவீன  ஸ்கேன் கருவிகள் இருக்கிறது.  கட்டணங் களும் பெருமளவில் குறைந்துள்ளது. இனிவரும் காலங் களில் மொபைல்  ஆம்புலன்ஸ் எனும் நடமாடும் வாகனங்களில் சிடி ஸ்கேன் உலாவும் என்பது எவ்வித  அய்யமும்  இல்லை.

எம்.ஆர்.அய். ஸ்கேன்

எம்.ஆர்.அய் மிசின்கள் முதன்முதலாக 0.2  எனப்படும் அளவில் இருந்தது. அதில்  முதுகுத்தண்டுக்கு எம்.ஆர்.அய் ஸ்கேன் எடுக்க முன்பு 45 நிமிடம் முதல் 75 நிமிடம் வரை  ஆகும் என்ற நிலையிருந்தது. ஆனால், இன்று உள்ள 1.5   ஸ்கேனில் மொத்த  முதுகுத்தண்டையும் 15 முதல் 20 நிமிடங்களில் பார்க்க முடிகிறது.

இன்று மருத்துவம் செய்யும் மருத்துவர்கள் அனை வரும் ஆதாரபூர்வமாக ஆராய்ந்த பின்னரே  அதற்கான சிகிச்சையை மேற்கொள்ளும் நிலை ஏற்பட்டுள்ளது. உதாரணமாக ஒருவர் கீழே  விழுந்து கை ஒடிந்திருப்பது நன்றாகவே தெரிந்தாலும், முதலில் எக்ஸ்ரே எடுத்துவிட்டு பின்  அந்த எக்ஸ்ரே முடிவுபடியே அடுத்தடுத்து சிகிச் சையை மேற்கொள்ள ஆயத்தமாகிறார்கள்.

எனவே, முன்பு பரிசோதித்து பார்த்து மருத்துவம் செய்த முறை மாறி, இன்று பரிசோதித்து  பார்த்து ஆய்வு செய்து அதன் அடிப்படையில் சிகிச்சையினை தொடரும் நிலைக்கு  முன்னேற்றம் ஏற்பட்டுள்ளது.

இதற்கு பெரிதும் உதவுவது எக்ஸ்ரே, சி.டி எம்.ஆர்.அய் மற்றும்  ரத்தப் பரிசோதனைகளே என்பதை யாராலும் மறுக்க முடியாது!

- விடுதலை நாளேடு, 20.8.18

சளிப் பிரச்சினைக்கு காரணம்?

நோய் எதிர்ப்பு ஆற்றல் குறைவு, சுற்றுச்சூழல் மாசு, ஒவ்வாமை இந்த மூன்றும்தாம் சைனஸ் பிரச்சினைக்கு முக்கியக் காரணங்கள். பாக்டீரியா, வைரஸ், பூஞ்சைத் தொற்றுகள் மூலமாகச் சளி பிடிக்கும்போதும், சைனஸ் தொல்லை கொடுக்கிறது. மூக்குத் துவாரத்தை இரண்டாகப் பிரிக்கிற நடு எலும்பு வளைவாக இருப்பது, பாலிப் எனும் மூக்குச் சதை வளர்ச்சி ஆகியவை இந்தப் பிரச்சினையைத் தூண்டுகின்றன.

அழற்சியே அடிப்படை

மாசடைந்த காற்றில் வரும் தொற்றுக் கிருமிகள் சைனஸ் அறைக்குள் புகுந்துவிடும்போது, அங்குள்ள சளிச் சவ்வு வீங்கி அழற்சியாகும். இதனால் அளவுக்கு அதிகமாக நிணநீர் திரவம் சுரந்து, மூக்கு வழியாக வெளியேறும். ஜலதோஷம் பிடித்தால், தூசு, புகை காரணமாக ஒவ்வாமை ஏற்பட்டால், மிகவும் குளிர்ச்சியானதைச் சாப் பிட்டால், பனியில் நடந்தால், மழையில் நீண்ட நேரம் நனைந்தால் இதே நிலைமைதான்.

சைனஸ் அறையில் அழற்சி அதிகமாகும்போதும், மூக்கில் சதை வளரும்போதும், இந்த நீர் வெளியேற முடியாத அளவுக்கு மூக்கு அடைத்துக்கொள்ளும். அப்போது மூக்கை உறிஞ்சிக்கொண்டே இருப் பார்கள். இதனால் சைனஸ் அறையில் அழுத்தம் அதிகமாகி நிலைமை இன்னும் மோசமடையும்.

அறிகுறிகள் என்ன?

அடிக்கடி தும்மல், மூக்கு ஒழுகுதல், மூக்கடைப்பு, தலைவலி ஆகியவை சைனஸ் பாதிப்பின் பொது வான அறிகுறிகள். கண்ணுக்குக் கீழே, கன்னம், முன்நெற்றி ஆகிய இடங்களைத் தொட்டால் வலிக்கும். தலையைக் குனிந்தால் தலை பாரம் அதிகரிக்கும். இவற்றுடன் காய்ச்சல், தொண்டை யில் சளி கட்டுவது, இரவில் இருமல் வருவது, உடல் சோர்வு போன்றவையும் சேர்ந்துகொள்ளும்.

பரிசோதனைகள் என்ன?

சைனஸ் தொல்லையைக் கண்டறிய முகத்தை எக்ஸ்-ரே, சி.டி.ஸ்கேன் அல்லது எம்.ஆர்.அய். ஸ்கேன் எடுத்துப் பார்க்கலாம். இப்போது மூக்கு எண்டாஸ்கோப்பி பரிசோதனை மூலமும் சைனஸ் பாதிப்பைத் துல்லியமாகக் கணிக்க முடிகிறது. இவற்றுடன் பொதுநலன் அறியும் ரத்தப் பரிசோத னைகள், ஒவ்வாமைக்கான பரிசோத னைகள், சளிப் பரிசோதனைகள் ஆகியவையும் தேவை.

இந்தப் பிரச்சினைக்கு ஒவ்வாமைதான் முக்கியக் காரணியாக இருப்பதால், அந்த ஒவ்வாமையை அகற்றும் சிகிச்சையைத்தான் முதலில் மேற்கொள்ள வேண்டும். மூக்கு ஒழுகுவதை நிறுத்த மருத்துவர் களின் பரிந்துரையுடன் சில மாத்திரைகளைச் சாப்பிடலாம். மூக்கடைப்பைப் போக்க, மூக்கில் சொட்டு மருந்து விடுவது அவசரத்துக்கு உதவும். ஆனால், இதையே தொடர்ந்து மேற்கொள்வது நல்லதல்ல.

சொட்டு மருந்து விடுவதால், ஆரம்பத்தில் நிவாரணம் கிடைப்பது போலிருக்கும். ஆனால், நாளடைவில் இதனால் நிவாரணம் கிடைக்காது. இதற்குப் பதிலாக, ஸ்டீராய்டு கலந்த மூக்கு ஸ்பிரே யரைப் பயன்படுத்தலாம். மருத்துவர் சொல்லும் கால அளவுக்கு இதைப் பயன்படுத்த வேண்டியது முக்கியம்.

மூக்கடைப்பைப் போக்க டிங்க்சர் பென்சாயின், மென்தால், யூகலிப்டஸ் மருந்து போன்றவற்றைப் பயன்படுத்தி, காலையிலும், இரவிலும் நீராவி பிடிப்பது நல்லது. இதனால் மூக்கில் உள்ள சளி இளகி, சுலபமாக வெளியேறிவிடும். தொற்றுக் கிருமிகள் இருப்பதாகத் தெரிந்தால் தகுந்த ஆன்ட்டி பயாடிக் மருந்துகளைச் சாப்பிட வேண்டும்.

எண்டாஸ்கோப்பி உதவும்!

இதற்கு எண்டாஸ்கோப்பி உதவியுடன், பலூன் சைனுபிளாஸ்டி  எனும் நவீன சிகிச்சை முறையில், முழு நிவாரணம் அளிக்க முடியும். சென்னை மருத்துவக் கல்லூரி மருத்துவமனையில் இது இலவசமாகச் செய்யப்படுகிறது.

செய்யக் கூடாதவை என்ன?

# அய்ஸ்கிரீம் போன்ற குளிர்ச்சியான உணவு வகைகள் கூடாது

# பனியில் அலையக் கூடாது.

# புகைப்பிடிக்கக் கூடாது.

# புகையுள்ள இடங்களில் வசிக்கக் கூடாது.

# மூக்குப்பொடி போடக் கூடாது.

# அசுத்தமான நீர்நிலைகளில் குளிக்கக் கூடாது.

# விரல்களால் அடிக்கடி மூக்கைக் குடையக் கூடாது.

# மூக்கடைப்பைப் போக்கும் சாதாரண இன்ஹேலரை மருத்துவர் கூறாமல் அடிக்கடி பயன்படுத்தக் கூடாது.

-  விடுதலை நாளேடு, 13.8.18