மருத்துவம் : விதி நம்பிக்கையை விலக்கிய அதி நவீன மருத்துவங்கள்! [28] கல்லீரல் அழற்சி

Home -> மருத்துவம் : விதி நம்பிக்கையை விலக்கிய அதி நவீன மருத்துவங்கள்! [28]

(HEPATITIS)

¨           நாள்பட்ட அழற்சியில், நோயாளிகள் பெரும்பான்மையானோர் அறிகுறிகள் இல்லாமலோ, குறைந்த அறிகுறிகளுடனோ காணப்படும் நிலை இருக்கும். இரத்தப் பரிசோதனை மட்டுமே நோயை உறுதிப்படுத்தும் நிலை பல நேரங்களில் ஏற்படும்.

¨           கல்லீரல் எந்த அளவு சேதமடைகிறதோ, அந்த அளவுக்கு நோயின் அறிகுறிகள் இருக்கும்.

¨           மஞ்சள் காமாலை எனப்படும் அறிகுறிகள் மெதுவாகவே தோன்றும்.

¨           அந்த மஞ்சள் நிற மாற்றம் என்பது கல்லீரல் அதிகளவு சேதமடைந்ததையே காட்டும்.

¨           வயிறு எப்பொழுதும் உப்பியே காணப்படும்.

¨           விலா எலும்புகளுக்கு கீழ், வலது புறத்தை அழுத்திப் பார்த்தால், கல்லீரல் வீக்கம் எளிதாகத் தெரியும்.

¨           லேசான காய்ச்சல்.

¨           வயிற்றில் நீர்மங்கள் சேர்தல் இதை ‘மகோதரம்’’ என்பர்.

¨           கல்லீரல் மிகவும் சேதமடைந்துவிட்டால், ஏற்படும் வடுக்களால் கல்லீரல் செயல்பாடுகள் பாதிப்படைவதாலும், உடல் மெலிவடையும்.

¨           இரத்தக் கசிவுகள் ஏற்படும்.

¨           அளவு கடந்த இரத்தப்போக்கு, மாதவிலக்குக் காலங்களில் உண்டாகும்.

¨           நுரையீரலில் வடுக்கள் ஏற்படும். அதன் விளைவாக நுரையீரலில் நீர் கோப்பு உண்டாகி, மூச்சுத் திணறல் ஏற்படும்.

¨           சிறு நீரங்களில் அழற்சி அடுத்த நிலையில் ஏற்படும்.

¨           ஒவ்வோர் உறுப்பும் பாதிப்படையும் நிலையில், அதை ஒட்டிய பாதிப்புகளும் ஏற்படும்.

¨           கல்லீரல் அழற்சி நாளடைவில் மூளைக் கோளாறு ஏற்படுத்தும் நிலையும் ஏற்படும். முதலில் மனக்குழப்பத்தில் துவங்கும் மூளைக் கோளாறு, சிறிது நாள்களில் ‘ஆழ் மயக்கத்தில்’  (Coma) ஆழ்த்தி விடும்.

¨           ஆழ் மயக்கம் தெளியாமலே நோயாளி மரணமடையும் நிலையை ஏற்படுத்தும்.

¨           மரணம் நிகழும் முன், நோயாளி மிகவும் தொல்லைப்படுவார்.

¨           ஆரம்ப நிலையில் பசியின்மையில் துவங்கும் அறிகுறி மேலே குறிப்பிட்டுள்ள ஒவ்வொரு நிலைகளாக வளர்ந்து முடிவில் மரணத்தை நிகழ்த்தும்.

¨           லேசான காய்ச்சலில் சில நோயாளிகளுக்கு உண்டாகும் அறிகுறி, மஞ்சள் காமாலையாக மாறி, கல்லீரலை அழித்து உயிருக்கு ஆபத்தை உண்டாக்கும் நிலையை கவனத்தில் கொள்ள வேண்டும்.

நோயறிதல்: கல்லீரல் அழற்சியில் கல்லீரல் இழைநார் வளர்ச்சி  (Civvhosis) ஏற்படுவதாலும், அழற்சியின் காரணமாக வீக்கம் ஏற்படுவதாலும், கல்லீரலை வயிற்றின் வலது புற மேல் பகுதியை அழுத்திப் பார்ப்பதாலேயே மருத்துவர் அறிந்து கொள்வார். இயல்பான நிலையில் கல்லீரலை வயிற்றை அழுத்திப் பார்ப்பதால் உணர முடியாது. ஆனால், நோயுற்ற நிலையில் கல்லீரல் வீங்கி விடுவதால் எளிதில் தொட்டுணர முடியும்.

கல்லீரல், தன் செல்களை, லேசான பாதிப்பு இருந்தால் எளிதில் சீராக்கிக் கொள்ளும். ஆனால், பாதிப்பின் அளவு அதிகமாகும்போது, இது இயலாமல் போய்விடும்.

மஞ்சள் காமாலை பல நேரங்களில் கல்லீரல் பாதிப்பை வெளிப்படுத்தும் முதல் அறிகுறியாக வெளிப்படும். சிறுநீர் வழமைக்கு மாறாக அதிக மஞ்சளாக போதல், கண்ணின் விழி வெண்படலம், வெண்மைக்குப் பதில் மஞ்சள் நிறமாக மாறுதல், நகங்கள் இயல்பான நிறத்தில் இருந்து மாறி வெளிர் மஞ்சள் நிறமாக மாறுதல், தோலின் நிறம் இளம் மஞ்சளாக மாறுதல் போன்ற ‘மஞ்சள் காமாலை’ அறிகுறிகள் கல்லீரல் நோய்த் தொற்றாலும், கல்லீரல் அழற்சியாலும் வெளிப்படும். இதன் அடிப்படையில் மருத்துவர், நோயாளியின் அறிகுறிகளைக் கொண்டு, மேற்கொண்டு சோதனைகள் மேற்கொள்ள அறிவுறுத்துவார்.

கல்லீரல் அழற்சியில், ஈரலின் பாதிப்பு ஏற்படுவதால், ஈரலுக்கு ஓய்வு கொடுக்கும் வகையில் உணவுப் பழக்கங்கள் இருக்க வேண்டும். எண்ணெய் உணவுகள், பொறித்த உணவுகள் முழுமையாகத் தவிர்க்க வேண்டும். வேக வைத்த உணவுகள் சிறந்தவை. பழங்கள், காய்கறிகள் நல்ல உணவுகள்.

நாட்டு மருந்துகள் பலரால் பயன்படுத்தப் படுகின்றன. மஞ்சள் கரிசலாங்கண்ணி, கீழாநெல்லி இலைகள் சிறந்த மருந்துகளாக கல்லீரல் அழற்சிக்குக் கொடுக்கப்படுகின்றன. இவை கல்லீரலை பலப்படுத்தவே பயன்படும். இதுவே “லிவ் 52’’ என்ற மருந்தாகப் பயன்படுகிறது.

சித்த மருத்துவத்தில் மஞ்சள் காமாலைக்கு சிறந்த மருந்துகள் கொடுக்கப்படுகின்றன.

(தொடரும்)

- உண்மை இதழ், ஏப்ரல்16- 30 .21

கல்லீரல் அழற்சி (Hepatitis)

மருத்துவம் : விதி நம்பிக்கையை விலக்கிய அதி நவீன மருத்துவங்கள்! [27]

கல்லீரல் அழற்சி

 (Hepatitis)

கல்லீரல் அழற்சி (Hepatitis) : கல்லீரல் அழற்சி என்பது கல்லீரலில் ஏற்படும் வீக்கம் ஆகும். முன்னர் “தொற்றுக் கல்லீரல் அழற்சி’’ (Infections hepatitis) என்று அழைக்கப்பட்டது. A வைரஸ்  (Hepatitis A) எனப்படும் கிருமிகளால் ஏற்படும் கடுமையான நோய்த் தொற்றாகும். இது போலவே B தொற்று கல்லீரல் அழற்சி, C வகை,  D வகை,E வகை என அய்ந்து வகைகள் உள்ளன. பெரும்பாலும் வைரஸ்களால் ஏற்படும் நோயாக இருந்தாலும் மருந்துகளின் பக்க விளைவுகளால் கூட இந்நோய் ஏற்படக்கூடும். மது, நச்சுப் பொருள்களும் இந்நோயை ஏற்படுத்தும். தன்னுடல் தாக்கு நோய்கள்  (Auto-Immune Disease) கூட கல்லீரல் அழற்சியை ஏற்படுத்தும். கல்லீரல் அழற்சி தி வகை என்னும் ஒரு வகையும் உண்டு. வைரஸ்களால் ஏற்படும் இவ்வகையில் வைரஸ் கிருமிகளைக் கண்டுபிடிப்பது கடினமான செயல். இதுவன்றி, கல்லீரல் அழற்சி நி என்ற வகையும் உண்டு. இந்நோய் வைரஸ்கள் ஒன்றோடொன்று தொடர்பு அற்றவை. பல லட்சக்கணக்கான மக்கள் உலகம் முழுதும் இந்நோய்களால் பாதிக்கப்பட்டாலும், ஒரு சிலர் எந்தவிதமான அறிகுறிகளும் இல்லாமலேயே இருப்பர்.

A  வகை கல்லீரல் அழற்சி: கல்லீரல் A வகை அழற்சி,HAV வைரஸ்களால் உண்டாகிறது. உணவு, நீர் போன்றவற்றில், மனிதக் கழிவுகள்  கலப்பதால் இந்நோய்த் தொற்று பரவுகிறது.

B வகை கல்லீரல் அழற்சி: HBV வைரஸ் என்று பெயர் உள்ள வைரஸால் இந்நோய் பரவுகிறது. உடல் நீர்மங்கள் (Body Fluids), இரத்தம், பெண்குறி சுரப்புகள், விந்து ஆகியவையே இந்நோய் பரவ முக்கியக் காரணிகள் ஆகும். நோயுற்றவர்களின் உடல் நீர்மங்களிலிருந்து இந்நோய் மற்றவர்களுக்குப் பரவுகிறது. நோயுற்றவர் பயன்படுத்திய ஊசியை பயன்படுத்துவதால், அவர்களோடு உடலுறவு கொள்வதால் இந்நோய் பரவுகிறது. உலகில் மூன்று கோடியே, அய்ம்பது லட்சம் மக்கள் இந்நோயால் பாதிக்கப்பட்டுள்ளனர்.

C வகை கல்லீரல் அழற்சி: C வகை வைரஸ் தொற்றால் (HCV) இந்நோய் உண்டாகிறது.C வகை கல்லீரல் அழற்சியை ஏற்படுத்தும் இந்நோய், நோய்த் தொற்றுள்ளவர் பயன்படுத்திய ஊசியைப் பயன்படுத்துவதாலும், உடலுறவு அவர்களோடு கொள்வதாலும் பரவுகிறது.

D வகை கல்லீரல் அழற்சி: டெல்டா கல்லீரல் அழற்சி என்றழைக்கப்படும் இந்நோய் D கல்லீரல் அழற்சி என்றும் அழைக்கப்படுகிறது. HDV வைரஸ் என்றழைக்கப்படும் வைரஸால் உண்டாகும் இந்நோய், நோயுற்றவரின் இரத்தம் மூலம் பரவுகிறது. இது எளிதில் பரவாத ஒரு நோய். ஆனால், B கல்லீரல் அழற்சியோடு, இணைந்தே இந்நோய் பரவும். B வைரஸ் இல்லாதபொழுது, இது பல்கிப் பெருகாது.

E  வகை கல்லீரல் அழற்சி: நீர் மூலம் பரவும் E வைரஸ் (HEV) அசுத்தமான சுற்றுப்புறச் சூழலாலும், மனிதக் கழிவு கலந்த குடிநீரின் மூலமும் எளிதாகப் பரவும்.

நோய்த் தொற்று இன்றி வரும் கல்லீரல் அழற்சி:

மதுப் பழக்கத்திற்கு அடிமையாகி, அதிகமாகும்போது, கல்லீரல் பாதிக்கப்படும். அதிகளவு மது அருந்துதல் கல்லீரலில் சிதைவை ஏற்படுத்துவதுடன், அழற்சியை ஏற்படுத்தும். ‘மது கல்லீரல் அழற்சி’  (Alcoholic Hepatitis) என்று இது அழைக்கப்படுகிறது. மது நேரடியாக கல்லீரல் செல்களைத் தாக்குகிறது. நாளாக, ஆக கல்லீரல் முழுமையாகப் பாதிக்கப்படுகிறது. அதனால், கல்லீரல் முழுமையாகச் செயலிழக்கும் நிலை ஏற்படும். அதனால் கல்லீரல் திசுக்கள் கெட்டிப்பட்டு, வடுக்கள் ஏற்படும். கல்லீரல் இழைநார் வீக்கம், காய வடு ஏற்படும் இந்நிலையை “கல்லீரல் இழைநார் வளர்ச்சி நோய்’’ (Cirrhosis) என்றழைக்கப்படுகிறது.

தன்னுடல் தாக்கு நோய்கள் (Auto Immune Diseases):

தன்னுடல் தாக்கு நோய்கள், நோய் எதிர்ப்புச் சக்தியைப் பாதித்து, கல்லீரலைத் தாக்குகிறது. இதனால் லேசான பாதிப்பு முதல், தீவிரமான பாதிப்பை கல்லீரலில் ஏற்படுத்துகிறது. ஆண்களைவிட மூன்று மடங்கு அதிகமாக இந்நோய் பெண்களைப் பாதிக்கிறது.

நோயின் அறிகுறிகள்: நோய்த் தொற்றால் பாதிக்கப்படும் ஆரம்ப நிலையில் பெரிதாக அறிகுறிகள் தெரியாது. கல்லீரல் செயல்பாடுகள் பாதிக்கப்படும் நிலைமை ஏற்படும்பொழுதே அறிகுறிகள் தெரிய வரும். ஆனால், உடனடி அழற்சி, சட்டென்று தெரியும்.

*         களைப்பு

*          சோர்வு

 *        ஃப்ளூகாய்ச்சல் போன்ற அறிகுறிகள்

*           பசியின்மை

*           மஞ்சள் நிற சிறுநீர்

*           வெளிர்நிற மலம்

*           வயிற்று வலி

*           எடைக்குறைவு

*           மஞ்சள் நிறத்தில் தோல் நிறம் மாறுதல்

*          கண்களில் விழி வெண்படலம் மஞ்சள் நிறமாக மாறுதல்

*           நகக் கண்கள் மஞ்சள் நிறமாக மாறுதல்

*         இதையே மஞ்சள் காமாலை (யிணீuஸீபீவீநீமீ) என்கிறோம். ஆனால், நாள்பட்ட கல்லீரல் அழற்சியில் மேற்குறிப்பிட்ட அறிகுறிகள் மெதுவாகத் தோன்றும்.

*          வயிறு வீக்கம்

*           உடல் வீக்கம்

போன்றவை நாள்பட்ட அழற்சியால் ஏற்படும்.

(தொடரும்)

-உண்மை இதழ், ஏப்ரல் 1-15.21

கல்லீரல் அழற்சி

மருத்துவம் : விதி நம்பிக்கையை விலக்கிய அதி நவீன மருத்துவங்கள்! [26]

கல்லீரல் மார்புக் கூட்டின் கீழ், வலது புறத்தில் அமைந்துள்ள ஓர் உறுப்பாகும். மார்பு, வயிறு இடைச் சுவருக்குக் கீழே (உதரவிதானம் _  diaphragm) ஒரு பெரிய உறுப்பாக இது இருக்கிறது. நம் உடலில் உள்ள உறுப்புகளில், மிகப் பெரிய உறுப்பு இது. செம்பழுப்பு நிறத்தில் 1.4 முதல் 1.6 கிலோ எடையுள்ளது கல்லீரல். கல்லீரலின் கீழ்ப்பகுதியில் பித்தப்பையும் (Gall bladder), இடதுபுறத்தில் இரைப்பையும் இருக்கின்றன. நம் உடலில் உள்ள ஒரு பெரிய தொழிற்சாலை என்றே இந்த உறுப்பை நாம் சொல்லலாம். கல்லீரல் வலது, இடது மடல்களாகப்  (Lobes) பிரிக்கப்பட்டுள்ளது. இவை 8 பிரிவுகளாகப் பிரிந்து அமைந்துள்ளன. ஒவ்வொரு பிரிவிலும் 1000 ‘சிறு மடல்கள்’ (Lobules) உள்ளன. ஒவ்வொரு சிறு மடலிலிருந்தும் ஒரு சிறு குழாய் (Duct) வெளியே வருகிறது. இச்சிறு குழாய்கள் அனைத்தும் ஒருங்கிணைந்து “கல்லீரல் பொதுக் குழாயாக’’  (Common Hepatic duct) மாறுகிறது. கல்லீரலில் உற்பத்தியாகும் ‘பித்தநீரை’ (Bile), பித்தப்பைக்கும் (Gall bladder),மேல் சிறு குடலுக்கும்  (Duodenum) செலுத்தும் வழியாக கல்லீரல் பொதுக் குழாய் விளங்குகிறது. மகாதமனி  (Aorta) யிலிருந்து பிரியும் ஒரு பெரும் தமனியான ‘கல்லீரல் தமனி’  (Hepatic Artery) கல்லீரலுக்கு நல்ல இரத்தத்தை எடுத்துச் செல்கிறது ‘கல்லீரல் சிரை’ (Hepatic Portal Vein) இரைப்பை, மண்ணீரல் மற்றும் கணையத்திலிருந்து செரிமான ஊட்டச்சத்து நிறைந்த இரத்தத்தை உடலுக்குக் கொண்டு செல்கிறது. உடலுக்குத் தேவையான ஊட்டச் சத்துகளின் அளவினை நிர்ணயித்து, அதற்கேற்ப உடலுக்குள் செலுத்தும் செயலையும் கல்லீரல் செய்கிறது. நம் உடலில் உள்ள இரத்தத்தின் அளவில் 13% கல்லீரலில் எப்பொழுதும் இருக்கும். இரத்தம் அதிகம் உள்ள உறுப்புகளில் கல்லீரல் ஒரு முக்கிய உறுப்பாகும். கல்லீரலின் அடிப்படை உறுப்புகள் “கல்லீரல் செல்களால்’’  (Hepatocytes) ஆனவை. இந்தச் செல்கள், கல்லீரலில் ஏதேனும் சிதைவு ஏற்பட்டால் உடனடியாக அதைச் சீராக்கும் தன்மையுடையது. இச்சீராக்கல் மிகவும் எளிதாகவும், வேகமாகவும் நிகழும். ஆனால், நீண்டகால கல்லீரல் பாதிப்புகள் சீராக்க முடியாத நிலைமை ஏற்படுத்தும்.

கல்லீரல் செயல்பாடுகள்: மனித உடல் நல்ல முறையில் செயல்படத் தேவையான 500க்கும் மேற்பட்ட செயல்பாடுகளில் கல்லீரல் பங்கு வகிக்கிறது. அதனாலேயே நம் உடலில் உள்ள பெரிய தொழிற்சாலையாகக் கல்லீரல் கருதப்படுகிறது. அதன் செயல்பாடுகள் அதிகளவு உடல் இயக்கத்திற்குக் காரணம்.

பித்தநீர் சுரப்பு: பித்த நீர் கல்லீரலில் சுரக்கிறது. பார்ப்பதற்கு கரும்பச்சை நிறத்தில், மஞ்சள் மற்றும் பழுப்பு நிற நீராக இருக்கும். இச்சுரப்பு, சிறுகுடலின் உணவு செரிமானத்திற்கு முக்கியக் காரணமாக இருக்கின்றது. கல்லீரலில் உற்பத்தியாகி, பித்தப்பையில் சேகரிக்கப்பட்டு, பித்த நாளத்தின் வழியே முன் சிறுகுடலை அடையும். பித்த நீரில் நீர், கோழைப் பொருள்கள், உப்புகள், கொலஸ்ட்ரால், பித்த நிறமிகள், பித்த நீர் உப்புகள் போன்றவை உள்ளன. பித்த நீர் உப்புகள் பெரிய கொழுப்புப் பொருள்களை சிறிய கொழுப்புத் திவலைகளாக மாற்றுகின்றன. மிகப் பெரிய நீர்மம் சுரக்கும் சுரப்பியாக கல்லீரல் திகழ்கிறது. உடலின் உள்சூழலைக் கட்டுப்படுத்தி சமநிலையில் வைக்கும் பெரும் பொறுப்பை கல்லீரல் செய்கிறது. வளர்சிதை மாற்றங்களின்(Metabolism) போது உண்டாகும் நச்சுத் தன்மையை அகற்றுதல், புரதத் தொகுப்பு மற்றும் செரிமானத்திற்குத் தேவையான உயிர் வேதியியல் பொருள்களை உற்பத்தி செய்தல் உள்ளிட்ட பணிகள் கல்லீரலில் நடைபெறுகின்றன. வளர்சிதை மாற்ற நிகழ்வுகள், மாவுச் சத்தை கிளைகோஜனாக மாற்றிச் சேமிப்பை முறைப்படுத்துதல், உடலில் உற்பத்தியாகி, இரத்தத்தில் கலந்துள்ள சிவப்பணுக்களை (முதிர்ந்ததும்) சிதைக்கும் பணியையும் கல்லீரல் செய்கிறது. மற்றும் பல வகையான “ஊக்கி நீர்’’ (Hormones) களை சுரக்கிறது. கொழுப்புத் திசுக்களின் செரிமானத்திற்கும் கல்லீரல் உதவுகிறது. உடலுக்குச் செல்லும் மருந்துகளின் பயன்பாட்டுக்குப் போக மீதமுள்ள மருத்துவ மூலக்கூறுகளைச் சிதைத்து வெளியேற்றும் பணியை இந்த அவயவமே செய்கிறது. சிறு மற்றும் சிக்கலான மூலக்கூறுகளைத் தொகுத்தல் மற்றும் சிதைத்தல் உள்ளிட்ட பல முக்கிய உயிர் வேதியியல் (Bio-Chemistry) )செயல்பாடுகளையும் கல்லீரல் செய்கிறது. சிவப்பணுக்கள் சிதைக்கப்படும்போது, அதில் உள்ள இரும்புச் சத்தை சேமித்தல், சில தனிமங்கள், உயிர்ச் சத்துகள் சேமிப்பு, கொழுப்பு மற்றும் புரதச் சத்துகளைச் சேமித்தல், சில ஊக்கி நீர்கள் சேமிப்பு, யூரியா உற்பத்தி, இரத்தப் புரத நீர் (Plasma)உற்பத்தி, உட்கொள்ளும் உணவைச் செரித்து ஆற்றலை உருவாக்கவும், சுரப்பிகளைச் செயல்பட வைத்து நொதியங்களை  (Enzymes) உற்பத்தி செய்வதிலும், அதன்மூலம் உணவு செரித்தலை சீராக வைக்கும் செயலையும், இரத்த உறைவை (Clotting) உண்டாக்கும் புரதங்களை உற்பத்தி செய்யும் பணியையும், காயங்களை ஆற்றும் செயல்திறனையும் கல்லீரல் செய்கிறது. கல்லீரல் அடர்த்தியான இரத்தக் குழாய்களையும், மற்றும் பித்த நீர்க் குழாய்களையும் வலை போன்ற அமைப்புடன் பெற்றுள்ளது. முதிர்ச்சியடைந்த இரத்தச் சிவப்பணுக்களைச் சிதைக்கும்பொழுது, அதிலிருந்து “பிலிருபின்’’  (Bilirubin) எனும் கழிவுப் பொருளை நீக்கி பித்த நீரை உண்டாக்குகிறது. கல்லீரலில் உற்பத்தியாகும் பித்த நீர் பித்த நீர்க் குழாய்  (Bileduct) வழியே சிறுகுடலுக்குச் செலுத்தப்படுகிறது. கொழுப்பு உணவுகளின் தேவையற்ற மூலக் கூறுகளைக் கரைத்து வெளியேற்றும் பணியையும் கல்லீரல் செய்கிறது. உணவு செரிமானத்தில் உருவாகும் எளிய வடிவிலான ஊட்டச் சத்துகள் தேவையான அளவுக்கு மேல் இருக்கும்பொழுது, வேறு வடிவமாக மாற்றப்பட்டு, கல்லீரலில் சேமிக்கப்படுகிறது. பின்பு உடல் தேவைக்கு ஏற்ப சேமிக்கப்பட்டுள்ள ஊட்டச் சத்துகள் மீண்டும் எளிய வடிவில் மாற்றப்பட்டு, இரத்தத்தில் செலுத்தப்பட்டு, தேவைப்படும் உறுப்புகளுக்குச் செலுத்தப்படும். பொதுவாக எல்லா குடல் பாகங்களிலிருந்தும், உடலுக்குள் நுழையும் வெளிப்பொருள்கள் யாவற்றையும், “கல்லீரல் இரத்த ஓட்டம்’’  (Portal Circulation) மூலம் கல்லீரல் தன்னுள் இழுத்துக் கொள்ளும். இதுபோன்ற பல்வகைச் செயல்பாடுகளை  உடலின் பெரும் தொழிற்சாலையான கல்லீரல் செய்கிறது.

(தொடரும்)

- உண்மை இதழ், மார்ச் 16- 31. 21

மனநிலையை காட்டும் புரதங்கள்!

April 01, 2021 • Viduthalai

 மனச்சுமை, மனச் சிதைவு போன்ற உளவியல் குறைபாடுகளை உறுதி செய்ய, உளவியல் மருத்துவர்களால் தான் முடியும். ஆனால், இவற்றை, உடலியல் அறிகுறிகளால் கண்டறிய முடியுமா என, ஒருபக்கம் ஆய்வு நடக்கிறது. அண்மையில், தெற்கு ஆஸ்திரேலிய பல்கலைக்கழக விஞ்ஞானிகள், உலகின் முதல் உடலியல் அடிப்படையிலான உளவியல் சோதனையை வடிவமைத்துஉள்ளனர்.

மனச் சுமை போன்ற குறைபாடுகள் உள் ளோருக்கு, மூளையில் உற்பத்தியாகும், பி.டி.என்.எப்., எனப்படும் நியூரோட்ரோபிக் காரணி புரதங்களின் அளவுகள் மாறுபடுவதுண்டு. புரத அளவு மாறுபாட்டை வைத்து, ஒருவருக்கு இருப்பது மனச்சிதைவா, அல்சைமர்ஸ் நோயா என்பது முதல் தற்கொலை செய்து, கொள்ளும் மனநிலை கொண்டவரா என்பது வரை அறிய முடியும்.

இந்த மாறுபாட்டை வைத்து ஆஸ்திரேலிய மருத்துவர்கள் நம்பகமான சோதனை முறையை கண்டறிந்துள்ளனர்.ஜர்னல் ஆப் சைக்கியாட்ரிக் ரிசர்ச் இதழில் வெளியாகியுள்ள இப் புதிய சோதனை முறை நடமுறைக்கு வந்தால், உளவியல் குறைபாடு உள்ளோரை துல்லியமாக கண்டறிய முடியும்.

கொலஸ்ட்ரால் - கவலை வேண்டாம்! - புதிய தகவல்

புதன், 4 அக்டோபர், 2017

கொலஸ்ட்ரால் - கவலை வேண்டாம்! - புதிய தகவல்

‘கொலஸ்ட்ரால்’ என்ற கொழுப்பு மிகுதிச் சத்து நம் ரத்தத்தில் கூடுதலாகச் சேருவதால், பலவித உடல் நோய் களுக்கு அது வழிவகுக்கும் ஆபத்து என்ற கருத்துப் பரவியுள்ளதால், நம் உணவில் கொலஸ்ட்ரால் (நல்ல கொலஸ்ட்ரால் - கெட்ட கொலஸ்ட்ரால் என்ற இருவகை அதில் உண்டு)பற்றி எச்சரிக்கையுடன் இருக்கவேண்டும் என்று மருத்துவ உலகம் அறிவுரை கூறி எச்சரித்து வந்தது!

இதிலிருந்து விடுபடும் ஒரு புதிய அரிய செய்தி! அமெரிக்க அரசு - கொலஸ்ட்ரால் பற்றிய எச்சரிக்கையை திரும்பப் பெற்றுள்ளது.

ஆபத்தானது  என்ற பட்டியலிலி ருந்து இந்த ‘கொலஸ்ட்ரால்’ நீக்கப்பட் டுள்ள இச்செய்தி நேர் எதிர் திசையில் திரும்பிய ‘யுடர்ன்’ செய்கை என்றால் மிகையாகாது!

இது உடலுக்குக் கேடு செய்யும் உணவுச் சத்து அல்ல என்று கூறியுள் ளது!

1970-களிலிருந்து இதய நோயி லிருந்து பாதுகாத்துக் கொள்ளவும், இதய ரத்தக் குழாய்களில் அடைப்பை ஏற்படுத்துவதற்குக் காரணமாகவும் இந்த ‘‘கொலஸ்ட்ரால்’’ என்ற கொழுப்புச் சத்துக் காரணமாகும் என்ற கூற்றினை இப்போது மாற்றி, கைவிட்டுள்ளது அமெரிக்க (மருத்துவ உலகமும்) அரசு!

இதன்படி முட்டை, வெண்ணெய் மற்றும் கொட்டைகள், கொழுப்புகளைக் கொண்ட பால் பொருள்கள், தேங்காய் எண்ணெய், இறைச்சி இவைகளை யெல்லாம் பாதுகாப்பற்றவை என்பதை மாற்றி, கவலைப்படவேண்டிய உணவுச் சத்துக்களைத் தருபவன அல்ல என்று தெளிவாக்கப்பட்டுள்ளது!

அமெரிக்க அரசின் விவசாயத் துறை இதுபோன்ற பலவற்றையும் 5 ஆண்டுகளுக்கு ஒருமுறை ஆய்வு செய்து, பரிசோதனைகளுக்குப் பிறகு தனது ஆய்வுக் கருத்துரையை அளிப் பது வழமை.

2015 இல் அது கூறியதாவது:

‘‘இதற்குமுன் உணவு சம்பந்தமான வழிகாட்டு நெறிமுறையில் அமெரிக்கர் களுக்கு - கொலஸ்ட்ரால் சேருவதை 300 மில்லிக்கும்மேல் ஒரு நாளைக்குச் சேரக்கூடாது’’ என்று கூறப்பட்டது.

2015 இல் அமெரிக்க அரசு விவ சாயத் துறை இதை பரிந்துரைத்திருக்காது; காரணம் அதற்குக் கிடைத்த ஆதா ரங்கள் சான்றுகளின்படி - உணவில் சேரும் கொலஸ்ட்ராலுக்கும், ரத்தத்தில் உள்ள சீரட் Serum Blood Cholesterol) அமெரிக்க இதய சம்பந்த கழகம்  (American Heart Association - AHA), அமெரிக்க இதயம் சார்ந்த கல்லூரி (American College of Cardiology - ACC) உணவு சம்பந்தமான ஆலோ சனைக் குழுவினர் இத்தகைய எச்சரிக் கையைத் தந்திருக்கிறார்கள். சர்க்கரை கூடக் கூடாது என்பதில் நாம் அதிக கவனத்துடன் இருக்கவேண்டும் என்றே கூறும்!

பிரபல அமெரிக்க இதய நோய் நிபுணர் டாக்டர் ஸ்டீவென் நிசான் (Dr.Steven Nissen)  அவர்கள் இதுபற்றி கருத்துக் கூறுகையில்,

‘இது சரியான முடிவுதான். நமது உணவு சம்பந்தமான வழிகாட்டு நெறி முறை விதிகள் பல நேரங்களில் - பல பத்தாண்டு காலமாக தவறாகவே அமைந்துள்ளன.

நாம் பல உணவுகளை உட்கொள் ளும்போது இத்தகையச் சத்துகள் நமது உடலில் - அதன் சேர்க்கை குறைவே எடுக்கும்.

(When we eat more foods rich in this compound, our bodies make less)

நமது உணவில், இத்தகைய அதிக கொலஸ்ட்ரால் உள்ள முட்டை, வெண் ணெய், ஈரல், அதனால் உடல் கிளர்ந்து எழவே செய்கிறது!

உண்மையான தகவல் என்ன தெரியுமா கொலஸ்ட்ரால் பற்றி?

நமது உடம்பில் கொலஸ்ட்ராலைப் பெரிதும் உற்பத்தி செய்வது ஈரல் (Liver) தான். நமது மூளை பெரிதும் கொலஸ்ட் ராலால்தான் உருவாக்கப்பட்டுள்ளது! அதில் உள்ள நரம்பு செல்கள் இயங்க இது கட்டாயத் தேவையாகும்!

உடம்பிற்குத் தேவையான ஸ்ட்டி ராய்டு ஹார்மோன்களை உற்பத்தி செய்வதற்கு ஆதார சுருதியே இந்த கொலஸ்ட்ரால்தான்! மறவாதீர்!!

அந்த ஸ்டிராய்டு ஹார்மோன்கள் என்பவைதான் எஸ்ட்ரோஜென் (Estrogen) டெஸ்ட்டோஸ்ரோன் (Testosterone), கார்ட்டிகோஸ்டிராய்ட் போன்ற நமது உடலின் பல உறுப்புகளை சரியாக  இயங்கச் செய்யும் கரணிகள்.

எனவே, உடலில் உள்ள ‘‘அதிக கொலஸ்ட்ரால்’’ என்பது ஈரல் பகுதி சரியாக உள்ளது என்பதற்கு சரியான முக்கிய அடையாளம் ஆகும்! உடல் நலம்பற்றிய அடையாளமும்கூட அது!

ஃபிரேமிங்கஹாம் குழுவினரான இதய நோய் நிபுணர் குழு ஆய்வின் கூட்டு இயக்குநரான டாக்டர் ஜார்ஜ் வி.மேன் Dr.George V.Mann) அவர்கள் இதுபற்றி கூறுகையில்,

Saturated Fats என்ற ஒருவகை கொழுப்புச் சத்து (இதுதான் காரணம் என்று முன்பு கூறப்பட்டு வந்தது) இதய நோய் வருவதற்குக் காரணம் அல்ல.

இது ஒரு கற்பனையான கருத்து! இந்த நூற்றாண்டின் தலைசிறந்த தவறான புரட்டு ஆகும்!

‘‘கெட்ட கொலஸ்ட்ரால்’’ என்றே ஒன்று கிடையாது; கிடையவே கிடை யாது. இது இதய நோயை உருவாக்கும் என்பதே தவறான நம்பிக்கை - அறிவுரை - ஆதாரமற்றது!

வழக்கமான கொலஸ்ட்ரால் அள வோடு உள்ள பலருக்கும் இதயநோய் - மாரடைப்பு (Heart Attack) ஏற்படுகிறது அது எப்படி?

நமது உடம்புக்கு 950 மில்லி கிராம் கொலஸ்ட்ரால் ஒவ்வொரு நாளும் அதன் பணி செய்ய தேவைப்படுகிறது! ஈரல்தான் இதனை உற்பத்தி செய்து அளிக்கிறது!

எனவே, கொலஸ்ட்ரால் கூடுதலாக உடம்பில் உள்ளது என்றால், நமது ஈரல் சரியாக - நன்றாக வேலை செய்கிறது என்பது பொருள்!

எனவே, நிபுணர்கள் கூற்றுப்படி கெட்ட கொலஸ்ட்ரால், நல்ல கொலஸ்ட் ரால் என்றெல்லாம் கிடையாது!

கொலஸ்ட்ரால் என்பதால் - நமது உடலின் எந்த உறுப்பும் இயங்க  எந்தத் தடையையும் அது ஏற்படுத்திடுவ தில்லை.

இதுதான் இப்போது புதிதாக வந்துள்ள - இன்ப அதிர்ச்சியூட்டக் கூடிய மருத்துவச் செய்தி.

(இதை நமக்கு வாட்ஸ்-அப்பில் அனுப்பிய டாக்டர் எம்.எஸ்.இராமச் சந்திரன் அவர்களுக்கு நமது வாசகர்களின் சார்பில் நன்றி!)

- விடுதலை,4.10.17