இதயத்தைப் பற்றி தெரிந்து கொள்வோம்! - நவீன மருத்துவங்கள் (8)

 

மருத்துவம் : விதி நம்பிக்கையை விலக்கிய அதி நவீன மருத்துவங்கள் (8)

மார்ச் 1-15, 2020

உண்மை இதழ்

மரு.இரா.கவுதமன்

இதய நோய்களைப் பற்றி தெரிந்து கொள்வதற்கு முன் இதயத்தைப் பற்றி தெரிந்து கொள்வது அவசியம். இதயம் ஒரு வியப்பூட்டக்கூடிய உடல் உறுப்பு. முழுதும் தசைகளாலான இதயம் நம் நெஞ்சுக் கூட்டின் இடப்புறம் நெஞ்செலும்பிற்கு பின்புறம் அமைந்துள்ளது. கருத்தரித்தல் நிகழ்ந்து, 21 நாள்களிலேயே தோன்றும் முதல் உடல் உறுப்பு இதயம்தான். கருவின் இயங்கக்கூடிய முதல் உடலுறுப்பும் இதுதான். ஆரம்பத்தில் இரண்டு குழாய்களாக வளர்ச்சி அடையும் இது, பிறகு இணைந்து 4 அறைகளாக உருமாற்றம் பெறும். மூன்று வாரங்களில் இயங்கும் இதயம், கருவின் “இடைத்தோல் படை’’யிலிருந்து (Mesoderm) உருப்பெறுகிறது. கருவின் உட்புற செல்கள் மூன்று விதமாகப் பிரிகின்றன. “வெளித்தோல்படை’’ (Ectoderm), “இடைத்தோல் படை’’(Mesoderm), “உள்தோல் படை’’ (Endoderm) ஆகிய மூன்று பகுதிகளிலிருந்தே அனைத்து உறுப்புகளும் வளர்ச்சி அடைகின்றன.

இடைத்தோல் படையில் வளரும் இதயம் கரு உண்டாகி மூன்றாவது வாரத்தில் துடிக்கத் துவங்கி, நம் மரணம் வரை துடித்துக்கொண்டே இருக்கும். ஒரு நிமிடத்திற்கு 72 முறை துடிக்கும் இதயம், 60 வயதானவருக்கு, ஏறக்குறைய 2.5 மில்லியன் தடவை துடிக்கும். பெண்களுக்கு சுமார் 250 முதல் 300 கிராம் எடையும், ஆண்களுக்கு 300 முதல் 350 கிராம் எடையும் இருக்கும். இதயத்திற்கு இரத்தத்தைக் கொண்டு வரும் குழாய்கள் ‘சிரைகள்’ என்றும் இதயத்தில் இருந்து இரத்தத்தை உடலின் பாகங்களுக்கு எடுத்துச் செல்லும் குழாய்களுக்கு “தமனிகள்’’ என்றும் பெயர். இதயத்தில் நான்கு அறைகள் உள்ளன. அவை வலது (ஆரிக்கள்) மேலறை, இடது மேலறை, வலது கீழறை  (Ventricle), இடது கீழறை ஆகியவை ஆகும்.

மேலறைகளும், கீழறைகளும் “அடைப்பிதழ்’’-களால் (Valve) பிரிக்கப்பட்டுள்ளன. வலதுபுறம் அறைகளை “முக்கூர் அடைப்பிதழும்’’(Tricuspid valve), இடது புற அறைகளை “இருகூர் அடைப்பிதழும்’’ (Bicuspid Valve) பிரிக்கின்றன. இவ்வறைகளை “பிரிசுவர்’’(Septum) பிரிக்கிறது. இரண்டு மேலறைகளும் மெலிதாகவும், இரண்டு கீழறைகள் தடிமனாகவும் இருக்கும். இடது கீழறை, வலது கீழறையை விட அதிக தடிமனாக இருக்கும். உடல் முழுதும் இரத்தம் செலுத்த வேண்டிய வேலையை இடது கீழறை செய்வதால் அது அவ்வாறு அமைந்துள்ளது. இடது கீழறையிலிருந்து வெளியேறும் “பெருநாடி’’ (மகாதமனி_(Aorta) யில் அடைப்பிதழ்கள் (Valve) உள்ளன. வலது கீழறையிலிருந்து நுரையீரலுக்குச் செல்லும் நுரையீரல் தமனியிலும் அடைப்பிதழ்கள் உள்ளன. இவை  “அரைமதி அடைப்பிதழ்கள்’’ (Semilunar Valves) என்றழைக்கப்படுகின்றன. இதயத்தின் கீழ்புறமுள்ள அசுத்த இரத்தம், ‘கீழ்ப்பெருஞ்சிரை’ மூலமும், இதயத்திற்கு மேல்புறம் உள்ள அசுத்த இரத்தம் ‘மேல் பெருஞ்சிரை’ மூலமும் இதயத்தின் வலது மேலறையிலும் சேரும். நுரையீரலில் இருந்து வரும் நுரையீரல் சிரை, இதயத்தின் இடது மேலறையில் திறக்கும். நுரையீரலில் சுத்தகரிக்கப்பட்ட இரத்தம் இடது மேலறையில் சேரும். இதயத்தைச் சுற்றி இரண்டு உறைகள் (Pericardium) உள்ளன. மென்சவ்வால் ஆன இரண்டு உறைகளில் புறஉறை நார்ச்சவ்வாலும், அகஉறை நீர்ச்சவ்வாலும் ஆனது. இதனால் இதயத்திற்கு, அதிர்ச்சி ஏற்படாமல் தடுக்கப்படுகிறது. இதயத்திற்குத் தேவையான இரத்தம் ‘இதயத்தமனி’(Coronary Artery) மூலம் கிடைக்கிறது.

ஏற்கெனவே குறிப்பிட்டபடி நமது இதயம் பல கோடிமுறை துடிக்கிறது. இதயத்தின் அறைகள் சுருங்கி, விரிவதால் ஏற்படும் ஒலியே நாடித்துடிப்பாக மருத்துவர்கள் அறிகின்றனர். கருத்தரித்த 21 நாள்களில் துடிக்கின்ற இதயத்திற்கும், அதன் தொடர்ச்சியான இடைவிடாத இயக்கத்திற்கும் தேவையான உயிர்க்காற்றும் (Oxygen), சத்தும், இதயத் தமனி மூலமே கிடைக்கிறது. இதயத் தமனியின் மூலம் கிடைக்கும் இரத்த ஓட்டத்தில் அடைப்போ, குறைபாடோ ஏற்பட்டால் இதயச் செயல்பாடு நின்று, உயிருக்கே ஆபத்து ஏற்பட்டுவிடும். இதயத்திற்கு வரும் நரம்பு ‘வேகஸ்’ (Vagus) நரம்பாகும். இதயம் இரண்டு வகை நரம்புத் தொகுதிகளால், நரம்பு மண்டலத்தோடு இணைக்கப்பட்டுள்ளது. பரிவு நரம்புகள்(Sympathetic Nervous System), துணை பரிவு நரம்புகள் (Para sympathetic Nervous System) என இரண்டு வகை நரம்புகள் இதய செயல்பாட்டை வழி நடத்துகின்றன. பரிவு நரம்பியக்கம் இதயத் துடிப்பை அதிகரிக்கும். துணைப் பரிவு நரம்பியக்கம் இதயத் துடிப்பைக் குறைக்கும். இவை     அனைத்தும் இணைந்து ‘இதய நரம்புப் பின்னலை’ ஏற்படுத்துகின்றன (cardiac plexeus). மூளையிலிருந்து வருகின்ற வேகஸ் நரம்பிலிருந்தும் தானியக்க நரம்பு மண்டலத்திலிருந்தும்(Autonomous Nervous System) இந்த நரம்புகள் இதயத்திற்கு வருகின்றன. இதயம் சரியான முறையில் இயங்குவதற்கு இந்த நரம்புப் பின்னல்களே காரணம்.

இதயத்தின் இயக்கம்: உடலின் தலை, கழுத்து, மார்புப் பகுதிகளிலிருந்து கெட்ட இரத்தம் மேல் பெருஞ்சிரை மூலம் இதயத்தின் வலது மேலறையில் வந்து சேரும். அதேபோல் உடலின் மார்புக்கு கீழ்புறம் உள்ள உடலின் பாகங்களிலிருந்து வரும் கெட்ட இரத்தம் கீழ்ப் பெருஞ்சிரை வழியே இதய வலது மேலறைக்கு வரும். இதய மேலறைகள் இரண்டும் சுருங்கும்பொழுது வலது மேலறையிலிருக்கும் கெட்ட இரத்தம் முக்கூர் அடைப்பிதழைத் திறந்து கொண்டு வலது கீழறையை அடையும். வலது கீழறை சுருங்கும்பொழுது, கெட்ட இரத்தம் நுரையீரல் தமனியின் அரைமதி அடைப்பிதழைத் திறந்துகொண்டு, இரண்டு நுரையீரல்களுக்கும் செல்லும், அங்குள்ள நுரையீரல் பைகளில் நிரம்பியுள்ள உயிர் மூச்சுக்காற்று சிறு சிறு தந்துகிகளால் (Capillaries) உறிஞ்சப்பட்டு, தந்துகிகளில் உள்ள கரியமில வாயு(carbon-di-oxide) வெளியேறும். அதுவே நம் உடலிலிருந்து மூச்சுக்காற்றாக வெளியேற்றப்படுகிறது. (மூச்சு விடுதல்). இப்படி முழுமையாகச் சுத்திகரிக்கப்பட்ட நல்ல இரத்தம் நுரையீரல் சிரை (Pulmonary Vein) மூலம் இடது மேலறையை (Left auricle) வந்தடையும். மேலறைகள் சுருங்கும் வேளை இடது மேலறையிலிருக்கும் இரத்தம் இருகூர் அடைப்பிதழைத் திறந்து கொண்டு இடது கீழறையில் நிரம்பும். இதயக் கீழறை சுருங்கும்பொழுது பெருநாடி (மகாதமனி)யில் உள்ள அரைமதி அடைப்பிதழைத் திறந்து கொண்டு இரத்தம் அதன் வழியே வெளியேறி, உடலின் அனைத்துப் பாகங்களுக்கும் பரவும். மேலறை, கீழறை ஆகியவற்றின் சுருங்கி விரியும் தன்மையை இதய நரம்புப் பின்னல் ஒழுங்காக நிகழுமாறு கட்டுப்படுத்துகிறது. இவ்வாறு மேலறைகளும், கீழறைகளும் இயல்பாகச் சுருங்கி, விரியும் தன்மையினால் நம் உடலின் இரத்த ஓட்டம் சீராகச் செல்கிறது. இதயத்தின் அறைகள் சுருங்கி விரியும் பொழுது வெளியேறும் இரத்தம், அரைமதி அடைப்பிதழ்களைத் திறந்து செல்லும்-பொழுதும், முக்கூர், இருகூர் அடைப்பிதழ்-களைத் திறந்து, மூடும்பொழுது ஏற்படும் ‘ஒலி’யையே நாம் “லப்’’, “டப்’’ என்னும் இதயத் துடிப்பாகக் கேட்கிறோம். இதுவே தமனிகளில் “நாடித் துடிப்பாக’’ (Pulse) உணர்கிறோம்.

இறந்த பின்னும் வாழும் ஈகையர் !

2023 அக்டோபர் 16-31, 2023 உண்மை Unmai

நேர்காணல்: வி.சி.வில்வம்

இரத்ததானம் செய்வது பரவலாக நடைமுறைக்கு வந்துவிட்டது. ஊர்கள்தோறும் குழுவாக இணைந்து ஆபத்தில் இருப்பவர்களைக் காப்பாற்றி வருகிறார்கள்! அதேபோல, “மண்ணுக்குப் போகும் கண்களை மனிதருக்கு வழங்கினால் என்ன?” என்கிற விழிப்புணர்வும் பெருகி கண் தானங்களும் ஓரளவிற்கு வளர்ந்துள்ளன! இதேபோல உடல்தானம் வழங்குவதும் பெருக வேண்டும் என மருத்துவ உலகம் எதிர்பார்க்கிறது!

இதுகுறித்து “உண்மை” இதழுக்காக கி.ஆ.பெ.விசுவநாதம் அரசு மருத்துவக் கல்லூரியின் உடற்கூறியல் (ANATOMY) துறைத் தலைவர் திருமிகு வீ.ஆனந்தி, எம்.பி.பி.எஸ்., டி.ஜி.ஓ., எம்.எஸ்., அவர்களைச் சந்தித்தோம்.

உடல் கொடை குறித்த விழிப்புணர்வு எந்தளவில் உள்ளது?

தமிழ்நாட்டில் மருத்துவக் கல்லூரிகள் அதிகம். அதையொட்டி மாணவர்களும் அதிகம். மாணவர்கள் உடற்கூறுகள் தொடர்பாகப் பயில்வதற்குப் (Practical) போதுமான உடல்கள் கிடைப்பதில்லை. 10 மாணவர்களுக்கு ஒரு உடல் என்கிற அளவில் தான் பயன்பாட்டில் இருக்கிறது! இவற்றை ஓர் ஆண்டு வரையிலும் பயன்படுத்துவோம். ஒரு சில ஆண்டுகளில் போதுமான உடல்கள் கிடைத்துவிடும். எனினும் பற்றாக்குறையே நிலவுகிறது!

உடல்கள் எந்தெந்த வழிகளில் கிடைக்கின்றன? நோய்வாய்ப்பட்டு, மருத்துவமனையில் சிகிச்சை எடுத்த நிலையில் ஒருவர் இறந்தால் அவரது உடலை எடுப்பதில் பிரச்சினைகள் இருக்காது. ஏனென்றால் அந்த உடல் குறித்த முழு விவரத்தையும் மருத்துவர்கள் அறிக்கையாகக் (Death Certificate) கொடுத்து விடுவார்கள். இதுவே வீட்டில் ஒருவர் இறந்தால், அவர் எப்படி இறந்தார்? பிரச்சினைகள் ஏதும் இருந்ததா? என்பதை அப்பகுதியின் கிராம நிருவாக அலுவலர் (VAO) சான்றிதழ் கொடுக்க வேண்டும்!

ஆதரவற்ற நிலையில் இறந்து போன ஒருவரின் உடலைப் பெற முடியுமா?

நேரடியாக எந்த உடலையும் மருத்துவக் கல்லூரிகள் பெற முடியாது. மருத்துவமனையிலோ, வீட்டிலோ இறந்து போன ஒருவரின் உடலை உரிய சான்றிதழ் மூலம் நாங்கள் பெற முடியும். சாலைகளில் ஆதரவற்ற நிலையில் இறந்து போன உடலைப் பெறுவதில் நடைமுறைப் பிரச்சினைகள் உள்ளன. அந்த மரணம் இயல்பானதா அல்லது வேறு காரணங்கள் உள்ளதா என்பது குறித்து அறியப்பட வேண்டும். காவல்துறை அதற்கான முயற்சிகள் செய்து, தடையின்மைச் சான்றிதழ் (NOC) வழங்கினால் ஏற்றுக் கொள்வோம்.

உடல்தானம் வழங்குவதற்கு நிறைய ஆவணங்கள் தேவைப்படுமா?

முன்பு சான்றிதழ்கள் அதிகம் தேவைப்பட்டன. இப்போது அது இலகுவாக மாற்றப்பட்டுள்ளது. முன்பெல்லாம் உடல்தானம் செய்ய விரும்புவோர் விண்ணப்பப் படிவம் பூர்த்தி செய்திருக்க வேண்டும். ஆனால் இப்போது அந்த நடைமுறை இல்லை. இறந்தவர் விரும்பாமல் இருந்து, அவர் வீட்டார் விரும்பினால் உடல்தானம் வழங்கலாம்! மருத்துவமனையில் இறந்தால் மருத்துவர் சான்றிதழ், வீட்டில் இறந்தால் கிராம நிருவாக அலுவலர் சான்றிதழ் போதுமானது. தவிர ஒரு விண்ணப்பக் கடிதம் எழுதி, இறந்தவர் ஆதார் அட்டையும், ஒப்படைப்பவரின் ஆதார் அட்டையும் இணைக்க வேண்டும்!

ஏற்றுக் கொள்ள முடியாத உடல்தானங்கள் ஏதும் உள்ளதா?

எய்ட்ஸ், மஞ்சள் காமாலை, கொரோனா போன்ற தொற்றுகள், முற்றிய நிலையிலான புற்றுநோய், படுக்கைப் புண்கள், சொரியாசிஸ் போன்ற தோல் பிரச்சினைகள், உடல்பருமன், விபத்தில் கடுமையான காயம், பிரேதப் பரிசோதனைகள் உள்ளிட்ட காரணங்கள் இருந்தால் அந்த உடல்கள் தானம் செய்ய ஏற்றவை அல்ல.
இறந்த பிறகு எத்தனை மணி நேரத்திற்குள் உடலைக் கொடுக்க வேண்டும்?

பொதுவாக இறந்தவர் உடல் சில மணி நேரத்திற்குப் பிறகு “விறைக்க”த் (Rigor Mortis) தொடங்கும். சற்றொப்ப 24 மணி நேரத்திற்குள் அந்த விறைப்புத் தன்மை நீங்கிவிடும். பிறகு தோல்களில் சுருக்கம் ஏற்பட்டுவிடும். ஆதலால், அதற்கு முன்பே உடலை மருத்துவக் கல்லூரியில் ஒப்படைத்து விட வேண்டும்.

உடலைப் பெற்றதும் மருத்துவக் கல்லூரியின் செயல்முறை என்ன?

உடனடியாக உடலைப் பதப்படுத்தும் (Embalming) பணியைச் செய்வோம். அதற்குரிய பல்வேறு திரவங்கள் 5 முதல் 7 லிட்டர் வரை சேர்த்து, இறந்தவர் உடலின் தொடைப் பகுதி இரத்தக் குழாய் வழியாகச் செலுத்துவோம்! சிறிது, சிறிதாக முழு உடலுக்கும் அது பரவும். சடலத்தின் உடலில் அப்போது வேர்வை வரத் தொடங்கும். நரம்புகள் புடைத்தாற்போன்று காட்சி தரும். கண், மூக்கு வழியாகச் செலுத்தப்பட்ட திரவம் நீர்க் குவளைகளாக வெளிவரும். அப்போது தான் அந்த உடல் முழுமையாகப் பதப்படுத்தப்பட்டது என்பதை அறிவோம்.
ஓர் உடலை எத்தனை ஆண்டுகள் பயன்படுத்துவீர்கள்?

10 மாணவர்களுக்கு ஓர் உடல் என்பது வாய்ப்பாக இருக்கும். தட்டுப்பாடான சூழலில் அதிக மாணவர்கள் வகுப்பில் இருப்பர். ஓர் உடலை ஓர் ஆண்டு வரை பயன்படுத்தலாம். அதன் பிறகு கை, கால்கள் என உறுப்புகளைப் பிரித்துப் பல்வேறு ஆண்டுகள் அது பயன்பாட்டில் இருக்கும். ஒரு கட்டத்திற்கு மேல், அந்தப் பாகங்களை எரித்துவிடுவோம்! அறுவைச் சிகிச்சை செய்யும் மருத்துவர்கள் தேவைப்படுகிற போது, இறந்த உடலின் பாகங்களைப் பார்த்துக் கூடுதல் தகவல் பெற்றுச் செல்வர். இது அரசு மருத்துவர்களுக்கு மட்டும் பொருந்தும்!
சடலங்களுக்கு ஊடாக வசிக்கிற போது, ஏற்படுகிற மன உணர்வுகள் என்ன?

புதிதாகப் படிக்க வரும் மாணவர்களில் சிலர் மயக்கம் அடைவதுண்டு. ஆனால், அது விரைவிலே சரியாகிவிடும். உடலைப் பதப்படுத்திவிட்டால் (Embalming) துர்நாற்றம் என்பது இருக்காது. அதே நேரம் மாணவர்களின் வகுப்பிற்குப் பயன்பட்டது போக, மீதி நேரத்தில் அந்த உடலைப் பல்வேறு கரைசல்கள் அடங்கிய நீர்த் தொட்டியில் வைத்துவிடுவோம். அந்த வேதிக் கரைசல்களில் சில நெடிகள் வரலாம். அதனால் பாதிப்புகளும் இல்லை; தொற்று நோயும் ஏற்படாது.
இறந்த உடல்களை மாணவர்கள் எதிர்கொள்ளும் விதம் எப்படி இருக்கும்?

பொதுவாக எம்.பி.பி.எஸ்., படிப்பவர்கள் உடலின் அனைத்து உறுப்புகள் குறித்தும் படிப்பார்கள். பிறகு Ortho, ENTஉள்ளிட்ட தனித்தனிப் படிப்பு படிப்பவர்கள் தொடர்புடையதை மேலும் அறிவர். இறந்தவர் உடலைச் சடலம் என்று எண்ணாமல், மனிதர் என்பதாகவே மாணவர்கள் மதிப்பர். அப்படித்தான் அவர்களுக்குச் சொல்லிக் கொடுத்துள்ளோம்! ஆசைகள், கனவுகள், உறவுகள், அன்பு என அனைத்தும் கொண்ட மனிதர் அவர்! மருத்துவ மாணவர்களுக்குத் தம் உடலை வழங்கியதால் என்றென்றும் நன்றியும், மரியாதையும் செலுத்துவார்கள் மாணவர்கள்! அந்த உடலின் அருகே இருந்து பாடம் படிக்கும் போது, ஒளிப்படம் எடுப்பதோ, சிரிப்பதோ அல்லது வேறு எந்த உணர்வுகளுக்கும் ஆட்படுதலோ இல்லாமல், மனிதாபிமானம் கொண்ட மனிதர்களாக விளங்குவார்கள் வருங்கால மருத்துவர்கள்! ♦

மரணத்திற்குப் பின் வாழ்க்கை… – மருத்துவர் இரா. கவுதமன்

2023 கட்டுரைகள் மற்றவர்கள் மே 1-15,2023

May 3, 2023உண்மை Unmai

மரணம் என்பது ஓர் இயற்கை நிகழ்வு. உயிருள்ள அனைத்தும் ஒரு நாள் மரணமடைந்தே தீரும். உயிருள்ள ஒவ்வொரு உயிரிகளும் மரணமடையாமல் இருக்க முடியாது. ஆத்திகர்கள் நாம் செய்யும் “புண்ணியங்கள்’’ நம்மை வாழ வைக்கும் என்று கூறுவதை பலமுறை நாம் கேட்டிருக்கிறோம் மரணத்திற்குப் பின் நாம் செய்யும் நல்ல செயல்கள் நம்மைப் பற்றிய நினைவுகளை மனங்களில் தங்க வைக்கும் என்பதைத் தவிர, பகுத்தறிவுக்கு ஒவ்வாத எண்ணங்கள்தான் இவை.

நம் இதயம் தொடர்ச்சியாகச் செயல்படுகிறது. மூளையும் அவ்வாறே செயல்படுகிறது. இரத்த ஓட்டம் நிற்காமல் இருபத்தி நான்கு மணி நேரமும் செயல்பட்டுக் கொண்டே இருக்கிறது. காதுகள் கேட்கின்றன. கண்கள் பார்க்கின்றன. மூக்கு மூலம் உள் செல்லும் காற்றால், நுரையீரல்கள் உயிர்காற்றை நாள் முழுதும் இடைவிடாமல் உறிஞ்சி உடல் செல்களுக்கு அனுப்புகின்றன. உடலில் ஏற்படும் நச்சுகளை சிறு நீரகங்கள் இடைவிடாமல் வடிகட்டி வெளியேற்றுகின்றன. உண்ணும் உணவில் இருக்கும் சத்துகளை குடல் உறுப்புகள் உறிஞ்சி இரத்தத்தின் மூலம் உடல் முழுவதும் செலுத்துகின்றன. ஒரு பெரிய தொழிற்சாலையில் பல பகுதிகள் செயல்பட்டு, ஒரு முழுமையான பொருளை உருவாக்குவது போல், நம் உடல் எனும் இயந்திரத்தில் பல உறுப்புகள் செயல்பட்டு, நம்மை இயக்குகிறது. இதையே நாம் “உயிர்’’ என்கிறோம். உடலின் பொறிகள் சரியாகச் செயல்படாத நிலையையே நோய் என்கிறோம்.

எப்படி தொழிற்சாலையில் உள்ள ஒரு பொறி பழுதானால் அதை சரியாக்கி மீண்டும் இயங்க வைக்கிறோமோ. அதேபோன்று நோயினால் உடலில் ஏற்படும் பழுதுகளை மருத்துவத்தால் சீராக்குகிறோம். பொறிகள் பலவும் ஒருங்கிணைந்து தொழிற்சாலை இயங்குவது போலவே உடல் உறுப்புகள் பலவும் இணைந்து செயல்பட்டே நம் உடலுக்கு இயக்கத்தைக் கொடுக்கின்றது. பழுதைச் சீராக்க முடியாத நிலையில் தொழிற்சாலை இயங்க முடியாத நிலை ஏற்படுவது போல், சீராக்க முடியாத பழுதுகள்(நோய்கள்) ஏற்பட்டால் உடல் இயக்கம் முழுமையாக நின்றுவிடுகிறது. இதையே “உயிர்’’ போய்விட்டது. என்றும் “மரணம்’’ என்று கூறுகிறோம்.

எனவே “உயிர்’’ என்று உருவகப்படுத்தப்படுவதற்கு தனியான குணநலன் கொண்டதாகவோ, அருவமாகவோ, ஆன்மாவாகவோ, ஆவியாகவோ, பேயாகவோ, கடவுளாகவோ மாறுகிறது என்பதற்கு எந்தவித அறிவியல் அடிப்படையும் இல்லை. மேலே கூறிய அனைத்தும் நம் கற்பனைகளால் உருவகப்படுத்தப்பட்டவையே. நம் உடல் இயக்கத்தையே நாம் “உயிர்’’ என்கிறோம். இயக்கத்தை நம் உடல் நிறுத்திவிட்டால் “உயிர் போய்விட்டது’’ என்கிறோம். இதைத் தவிர உயிருக்கு வேறு எந்த விதமான மறு சுழற்சி கிடையாது என்பதே உண்மை. ஆதலால், “உயிர்’’ போன பின்பு ஆவி, பேய், கடவுள், மறு பிறவி என்று கூறுவதெல்லாமே அறிவியல் அடிப்படையற்ற, கற்பனையாக உருவகப்படுத்தப்பட்டவையே! இவையனைத்தையும் பாமர மக்களிடம் பரப்பியவர்கள், தங்களின் சுய நன்மைக்கும், பொருளீட்டவும் இதை ஒரு வாய்ப்பாக்கி வருமானம் பார்க்கிறார்கள் என்பதே உண்மை.

மனித உயிர் போன பின்பு இத்தனை வகையில் மீண்டும் அவை இருப்பதாகக் கூறுபவர்கள் இறந்த மற்ற உயிரினங்களுக்கு இதுபோன்ற நிலைகள் வருகிறதா என்று ஏன் கூறுவதில்லை? ஒரு பசு (கோமாதா) கடவுளாகவோ, ஒரு எருமை மாடு (எமனின் வாகனம்), ஒரு நாய்(பைரவர்), ஒரு பன்றி(வராகமூர்த்தி) போன்றவை ஆவியாகவோ, பேயாகவோ அலைவதாக யாருமே கூறுவதில்லை. அப்படிக் கூறினால் அதை நாம் நம்புவோமா? அதென்ன, மனித உயிர்களுக்.கு மட்டும் மரணத்திற்குப் பின் இத்தனை கற்பனைகள்? இத்தனை கற்பனைகளை மரணத்திற்குப்பின் இருப்பதாகக் கூறுபவர்கள் உண்மையில், எப்பொழுதாவது கடவுளையோ, பேய்களையோ, ஆவிகளையோ நேரில் பார்த்ததாக அறிவியல் முறையில் உறுதி செய்திருக்கிறார்களா? இல்லை என்பதே விடையாக இருக்கும்.

“மரணத்திற்கு பின் வாழ்வு’’ என்பது ஆவியாகவோ, பேயாகவோ, கடவுளாகவோ, மறு பிறவியாகவோ இல்லை. பின் எப்படி இந்தத் தலைப்பு என்று வியக்கிறீர்களா? ஆம், மரணத்திற்குப் பின் நாம் வாழ முடியும். மருத்துவ அறிவியல் அதற்கான வாய்ப்பை நமக்கு வழங்கியிருக்கிறது. மூளைச் சாவு என்று மரணத்திற்கு விளக்கம் கொடுக்கப்பட்டபின் நம் “உடல் உறுப்புகள் கொடை’’யாக மற்றவர்களுக்கு அளிப்பதன் மூலமே நாம் வாழ முடியும். மூளை மீண்டும் செயல்படாத மூளைச்சாவு ஏற்பட்டவரை, மருத்துவர்கள் இதயத்துடிப்பை செயல்பாட்டிலேயே வைத்திருக்கும் நிலையை உருவாக்கியுள்ளனர்.

மூளைச்சாவு அடைந்துள்ள ஒருவரின் உறவினர்களின், இரத்தச் சொந்தங்களின் அனுமதியுடன் அவரின் இதயத்தை வேறு ஒருவருக்குப் பொருத்தி அவரை வாழ வைக்கலாம். அவரின் நுரையீரலை பழுதானவருக்குப் பொருத்தி அவருக்கு உயிரூட்ட முடியும். சிறுநீரகச் செயல்பாட்டை இழந்த இரண்டு பேருக்கு, மூளைச் சாவு அடைந்தவரின் சிறு நீரகங்களைப் பொருத்துவன் மூலம் அவர்களுக்கு வாழ்வளிக்க முடியும். குடிபோதையாலோ, நோய்களாலோ ஒருவரின கல்லீரல் செயலிழந்திருந்தால் மூளைச்சாவு அடைந்தவரின் கல்லீரல், அவரின் வாழ்வை மீட்டுத் தரும். அவர் உயிரோட்டம் நின்றுவிட்டால் அவர் இறந்து ஆறு மணி நேரத்திற்குள் அவருடைய இரண்டு கண்களைக் கொடையாக வழங்குவதன் மூலம், இருவருக்குப் பார்வை வழங்க முடியும். மரணமடைந்தவர் கண்கள் மூலம், பார்வை இழந்த இருவர் உலகைப் பார்க்க முடியும்.

இப்பொழுது இரத்த சேமிப்பு வங்கிகள் போல் “எலும்பு சேமிப்பு வங்கிகள்’’(Bone Back) செயல்பாட்டிற்கு வந்துவிட்டன. மரணமடைந்தவரின் எலும்புகளைக் கூட இன்று மீண்டும் பயன்படுத்த முடியும் என்ற நிலை இன்று வந்துவிட்டது. மூளைச்சாவு அடைந்த ஒருவர் உறுப்புகளைக் கொடையாக அளிப்பதன் மூலம் அவர் உறுப்புகளைப் பெற்றவர்கள் மூலம் உலகைப் பார்க்க முடியும் நோயாளிகளாக மாறி வாழ்விழந்து மரணமடையும் நிலையில் உள்ள அய்ந்து பேர்களை மூளைச்சாவடைந்தவர் வாழ வைக்க முடியும். மூளைச்சாவுதான் “மரணம்’’ என்று நிலை ‘நாட்டப் பட்டபின், “மரணத்திற்குபின் வாழ்வு’’ என்பதை மருத்துவத்துறை தன் அறிவுக்கொடையாக மனித குலத்திற்கு வழங்கியுள்ளது.

மரணம் நிகழ்ந்த பின் கண்களைக் கொடை-யாக வழங்குவது போல், மருத்துவக் கல்லூரிகளுக்கு நம் உடலைக் கொடையாக வழங்குவதன் மூலம், மருத்துவக் கல்லூரி மாணவர்களுக்கு அவர்கள் கல்விக்கு நாம் உதவ முடியும். எரியூட்டப்பட்டு சாம்பலாவதாலோ, புதைத்து அழுகுவதாலோ யாருக்கும் பயனின்றிப் போகும் நம் உடல், உடற்கொடை கொடுப்பதன் மூலம், மரணத்திற்குப் பின் மற்றவர்களுக்கு நாம் பயன்பட முடியும். “கடவுளை மற, மனிதனை நினை’’ என்ற தந்தை பெரியார் கூற்றுக்கேற்ப மரணமடைந்தவர்கள் கடவுள்களாகிறார்கள், அவர்களை வணங்க வேண்டும் என்பதெல்லாம் மறந்து (கடவுளை மறந்து) மரணமடையும் நிலையில் உள்ளவர்களுக்கு உடல் உறுப்புகளைக் கொடுக்கும் மனித நேயச் (மனிதனை நினைத்து) செயல்பாட்டின் மூலம் மரணத்திற்குப் பின்னும் நாம் வாழ முடியும்.

(முற்றும்)

மரணத்திற்குப் பின்… பேய்? – மருத்துவம்

2023 மருத்துவம் மார்ச் 16-31,2023

March 17, 2023உண்மை Unmai

மருத்துவர் இரா. கவுதமன்

மனிதனுக்கு அறிவுத் தெளிவு ஏற்பட்ட காலத்திலும், அதற்கு முன்பும் மரணம் என்பது ஒரு பெரும் புதிராகவும், விடை தெரியாத கேள்வியாகவும் இருந்தது.
மனிதனின் நாகரிகமோ, அறிவோ வளராதகாலத்தில் மரணத்தைப் பற்றியும், மரணத்திற்குப்பின் என்ன நடக்கும் என்ற எண்ணமும் பல கற்பனைகளை மனித மனதில் தோற்றுவித்தது. அறிவியல் வளர்ந்துள்ள இந்தக் காலத்திலும், அறிவியல் பொறிகள் மூலமும், மிக அண்மைக் காலமாக சமூக வலைத்தளங்கள் மூலம் இந்த மூடநம்பிக்கைகள் மக்களிடையே வெகு எளிதாகப் பரப்பப்படுகின்றன.

மரணத்திற்குக் காரணம் என்ன, இத்தனை நாள்கள் இயங்கிய மனிதனின் இயக்கம் திடீரென ஏன் நின்றது? அதன் காரணம் என்ன? போன்றவையும், மரணத்திற்குப் பின் என்ன நிகழும் போன்ற எண்ணங்களே பலவித எண்ணங்களுக்கும், கற்பனைகளுக்கும் காரணமாகின்றன. ஆதி மனிதன் தன்னோடு அத்தனை நாள் உடனிருந்தவர்கள், இயங்கிய-வர்கள் திடீரென இயக்கத்தை நிறுத்தியதையும், அவர்களின் நீங்காத நினைவுகளும் புரியாமல் என்ன செய்வது என்று தவித்த காலமும் ஒன்று இருந்தது. உயிரோடு இருந்த காலத்தில் அவர்களோடு வாழ்ந்த, அவர்கள் இயங்கிய நிலைகளை அவ்வளவு எளிதாக, அவனைச் சுற்றி இருந்தவர்களால் மறக்க முடியவில்லை.

ஒன்றாக வாழும் சமூக அமைப்பு, குடும்ப வாழ்க்கை என்று மனிதர்கள் வாழத் தலைப்பட்ட பொழுதுதான் மரணத்தின் தாக்கத்தை அவர்கள் உணர்ந்தனர். அதுவும் மரணம் என்பது ஒரு மீளமுடியாத நிகழ்வு என்பதையும் புரிந்துகொள்ள முடியாத நிலையில் மனிதன், தூங்கி எழுவதைப் போல, மீண்டும் எழுந்து வருவார்கள் என்று எண்ணியதன் விளைவே இறந்த உடலோடு, பணியாளர்களுடன், உணவுப் பொருள்கள், காசுகள் போன்றவற்றையும் வைத்து ‘மூடும் பழக்கம் (பிரமிடுகள்) ஏற்பட்டது. நாளடைவில் மாண்டவர் மீளமாட்டார் என்பது தெளிவான பொழுது இறந்த பிணத்தை அப்படியே விட்டு விட்டு மாற்றுக் குடியிருப்புக்கு மாறி வசிக்கும் நிலைமை வந்தது.

பிற்காலத்தில் மனித அறிவு வளர வளர இறந்தவர் மீண்டும் வரமாட்டார் என்று உறுதியாக உணரத் துவங்கிய நிலை வந்ததும், பிணங்களைப் புதைக்கும் பழக்கமும், பிற்காலத்தில் மரப்பெட்டிகளில் வைத்துப் புதைக்கும் பழக்கமும், எரிக்கும் பழக்கமும் மனித சமூகத்தில் நடைமுறைக்கு வந்தன.

மனித நாகரிக, அறிவு வளர்ச்சி ஏற்பட, ஏற்பட மரணமடைந்தவர் உடல்களைப் பதப்படுத்தும் முறை ஏற்பட்டது. மரணமான
உடல்களை அந்தந்தப் பகுதிகளில் பலவகைகளிலும் அகற்றினாலும், மரணமடைந்தவர்களின் நினைவுகள் மட்டும் அழியவில்லை. நிலைத்து நின்றுவிட்ட அந்த நினைவுகளே பல கற்பனைகள் தோன்றவும் காரணமாகிவிட்டன. இந்த நிலை நாகரிகம் வளராத காலகட்டத்-திலிருந்து, அறிவியல் வளர்ந்துள்ள இந்தக் காலம் வரையிலும் நிலை பெற்றுள்ளது.

ஆரம்பத்தில் அவர்கள் (இறந்தவர்கள்) நினைவுகள் கடவுள்களாக வழிபடும் நிலையை ஏற்படுத்தியது. அதன் விளைவாகவே நடுகல் வழிபாடு,
குலதெய்வ வழிபாடு, மறைந்த தலைவனை கடவுளாக்கி வழிபடுதல், உயிரோடு இருந்தபொழுது வழிநடத்தியது போல், இறந்த பின்னும் வழிநடத்துவார்கள் என்ற நம்பிக்கை போன்றவையே கடவுள் வழிபாட்டுக்கும், “பய’’பக்திக்கும் அடிப்படையாக அமைந்தன. நாளடைவில் மரணமடைந்தவர்களைப் புதைத்த இடங்களே கோவில்களாக வழிபடும் இடங்களாக மாறிப்போயின.

நமது நாட்டில் ஆரிய(பார்ப்பன) ஊடுருவலுக்குப்பின் புதிய, புதிய தெய்வங்கள் படையெடுத்தன. குலதெய்வ வழிபாடுகள் ஊரைவிட்டே துரத்தப்பட்டு, ஊருக்கு வெளியே ‘சூத்திர’சாமிகளாக மாறிப்போயின. நம் முனியப்பனும், மதுரை வீரனும், சுடலையாண்டியும், மாரியாத்தாக்களும் ஊருக்கு வெளியே உட்கார வைக்கப்பட்டன. ஆரியப் பார்ப்பனர்களின் தெய்வங்கள் ஊருக்குள் பெரிய, பெரிய கோயில்கள் கட்டப்பட்டு அதில் அமர வைக்கப்பட்டன. ஆரம்பத்தில் மரணமடைந்தவர்கள் தெய்வங்களாகக் கருதப்பட்டாலும் ஆரியப் பார்ப்பனர்களால் மூளைச்சலவை செய்யப்பட்ட நம் மக்கள் மரணமடைந்த-வர்கள் ஆவிகளாகவும், பேய்களாகவும் மாறியிருப்பதாக நம்ப வைக்கப்பட்டனர்.
இதுபோன்றே உலகின் பல பகுதிகளிலும் நம்பிக்கைகள் மாறுபட்டன. உலகின் அனைத்துப் பகுதிகளிலும் ஆவிகள், பேய்கள் பற்றிய பயம் பல வகைகளிலும் பரப்பப்பட்டன. மதங்களும், மதத்தலைவர்களும், தங்கள் சுயநலத்தை முன்னிலைப்படுத்தி இந்த நம்பிக்கைகளை குறையாமல் பார்த்துக்கொண்டனர் –  பார்த்துக் கொள்கின்றனர். நாகரிகமும், அறிவும் வளர்ந்
துள்ள மேலை நாடுகள் தொடங்கி, படிப்பறிவில்லாத பழங்குடிகள் வாழும் ஆப்ரிக்கா கண்டம் தாண்டி கீழை ஆசியா நாடுகளிலும் இந்த மூடநம்பிக்கைகள் பரவலாக உள்ளன.
நம் நாட்டிலோ சொல்லவே வேண்டாம். ஆவிகள், பேய்கள் பற்றிய பயம், நோய் வந்தால் அதை மருத்துவரிடம் காண்பிக்காமல் “பேய் சேட்டை’’ என்று நம்புவது போன்றவை கிராமப்புறத்து படிக்காத ஏழை பாமர மக்களிடம் இன்றளவும் நீக்கமற நிறைந்துள்ளன. இதன் விளைவாகவே கிராமங்களிலும், சிறு நகரங்களிலும் ஊருக்கு வெளியே உள்ள காவல் தெய்வங்கள் கோயில்களிலும் பேய் ஓட்டுவது, ஆவிகளைத் துரத்துவது போன்ற செயல்பாடுகள் வெற்றிகரமாக பூசாரிகளால் நடத்தப்படுகிறது.

இதில் மதவேறுபாடுகள் இல்லை. பல தேவாலயங்களில் பாதிரியார்கள் யேசுவின் திருநாமத்தை(?) ஜபித்து பேய், ஆவிகளை ஓட்டுவதைப் பார்த்திருக்கிறோம். அதேபோல் அவர்கள் “பரிசுத்த ஆவிகள்’’ பற்றிப் பேசுவதையும் பலமுறை கேட்டிருக்கிறோம். முஸ்லிம்கள் தர்காவில் பேய் ஓட்டுவதையும் பார்த்திருக்கிறோம். ஆனால் இந்த எல்லாஇடங்களிலும் ஒரு பார்ப்பானோ, பார்ப்பனப்பெண்ணோ பேயாடி நாம் பார்த்திருக்கவே முடியாது. அதேபோல் பேயாடுகின்ற ஆண்களையும் நாம் பார்த்திருக்க முடியாது. மரணத்தால் ஏற்படும் பயம், பலவித கற்பனைகள் வளர காரணமாகின்றன. அதையும் மக்கள் முழுமையாக நம்புகின்றனர். மரணமடைந்தவர்கள் “உயிர்’’ போன உடன், அந்த உயிர் உடலைவிட்டு வெளியேறி, அதே அறையில் சில மணி நேரங்கள் இருந்து அனைவரையும் கவனிக்கிறதாம்.

மதவாதிகள் உயிரை, “ஆன்மா’’ என்றே குறிப்பிடுகின்றனர். உடல்தான் அழியுமே ஒழிய, உயிரோ, ஆன்மாவோ அழிவதில்லை என்று இவர்கள் புளுகு மூட்டையை அவிழ்த்து விடுகின்றனர். பேய் இருப்பதாகவும், ஆவிகள் பிடித்து ஆட்டுவதாகவும் கூறும் எந்த மதவாதி
யும், ஆன்மாவைப் பற்றி பேசும் எந்த ஆன்மிகவாதியும் இதுவரை பேய்களையோ, ஆவிகளையோ, ஆன்மாவையோ பார்த்திருப்பார்களா என்றால் இல்லை என்பதே பதிலாக இருக்கும்.

இயற்கைப் பேரழிவுகளால், பூகம்பம், ஆழிப்பேரலை(சுனாமி) வெள்ளப்பெருக்கு, பனிச்சரிவு அடைமழை போன்றவற்றால் அழிந்தவர்கள் எத்தனை லட்சங்கள்? விபத்துக்கள் உண்டாக்கிய மரணங்கள் கொஞ்சமா? நஞ்சமா?

இதுதவிர இயல்பான, இயற்கை மரணங்களில் எண்ணற்றோர் மறைந்தனரே! இத்தனை பேரும், ஆவிகளாகவும், பேய்களாகவும் உலவும் நிலை உண்மையானால் இந்தப் பூமிப் பந்தில் அவை மட்டுமே நிறைந்திருக்கவேண்டும். நமக்கு இடமே இருந்திருக்காது. ஒரே, ஓர் உயிரியான மனித குலத்தில் மட்டும் இத்தனை கோடி இறப்பு  இழப்பு நிகழ்ந்ததென்றால், மற்ற உயிரிகளான, மிருகங்கள், பறவைகள், நீர் வாழ் உயிரினங்கள்,

நீரிலும் நிலத்திலும் வாழும்உயிரினங்கள், பூச்சிகள், புழுக்கள் என்று உலகில்
உள்ள அனைத்து உயிர்களும் ஒருநாள் இறந்துவிடுகின்றனவே! அந்த உயிர்கள் எல்லாம் ஏன் ஆவியாக மாறி அலைவதில்லை. உடலைவிட்டு உயிர் பிரிகிறது, என ‘உயிர்’ என்னும் சொல்லாடல்வழக்கில் உள்ளதே! மதவாதிகள் இதையே ‘ஆன்மா’ என்றும், “ஆவிகள்’’ என்றும், “பேய்’’, ‘பிசாசு’என்றெல்லாம் கூறிப் பயமுறுத்தி ஏய்த்துப் பிழைத்து வருகிறார்களே தவிர, அவையெல்லாம் கிடையாது என்பதே உண்மையாகும்.
இந்தப் பித்தலாட்டக்காரர்களுக்கு மரண அடி தரக்கூடிய டாக்டர் கோவூர் அவர்களின் ஆவி உலகம் எனும் நூலை வாங்கிப் படியுங்கள்; தெளிவடையுங்கள்.
சிந்திப்போம், சந்திப்போம்!!

கடவுள் நம்பிக்கையைத் தகர்த்த மருத்துவத்துறை!

2023 ஏப்ரல் 16-30,2023 கட்டுரைகள் மற்றவர்கள்

April 20, 2023உண்மை Unmai

– மருத்துவர் இரா. கவுதமன்

பிறக்கின்ற அனைத்து உயிரினங்களுக்கும் ‘மரணம்’தான் இறுதியானது. “ஆக்கல்’’, “காத்தல்’’, “அழித்தல்’’ இவையெல்லாம் கடவுளின் செயல் என்று பகுத்தறிவு உள்ள மனிதன்தான் நினைக்கிறான். மற்ற உயிரினங்கள் எதற்கும் இந்த உணர்வோ, நினைப்போ இல்லை. இயல்பாக பிறக்கிறது, வாழ்கிறது இறக்கிறது. மனிதன் தன் அறிவியல் வளர்ச்சியால் “கடவுள் செயல்’’ என்ற நம்பிக்கையுடன் அறியப்பட்ட இந்த மூன்று செயல்பாடுகளையும் தன் கட்டுப்பாட்டுக்குள் கொண்டுவந்து தன் மருத்துவ அறிவியல் மூலம் ஆளுமை செலுத்துகிறான் என்பதுதான் உண்மை.

ஓர் உயிரை உருவாக்க முடியுமா என்று மதவாதிகளின் கேள்விக்கு மருத்துவ அறிவியல், “முடியும்’’ என்றே விடைபகருகிறது. செயற்கை முறையில் “மரபணுக்கள்’’ (Genes)  உருவாக்கம் உயிரை உருவாக்கும் முயற்சியில் பெரும் வெற்றியைத் தந்து கொண்டிருக்கிறது. “படியாக்கம்’’ (Cloning) என்று அழைக்கப்படும் முறையில் நம்மைப் போலவே மற்றொரு உருவத்தை உருவாக்குகிறார்கள். “குருத்தணு’’ (StemCell) சேமிப்பு வங்கிகள் இன்று பல நாடுகளில் வந்துவிட்டது. குருத்தணு சேமிப்பு பல தீர்க்க முடியாத நோய்களைக் குணமாக்கும் வாய்ப்பை வழங்கியுள்ளது.

“எல்லாம் அவன் செயல்’’ என்று நிறைய குழந்தைகள் பெற்றுத் தள்ளிய காலம் மாறி, “நாம் இருவர்’’ என்ற நிலை வந்து, இன்று அதுவும் மாறி, “ஒரு குடும்பம், ஒரு குழந்தை’’ என்ற நிலை பல குடும்பங்களில் இன்று வந்துவிட்டது. குழந்தைப் பேற்றை மனித அறிவியல் தன் முழுக் கட்டுப்பாட்டிற்குள் கொண்டு வந்துவிட்டது. குடும்பக் கட்டுப்பாட்டை எளிய அறுவை மருத்துவத்தால் வெற்றிகரமாகச் செயலாக்க முடிகிறது.

அறுவை மருத்துவமின்றி “கருத்தடைப் பொருள்கள்’’ மூலம் கருத்தரித்தலைத் தடுக்கவோ, தள்ளிப் போடவே முடியும். குழந்தையே பெறமுடியாத நிலைகளில் “மலடி’’ என்று பெண்களை இழிவுபடுத்திக் கொடுமை செய்த காலம் மாறி இன்று, “மலட்டுத் தன்மைக்கு ஆண்களே பெரிதும் காரணமாக இருக்கிறார்கள் என்று அறியப்பட்டு, அதை மாற்றி, மகப்பேற்றை அனைவரும் பெற முடியும் என்ற நிலை உருவாகிவிட்டது. “கருத்தரிப்பு மய்யங்கள்’’ இந்த மாற்றத்தை மனிதர்களுக்கு வழங்கியுள்ளது.

தந்தை பெரியார் 80 ஆண்டுகளுக்கு முன்பே “இனி வரும் உலகம்’’ என்ற நூலில் எழுதியபடி, “குடுவைக்குள் குழந்தை பிறக்கும்’’ (Test Tube Babies) என்ற பெயர் மாற்றத்தோடு கருத்தரிப்பு மய்யங்களால் இன்று செயலாக்கப்பட்டு வருகிறது. உயிரினங்கள் உருவாக்கம் என்பது “ஆக்கல்’’ என்ற கடவுளின் செயல் என்பது முழுமையாகப் போய், மனிதன் நினைத்தால் மகப்பேற்றை உருவாக்கிக் கொள்ள முடியும். தேவையான அளவுக்கு செயல்படுத்திக் கொள்ள முடியும். தேவையில்லையென்றால் குழந்தையே பெற்றுக்கொள்ளாமல் இருக்கலாம். குறைபாட்டினால் மலட்டுத்தன்மை ஏற்பட்டிருப்பின் அதைச் சீராக்கி மகப்பேற்றை உருவாக்க முடியும் என்ற நிலை

ப்பாடுகள் எல்லாம் கடவுளின் கைகளிலிருந்து மனிதர்கள் கைகளுக்கு வந்துவிட்டன.

அடுத்து கடவுளின் செயல் என்று கூறப்படும் “காத்தல்’’ என்பதும் மனிதனின் கைகளுக்கு மாறிவிட்டது. எடுத்துக்காட்டாக நமது நாடு சுதந்திரம் அடைந்தபோது, இந்தியரின் சராசரி வயது 25 லிருந்து 30 என்று கூறப்பட்டது. ஆனால், இன்று சராசரி வயது 55 லிருந்து 60 ஆக மாறிவிட்டது. “மந்திரமோ’’, “விதியோ’’, “கடவுள் செயலோ’’ இந்த மாற்றத்தை உருவாக்கவில்லை. மனிதனின் அறிவியல்தான் இப்பேர்ப்பட்ட மாற்றத்தை உருவாக்கியுள்ளது. நோய்கள் மனிதர்களையும் மற்ற உயிரினங்களையும் கொன்றன. மருத்துவத் துறையின் தொடர்ந்த ஆய்வுகள், சமூகத்தில் பெரும் மாற்றங்களை உருவாக்கி, நோய்க் காரணிகளை ஆய்ந்து, நோயிலிருந்து விடுபடும் வழிமுறைகளைக் கண்டறிந்து உயிர்களைக் காத்தன. ஒரு காலத்தில் கோடிக் கணக்கான மக்களைஅழித்த கொள்ளை நோய்கள் இன்று முற்றிலுமாக ஒழிக்கப்பட்டுவிட்டன. கோடிக்கணக்கான (சுமார் 5 கோடி) மனிதர்களை உலகம் முழுவதும் பலி வாங்கிய “பெரியம்மை’’ (Small Box) நோய் ஒரு தடுப்பூசி (Vaccine) கண்டுபிடிப்பால் முற்றாக ஒழிக்கப்பட்டுவிட்டது. இதுபோன்று எண்ணற்ற நோய்கள், நுண்ணுயிர்களாலும் (Bacterias), வைரஸ்களாலும் ஏற்படுவதை தடுக்கக் கூடிய ‘உயிர்க் கொல்லி’ (Anti-Biotics) மருந்துகள், தடுப்பூசிகள் இன்று வெற்றிகரமாகக் கட்டுப்படுத்தி, மனித குலத்தைக் “காத்து’’ வாழ வைத்திருக்கின்றன. விபத்துகளால் ஏற்படும் தொல்லைகள், குறைபாடுகளிலிருந்து மனிதர்களைக் “காக்கும், அவர்களுக்கு மறுவாழ்வு அளிக்கும்.

மாரடைப்புப் (Heart Attack)போன்ற நோய்களால் ஏற்படும். திடீர் மரணங்களைத் தடுக்கும் வகையில் தொடர் மருத்துவ ஆய்வுகள், இதயத் தமனி அடைப்பு நீக்கி (Coronary Artery Disease) மருந்துகள், மருத்துவ முறைகள் (Angioplasty) இதயத்தமனி மாற்று வழி அறுவை மருத்துவம் (Coronary Artery Bye Pass Surgery) போன்றவை மாரடைப்பைத் தடுப்பதுடன், திடீர் மரணம் ஏற்படாமல் மனிதர்களைக் “காத்து’’ நீண்ட நாள் வாழ வைக்கிறது என்பது உண்மை. ஏதாவது அறுவை மருத்துவம் இன்று பல்லாயிரம் பேரை வாழ வைக்கிறது. இதன்மூலம் அழிவு வேலையும் தடுக்கப்பட்டுவிட்டது.

(தொடரும்)

மரணம்(5) மரணத்திற்கு பின்னால்…-

 மருத்துவர் இரா. கவுதமன்

2023 மருத்துவம் மார்ச் 1-15,2023

March 1, 2023உண்மை இதழ் Unmai

மரணமடைந்தவர்கள் மீண்டும் உயிரோடு வரமாட்டார்கள் என்ற உண்மை எல்லோரும், அறிவர். ஆனால் அவர்களோடு வாழ்ந்த நாள்கள், அவர்களைப் பற்றிய நினைவுகள் அழியாமை, மரணம் அடையும் வரை நம்மோடு இருந்தவர்கள் அதற்குப் பிறகு என்ன ஆகிறார்கள் என்ற கற்பனை ஆகியவற்றின் விளைவாகத் தோன்றிய எண்ணங்களே கடவுள், ஆவிகள், பேய்கள், பிசாசுகள், ஆன்மா போன்றவை கற்பனையாக உருவாக அடிப்படைக் காரணம்.

பல நேரங்களில் மரணமடைந்தவர்களின் உறவினர்கள், “அவர் மரண-மடையப் போவதை ஒருசில மணி நேரத்திற்கு முன்னே, ஒரு சில நாள்களுக்கு முன்பே உணர்ந்துவிட்டார் போலும்’’ என்றெல்லாம் கூறுவதைக் கேட்டுள்ளோம். ஆனால், இதற்கு எந்தவித மருத்துவ, அறிவியலும் அடிப்படையாக இல்லை. எல்லா மதங்களிலும் மரணத்தைப் பற்றி பலவகை
மூடநம்பிக்கைகள் நிலவுகின்றன.

எல்லா மதங்களிலும் மரணமடைந்தவர்கள் ஆவியாக அலைவதாக நம்பிக்கைகள் நிலவுகின்றன. அதுவும் திடீரென ஏற்படும் மரணங்களில் மரணமடைந்தவர்கள் தங்கள் எதிர்பார்ப்புகள் நிறைவேறாததால் ஆவியாக மாறி அலைகின்றனர் என்ற நம்பிக்கை பரவலாக அனைவர் மனதில் இருக்கிறது. அதிலும் நல்லவர்கள், நம்மை வழி நடத்திய பெரியவர்கள் நல்ல ஆவிகளாக மரணத்திற்குப் பின்னும் நமக்கு நல்வழி காட்டுவதாகவும், கெட்டவர்கள் கெட்ட ஆவிகளாக மாறி நமக்குத் தொல்லை கொடுப்பார்கள் என்றும் நம்பிக்கை. திடீரென மரணமடைந்தவர்கள் தங்கள் ஆசை நிறைவேறும் வரை ஆவியாக அலைந்து மற்றவர்களுக்குத் தொல்லை கொடுப்பார்கள் என்றும் நம்புவது இயல்பான ஒன்றாகிவிட்டது.

ஆவிகளைப் பற்றிய எண்ணங்களும்,நம்பிக்கைகளும் நாளடைவில் பேய்களாக உருவாகியது. பேய்கள், பிசாசுகள் கற்பனைக்கு, மதம், மத குருமார்கள், அதை வளர்த்ததும் ஒரு முக்கிய காரணம். கடவுள் பற்றிய நம்பிக்கையைப் போலவே “சாத்தானை’’ப் பற்றிய நம்பிக்கையும் பெரும்பாலான மதங்களிலும் உள்ளன. நாகரிகம் வளரும் காலத்தில் ஒரு பேரரசாக உருவாகிய கிரேக்கம் பல கடவுள்களை நம்பி, அவற்றுக்கு உருவம் கொடுத்து, சிற்பங்களாக வடிக்கத் துவங்கினர். ஒவ்வொரு செயல்பாட்டிற்கும், ஒரு கடவுளைக் கற்பிப்பதும், அதை வணங்கும் பழக்கமும் கிரேக்க நாட்டிலேயே உருவானது. அதற்குப் பிறகு வந்த ரோமப் பேரரசில் அரசனே கடவுள் என்ற நிலைகளில் நம்பிக்கை கொள்ளும்படி மக்கள் வற்புறுத்தப்பட்டனர்.

ரோமப் பேரரசு காலத்தில் தோன்றிய ‘செமிடிக்’ மதங்கள் பல உருவ வழிபாடுகளை மாற்றி, ஒரு கடவுள் தத்துவத்தை முன் வைத்தன. ‘பைபிளில் வரும் ஆப்ரகாம் கதைக்குப் பிறகு உருவான மதங்கள் “செமிடிக் மதங்கள்’’ என்றழைக்கப்பட்டன. யூத மதம், கிறித்துவ மதம், இஸ்லாம் இவையனைத்தும் ஒரு கடவுள் வழிபாட்டில் நம்பிக்கை வைத்தன. யூதர்களின் வேதமான “தோரா’’விலும் அதிலிருந்து கிளைத்த கிறித்துவர்களின் வேதமான “பைபிளி’’லும், அதற்குப்பின் வந்த இஸ்லாமியர்களின் வேதமான “குர்ஆனி’’லும் கடவுளைப் பற்றிக் குறிப்பிடுவது போலவே, “சாத்தானை’’ப் பற்றியும் குறிப்பிடுகின்றன.

நன்மை செய்பவர் கடவுள், தீமை செய்பவர் சாத்தான் என்ற நம்பிக்கையின் அடிப்படையிலேயே நன்மை செய்யும் “பரிசுத்த ஆவி’’களும் தீமை செய்யும் கெட்ட ஆவிகளும், “பிசாசுகள்’’, “இரத்தக் காட்டேரிகள்’’(ஞிக்ஷீணீநீuறீணீ) தோன்றின அதே ஒவ்வொரு மதத்திலும், ஒவ்வொரு நாட்டிலும் நன்மை செய்யும் தேவதைகளும், தீமை செய்யும் ஆவிகளும் அவரவர் கற்பனைகளுக்கு ஏற்ப, அப்பகுதியின் சூழ்நிலைகளுக்கு ஏற்ப உருவாக்கப்பட்டன.

பயத்தின் விளைவாகவே, அந்த ஆவிகளும், பேய்களும் தம்மைப் பிடித்துக்கொள்ளும் என்ற நிலையில் அவற்றை மனநிறைவடையச் செய்ய, அந்தக் கற்பனை உருவங்களை அமைதிப்படுத்த அவற்றை வணங்குவதும், அவற்றிற்கு வேண்டியதைப் படைக்கும் பழக்கமும் ஏற்பட்டது.
கடவுளுக்கும், மக்களுக்கும் தொடர்பு உண்டாக்கும் இடைத்தரகர்களாக, “அர்ச்சகர்களாக’’ வாழ்ந்தனர். கடவுள் ஆவிகள், பேய்கள் இவற்றைக் கட்டுப்படுத்தும் சக்தி படைத்தவர்களாக இவர்கள், மக்களால் நம்பப்பட்டனர். இந்தியாவில் ஆரியர்கள் இந்தத் தரகுப் பணிகளை செய்யத் துவங்கினார்.

அரசர்களே மதகுருமார்களின் கட்டளை-களாக ஆண்டவன் கட்டளையாக ஏற்றுக்-கொண்டு செயல்படும் பொழுது அவர்கள் கீழ் வாழும் குடிமக்கள் மதகுருக்களின் ஆணைகளை, கடவுளின் ஆணைகளாக, எதிர்ப்பின்றி ஏற்றுக்கொண்டு அடங்கிப் போயினர். சர்வ வல்லமை உடைய மனிதர்களாக மதகுருக்கள் மாறிப்போயினர். பல பகுதிகளில் கடவுளின் ஆணைகளை அறிந்தவர்களான இந்த அர்ச்சகர்களே தங்கள் வாரிசுகளுக்கு மதச்சடங்குகளும், அவை தங்கு தடையின்றி தொடரும் முறைகளையும் சொல்லித் தந்தனர். அதன் விளைவாக அர்ச்சகர் பரம்பரை தோன்றியது. புரோகிதர்கள் மட்டுமே தெய்வீக சம்பிரதாயம் அறிந்தவர்களாக பல மதங்களில் மாறிப்போனார்கள்.

புரோகிதனுக்கு மட்டுமே கடவுளை அணுகும் வழிமுறைகள் தெரியும் என்றும், கடவுளின் விருப்பையும், வெறுப்பையும் காட்டும் மந்திரங்கள் அவனுக்கும், அவன் பரம்பரைக்கு மட்டுமே தெரியும் என்றும் மக்கள் நம்ப வைக்கப்பட்டனர். பரம்பொருளுக்கும், பக்தனுக்கும் இடையே இந்த இடைத்தரகன் பாதி தெய்வீகத்தன்மை உடையவன் ஆனான். அவன் துணையின்றி ஒருவரும் நேரடியாக தெய்வத்தைத் தொழுவதோ, தெய்வத்துடன் தொடர்புகொள்ளவோ முடியாது என்ற நிலை நாளடைவில் மக்களிடையே பரவச் செய்யப்பட்டது. புரோகிதர்களும், அர்ச்சகர்களும், பூசாரிகளும் சமூகத்தில் அஞ்சத் தக்கவர்களாகவும், அவர்கள் சொற்கள் தெய்வீக அருள்வாக்காகவும் மாறிவிட்டது.
நாட்டை ஆளும் மன்னர்களும் அந்த தெய்வீக அருள்வாக்கிற்குக் கட்டுப்பட்டனர். மன்னர்களையும் மிஞ்சிய அதிகாரம் உடைய அவர்களைப் பார்த்து மக்கள் பயத்துடன் அணுக வேண்டிய நிலை ஏற்பட்டது. எந்த கடவுள்களை நெருங்க இந்தப் பூசாரிகள் தேவைப்பட்டனரோ, அவர்களையே மக்கள் பயத்துடனும், பக்தியுடனும் (பய, பக்தி) நெருங்கும் நிலை ஏற்பட்டது.

– தொடரும்

Tagged மருத்துவர் இரா. கவுதமன்

Post navigation

ஆளுமையும் தியாகமுமே அன்னை மணியம்மையார் – பவளசங்கரி திருநாவுக்கரசு

நடிகர் மயில்சாமி – பெரியாரின் மாணவரா? வி.சி.வில்வம்

தொடர்புடைய செய்தி

ஓரவஞ்சனையின் மறுபெயர் குஜராத் மாடல்! மக்கள் நலனுக்கானது திராவிட மாடல்!

October 22, 2023உண்மை Unmai

உங்களுக்குத் தெரியுமா?

May 3, 2023உண்மை Unmai

கட்டுரை – பகத்சிங் பார்வையில் மதம்!

September 26, 2023உண்மை Unmai

தேட

Search for:

தற்போது இதழில்

• ‘‘பெரியாரின் பூங்காவில் நுண்ணிய கொடியாக இருந்துவிட்டுப் போகிறேன்’’ – கலைஞர் பெருமிதம்June 8, 2024
• மின்சார வசதி இல்லாத குடிசை வீட்டில் படித்து எஸ்.எஸ்.எல்.சி. தேர்வில் சாதித்த மாணவிJune 8, 2024
• பகைவர் பகல்வந்த நிலவானார் கலைஞர் முன்னே!June 8, 2024
• இறப்பிற்குப் பின்பும் உரையாட…- முனைவர் வா.நேருJune 8, 2024
• கலைஞரின் சட்டங்கள்…- பேரா.முனைவர் நா.சுலோசனாJune 8, 2024
• அன்றுதான் நாமும் மனிதனாகலாம்!- வழக்குரைஞர் சே.மெ.மதிவதனிJune 8, 2024
• சுயமரியாதை இயக்கம் தோன்றியது ஏன்? எப்படி? எப்போது?- கி.தளபதிராஜ்June 6, 2024
• முழுப் பூசணிக்காயை சோற்றில் மறைக்கும் முயற்சி !June 6, 2024
• வியன்னா பிரகடனமும் நடவடிக்கைத் திட்டமும்-(சென்ற இதழ் தொடர்ச்சி…)June 6, 2024
• கலைஞரின் பேனா வரைந்த திரைச் சித்திரங்கள்… – குமரன்தாஸ்June 6, 2024
• சாதனை நாயகர்!-கவிதைJune 6, 2024
• கலைஞரின் ‘குடிஅரசு’ குருகுலம் – கோவி.லெனின், இதழாளர்June 6, 2024
• மென்மனக் கீறல்கள்! – திருப்பத்தூர் ம.கவிதாJune 6, 2024
• நெருக்கடிகள் வந்தபோதும் கருப்புச் சட்டையைக் கழற்றாத பாரதிதாசன்!June 6, 2024
• சுனாமியால் பாதிக்கப்பட்டோருக்கு உதவிகள்…June 6, 2024

@2023 உண்மை இதழ் | Theme: News Portal by Mystery Themes.

• தலையங்கம்
 
• கட்டுரைகள்
 
• சிறுகதை
 
• கவிதைகள்
 
• தொடர்கள்
 
• மருத்துவம்
 
• உங்களுக்குத் தெரியுமா?
 
• துணுக்குகள்

மரணம் (4)

மருத்துவம் – 

2023 பிப்ரவரி 16-28, 2023 உண்மை இதழ் Unmai

மருத்துவர் இரா.கவுதமன்

“நெருநல் உளன் ஒருவன் இன்றில்லை என்னும்
பெருமை உடைத்திவ் உலகு’’
என்னும் வள்ளுவரின் குறளுக்கேற்பத்தான் மனிதரின் வாழ்க்கை அமைந்துவிடுகின்றது.. “நல்வழி’’யில் அவ்வையார் குறிப்பிட்டதைப் போல்,
“ஆற்றங் கரையின் மரமும் அரசரியவீற்றிருந்த வாழ்வும் விழுமன்றோ’’
என்பதுதான் வாழ்வியலின் உண்மை. உயிருள்ள அனைத்து உயிரிகளும் ஒருநாள் முடிவெய்தித்ததான் தீர வேண்டும் என்பதுதான் இயற்கை நியதி.
மனித அறிவு வளர்ச்சியடையும் காலத்திற்கு முன் மரணம் என்பதையே ஏற்றுக்கொள்ள முடியாத மனநிலையே மனிதர்களிடம் இருந்தது அதனாலேயே ஆரம்ப காலங்களில் பிணத்தைப் புதைத்து வைக்காமல் பாதுகாக்கும் நிலை வளரத் துவங்கியது.

மனித உடலின் அழியும் தன்மையை உணர்ந்தபின் அதைப் பாதுகாக்க வேண்டும் என்ற எண்ணம் தோன்றியது. இறந்தபின் அந்தப் பிணம் மீண்டும் உயிர்பெறாது என்கிற எண்ணம் தோன்றும் வரை அந்தப் பிணத்திற்கு, உயிரோடு இருந்த காலத்தில் அவர்களுக்குப் பிடித்த உணவுகள், பழங்கள் போன்றவற்றை வைத்து வணங்கும் பழக்கம் ஏற்பட்டது (இன்றும் திதி கொடுப்பது, பிண்டம் வைப்பது. படையலிடுவது போன்ற செயல்பாடுகளின் முன்னோடியே இது).

பிணங்களின் மேல் மலர்கள், வாசனைப் பொருள்களை வைத்து வணங்குதல் போன்றவையே பின்னாள்களில் மரணச் சடங்குகளாயின. எகிப்தில் பழங்காலத்திலேயே இறப்பு என்பதில் நம்பிக்கை இல்லாமல், இறந்த உடலில் உயிர் மீண்டும் வரும் என்று நம்பினர். பிணம் அழுகுவதைக் கண்டதும், அதைப் பாதுகாக்க வேண்டி உடலைப் பதப்படுத்தும் முறைகளைக் கையாளத் துவங்கினர். முதல் கட்டத்தில் தைலங்கள், வாசனைப் பொருள்கள் போன்றவற்றைப் பயன்படுத்தி, உடல் தெரியாதவாறு ஒரு வகை ஆடையால் இறுக்கப் போர்த்திக் கட்டி அவற்றைப் பாதுகாக்கும் வண்ணம் பிரமிடுகளின் உள்ளே உடலை வைத்தனர். அந்த உடல் மீண்டும் உயிர் பெறும் என்கிற நம்பிக்கையில், அவர்கள் பயன்படுத்திய தங்க நகைகளால் உடலை அலங்கரித்து வைத்தனர். மற்றும் உடைகள், காசுகள், உணவு வகைகள் போன்றவையும் அந்தப் பிரமிடுகளில் வைக்கப்பட்டன. நாட்டின் அரசன் இறந்தால், அவன் மீண்டும் உயிர் பெற்றதும், அவனுக்குப் பணிவிடை செய்ய பணியாளர்களையும் உயிரோடு பிரமிடுகளில் அடைக்கும் வழக்கமும் இருந்தது.

திராவிட நாகரிகமான மொகஞ்சதாரோ,ஹரப்பா போன்ற பகுதிகளிலும், இந்தியாவின் தென் பகுதிகளிலும் பெரிய மண் பானைகளில் உடல்களை வைத்துப் புதைக்கும் வழக்கம் ஏற்பட்டது. இறந்தவர்களின் ‘ஆவி’ திரும்ப வந்து, உயிரோடிருப்பவர்களைத் துன்புறுத்துமோ என்ற பயத்தின் விளைவாகவே புதைக்கும் பழக்கம் தோன்றியது. ஆனால் மரணமடைந்த பெற்றோர்கள், நண்பர்கள் தீங்கு செய்யமாட்டார்கள் என்கிற நம்பிக்கையால் அவர்களைப் புதைத்த இடத்தை வணங்குவதும், அவர்களுக்கு பிடித்ததைப் படைத்தல் போன்ற வழக்கங்கள் வளர்ந்தன. இறந்த ஆவிகள் மீண்டும் எழுந்து வராமல் இருக்க புதைத்த இடத்தில் பெரும் பாறைகள் வைக்கப்பட்டன. நாளடைவில் அந்த ஆவிகளைத் திருப்திப்படுத்த உயிர் பலி கொடுக்கும் பலிபீடங்களாக அவை மாறிப்போயின.

ஆரம்ப காலகட்டங்களில் தங்கள் தங்குமிடங்களை ஒட்டியே பிணங்களை புதைக்கும் வழக்கம் இருந்தது. தங்கள் குலத்தின் மூத்தவர்கள், (மீண்டு வராத நிலையில்) அவர்கள் நல்வழி காட்டுவார்கள் என்ற நம்பிக்கையே அவர்கள் குலத்தின் தெய்வங்களாயினர். (இன்றும் கூட பூஜை அறையில் குடும்ப மூதாதையர்களின் படங்களை வைத்துக் கும்பிடும் பழக்கம் பல வீடுகளில் காணலாம். ஒரு குழுவின் தலைவன் அக்குழுவிற்கு வழிகாட்டும் நிலையிலிருந்ததால் அவன் இறந்தபின் அவனைப் புதைத்த இடத்தில் அடையாளத்திற்கு கற்களையும்,. கட்டைகளையும் நட்டு வைக்கும்வழக்கம் ஏற்பட்டது. இதையே ‘நடுகல்’ என்று அழைத்து வணங்கும் வழக்கம் ஏற்பட்டது. அதேபோல் நாட்டை ஆண்ட அரசன் இறந்தபின் அவனை அடக்கம் செய்த இடத்தில் மண்டபம் போன்ற நினைவுச் சின்னங்கள் எழுப்பப்பட்டன.
அறிவும் கலைத்திறனும் வளர வளர மன்னனைப் போன்ற உருவங்கள், சிற்பமாக வடிக்கும் பழக்கம் ஏற்படத் துவங்கியது. ஆரம்பக் காலகட்டங்களில் இந்தத் தலைவன் அல்லது அரசனுடைய சிலைகளே தெய்வங்களாகவும், வணங்குவதற்குரிய பொருளாகவும் மாறின. அவர்களைப் புதைத்த இடங்களில் கட்டப்பட்ட கோயில்கள் தோன்றிய விதத்தையும், இறந்தவர்கள் கடவுள்களானதைப் பற்றியும், கோயில்கள் ஏற்பட்ட விதம் பற்றியும் பல அறிஞர்கள் பல பகுதிகளிலும் ஆய்வு செய்து அறிக்கைகள் கொடுத்துள்ளனர்.

திரு பி.ளி. பார்பஸ், திரு. து. வீசல்லு, திரு. ஃபிரேசர், திரு. ஹெர்பர்ட் ஸ்பென்ஸர் போன்ற சமூகவியல் ஆய்வாளர்கள் பல பகுதிகளில் வாழ்ந்த பல குழுக்களையும், அவர்களது பழக்க வழக்கங்களையும் ஆய்வு செய்து, உயிர்களின் மரணம் என்ற இயற்கை நிகழ்வுகளை ஒவ்வொரு இன மக்களும் அணுகிய முறைகளையும் ஆய்வு செய்து பல கட்டுரைகளைத் தந்துள்ளனர். மனிதன் குகைகளில் வசித்த காலம் முதல், நாகரிகமடைந்த காலம் வரை பலவற்றையும் ஆய்வு செய்தே அக்கட்டுரைகள் எழுதப்பட்டுள்ளன. குகைகளில் வாழ்ந்த மனிதன் இறந்த உடன் அவனைச் சுற்றி இருந்தவர்கள் அந்த உடலை அப்படியே விட்டுவிட்டு வேறு இடத்திற்குக் குடிபெயர்ந்தனர். இதுவே குகைக்கோயில்கள் தோன்றக் காரணமாயின.

ஆரம்பத்தில் அறிவு வளர்ச்சியற்ற காலத்தில், இறப்பு என்பதை உணராத காலத்தில் ஏற்பட்ட மூடநம்பிக்கைகள், அவர்கள் உருவமே இல்லாத நிலையிலும் வழிகாட்டுவார்கள் என்ற எண்ணமும், அவர்களுக்கு வேண்டிய உணவுகளை ‘படையல்’ என்கிற பெயரில் வைத்து வணங்குவதும், வணக்கத்திற்குரியவர்களாக அவர்களை நினைத்ததும், அவர்களைப் புதைத்த இடத்தில் நடுகல் போன்றவற்றை நட்டு வணங்குவதும், அந்த உடல்கள் இருந்த இடத்தை வணங்குதல் போன்ற பழக்கங்கள், அறிவு வளர்ச்சியடைந்த இந்தக் காலத்திலும் எல்லா மதங்களிலும் இன்றும் இருப்பதைக் காணலாம். பழங்காலப் பழக்க வழக்கங்கள் எல்லா மதங்களிலும் இன்றும் தொடர்ந்தாலும், “ஆண்டாண்டு தோறும் அழுது புரண்டாலும் மாண்டவர் மீள மாட்டார்’’ என்னும் உண்மையை மட்டும் மனிதர்கள் இன்று உணர்ந்துள்ளனர் என்பதே ‘உண்மை.’ –

(தொடரும்)

மரணம்(3)

மருத்துவம் : 

2023 பிப்ரவரி 1-15, 2023 உண்மை இதழ் Unmai

மருத்துவர் இரா. கவுதமன்

உணவை மறுக்கின்ற நிலை இறந்து கொண்டிருக்கின்றவருக்கு ஏற்படும்.

கழிவு உறுப்புகள் செயலிழப்பு: உணவு செரித்தல் குறைவதாலும், தண்ணீர் உடலின் உள்ளே செல்லாததாலும் மரணத்தின் பிடியில் உள்ளளவர்களுக்கு ஆரம்ப நிலையில் “மலச்சிக்கல்’’ ’ (Constipation) ஏற்படும். ஆனால் மரணம் நிகழும் பொழுது இடுப்புச் சதைகள், சிறுநீர்ப் பைகள், குடல் பகுதிகள் முழுமையாக இளகி விடுவதால் எந்த விதக் கட்டுப்பாடும் இன்றி சிறுநீர், மலம் முழுவதுமாக வெளியேறிவிடும்.

தோல், தசைகள் தொய்வு: படுத்த படுக்கையாக நீண்ட நாள்கள் இருக்கும் நோயாளிகளின் தசைகள் மெலியும், குரல் சரியாக எழும்பாது. அதனால் நோயாளி தெளிவின்றி மெல்லிய குரலில் பேசுவார். தோலில் புதிய செல்கள் தோன்றும் நிலை நின்று விடுவதால், தோலின் தடிமன் குறைந்து, மெலிதாகி விடும். அதனால் எளிதாக சிராய்ப்புகள், காயங்கள் ஏற்படும். நீண்ட நாள்கள் படுக்கையில் இருக்கும் நோயாளிகளுக்கும், முதியவர்களுக்கும் “படுக்கைப் புண்கள்”(Bed Sores) ஏற்படும்.

எதிர்பார்ப்பின்மை, பற்றின்மை(Withdrawal and Detachment):மரணம் நிகழும் பொழுது நெருங்கிய நண்பர்களையோ, உறவினர்களையோ பார்க்க வேண்டுமென்றோ, அவர்களிடம் உறவாட வேண்டுமென்ற உணர்வோ ஏற்படாது. களைப்பும், சலிப்பும் உண்டாகும்

உயிரோட்டம் குறைதல் (Declining Vital Signs) : உடலின் உயிரோட்டம் மெல்ல, மெல்ல குறையத் தொடங்கும். உடலின் இயல்பான வெப்பநிலையான 98.4குதி யில் இருந்து மெல்ல குறையத் தொடங்கும். குறையத் துவங்கும் உடல் வெப்பம் இறப்பு நிகழும் பொழுது முழுமையாகக் குறைந்து உடல் குளிர்ச்சியடைந்து விடும்.

நாடித் துடிப்பு : நாடித் துடிப்பு, இலகுவாகி, குறைந்து கொண்டே வந்து முழுமையாக நின்றுவிடும் (இயல்பு நிலை 72/நிமிடம்)

மூச்சுவிடுதல்: முதலில் மூச்செடுத்து விடலாம் அல்லது மெலிதாகி நின்றுவிடும். (நிமிடத்திற்கு 20 முறை மூச்சு விடுதல் இயல்பு நிலை)

இரத்த அழுத்தம் : இரத்த அழுத்தம் இயல்பு நிலையில் 120/80 MM of Hg என்றிருக்கும். மரணம் நிகழ்கையில் இரத்த அழுத்தம் முழுமையாகக் குறைந்து ஒன்றுமே தெரியாத நிலை ஏற்படும்.

இதய மின்னலைப் பதிவு (ECG): இயல்பு நிலையில் ஏற்ற இறக்கங்களோடு இருக்கும். இதய மின்னலைப் பதிவு, இறப்பு ஏற்படும் பொழுது ஒரே கோடு போல் தெரியும்.

கிளர்ச்சியடைதல் (Agitation): திடீரென நோயாளி பலம் பெற்றவர் போல் கிளர்ந்தெழுவார். இரத்தக் குழாய்களில் செலுத்தப்படும் மருந்துக் குழாய்களைப் பிடுங்கி எறிய முயல்வார். படுக்கையை விட்டு எழுந்து, இறங்க முயல்வார். செவிலிய உதவியாளர்களையும், பிடிக்க வரும் உறவினர்களையும் தள்ளிவிடுவார்.

உணர்விழத்தல் : உயிரோடு இருக்கும் பொழுது இயல்பான நிலையிலிருந்த பார்த்தல், கேட்டல், நுகர்தல் மாறுபடும். தெளிவான ஓசையுடன் வெளிப்படும் பேச்சு, தெளிவின்றி, மெதுவாக, புரிந்து கொள்ள முடியாத நிலையில் வெளிப்படும். எதிரில் இருப்பவர்கள் யார் என்று அறிய முடியாத தெளிவின்மை ஏற்படும். இந்த மாற்றங்கள் பகலைவிட, இரவில் மேலும் மங்கலாகத் தோன்றும். சிலருக்கு இறப்பதற்கு முன்
மூளையில் சில சுரப்புகள் அதிகம் சுரக்கும்.அதன் விளைவாக நோயாளி திடீரென பார்க்கவோ, பேசவோசெய்வார். ஆனால் ஒரு சில நிமிடங்களில் அவை மாறி அனைத்தும் அடங்கிவிடும். “அணைகின்ற விளக்கு பிரகாசிப்பது போல்’’, தொடுதல், கேட்டல் இரண்டுமே கடைசியாக மறையும் உணர்வுகள்.

ஆழ்மயக்கம் ((Coma) :  ஆழ்ந்த தூக்கம், ஆழ்ந்த மயக்கமாக மாறி முடிவில் விழிக்க முடியாத நிலை ஏற்பட்டு மரணம் உறுதிப்படும்.

மரணத்தின் போது உடலில் ஏற்படும் மாற்றங்கள் :
உடல் உறுப்புகள் இயக்கங்கள்
முழுமையாக நின்றுவிடும்.
இதயம் துடிக்காது
மூச்சு நின்றுவிடும்
மூளை செயல்பாட்டை நிறுத்திக்
கொள்ளும்.
இறப்பின் அறிகுறிகள்:
நாடித்துடிப்பு இருக்காது; நின்றுவிடும்.
மூச்சு நின்றுவிடும்.
உடல் குளிர்ந்து விடும். எந்த இயக்கமும் உடலில் இருக்காது.
கண்களின் பாப்பா (Pupils)வெளிச்சத்திற்கு சுருங்காமல் விரியாமல் நிலைக் குத்தி நின்றுவிடும்.
மரணத்திற்குப் பின் :
மரணம் நிகழ்ந்த உடனே உடலின் தசைப் பகுதிகள் அனைத்தும் இயல்பான இறுக்கம்(Toxe) தளர்ந்து, இளகிவிடும், குடல், வயிற்றுத் தசைகள் இளகுவதால் உடலின் உள் இருக்கும் மலம், சிறுநீர் வெளியேறிவிடும். தோல் இறுக்கம் தளர்ந்து, தொய்வடைந்துவிடும்.
உடல் இயல்பாக இருக்கும் எடையை விட கூடிவிடும்.
உடலின் இயல்பான வெப்பநிலையான 98.40தி முழுவதுமாகக் குறைந்து 1.50தி நிலைக்கு வந்துவிடும். அதனால்தான் உடல் குளிர்ந்துவிடுகிறது.
உடலின் இரத்த ஓட்டம், இரத்தக்குழாய்கள் செயலிழப்பதால் புவி ஈர்ப்பு விசையால் இரத்தம் கீழ்நோக்கித் தேங்கும். இரத்தம் தேங்கும் இடங்களில் தோல் கருஞ்சிவப்பாகத் தென்படும்.

உடல் இறுக்கம் (Stiffness) : உடலின் இயக்கம் நின்றுவிடுவதால் அனைத்துத் தசைகளும் இறுக்கமடையும். முதல் முதல் முகமும், கழுத்துப் பகுதியும் இறுகிவிடும், அவ்விறுக்கம் சிறிது, சிறிதாகக் கிழிறங்கி மார்பு, வயிறு, கை, கால்கள் என்று பரவும். இவ்விறுக்கம் விரல்களின் நுனிவரை பரவும்.
தசைகள் இறுகினாலும், கைகளும், கால்களும் இயக்கமின்மையால் தொய்வடைந்து விடும்.
மரணம் நிகழ்ந்த மூன்று மணி நேரம் முதல் 72 மணி நேரம் வரை உடல் இறுக்கத்தால் விறைத்துவிடும். இதை “மரண விறைப்பு” (Rigor Mortis)என்று அழைக்கிறோம்.
மரண விறைப்பு பொதுவாக 2 மணி முதல் 4 மணிக்குள் ஏற்படும்,
மரண விறைப்பு நேரம், எதிர்பாராத மரணங்களில் மரணம் நிகழ்ந்த நேரத்தைக் கணிக்க உதவும்.
இதன் மூலம், விபத்துகள், கொலை, தற்கொலை போன்றவற்றின் மரண நேரத்தை மருத்துவர்களால் கணிக்க உதவும்.
மரணவிறைப்பு விலகி, மீண்டும் உடல் தளர்வடையும்.

மரணம் (2)

மருத்துவம் :

2023 மருத்துவம் ஜனவரி 16-31 ,2023

உண்மை இதழ்

மருத்துவர் இரா. கவுதமன்

1980இல் ‘மரணம்’ என்பதன் விளக்கம் தெளிவாக்கப்பட்டது.
1. ஒருவர் மீள முடியாத நிலையில் இரத்த ஓட்டம் நின்றுவிடுதல் மூச்சு விடுவது நின்று விடுதல் (Irreversible cessation of circulatory and respiratory function).

2. மீள முடியாத நிலையில் ‘மூளை’யின் செயல்பாடுகள் நின்று விடுதல் (Irreversible cessation of all functions of the entire brain).

மருத்துவ முறையிலும், சட்டத்தின் முறையிலும் இன்று உலகம் முழுவதும் மரணம் குறித்து இந்த விளக்கம் ஏற்றுக் கொள்ளப்பட்டது.

மரணம் நிகழக் காரணங்கள்:
விபத்துகள்
தற்கொலைகள்
கொலைகள்
நோய்கள்
இயற்கை மரணங்கள்
இவற்றில் விபத்துகள், தற்கொலைகள், கொலைகள் போன்றவை எதிர்பாராது திடீரென ஏற்படும் நிகழ்வுகளாகும். இவற்றில் விபத்துகளில், தலையில் அடிபட்டு, தலை எலும்புகள் உடைந்து, மூளையும் பாதிப்படைந்தால் ‘மூளைச் சாவு’ ஏற்பட்டு மரணம் நிகழக்கூடும். மனத் தளர்ச்சி (Depression), சமூகப் பயங்கள், தற்கொலைகள் நிகழக் காரணங்களாக அமைகின்றன. நச்சு மருந்துகள், பூச்சிக்கொல்லிகளை அதிக அளவு எடுத்துக் கொள்ளுதல், தூக்கிட்டுக் கொள்வது போன்ற செயல்பாடுகளால் தற்கொலை நிகழ்கிறது. சண்டைகள், பகை, பயம், பழிவாங்குதல் போன்றவை கொலைகள் நிகழக் காரணமாகின்றன.
நோய்வாய்ப்பட்ட மரணங்களும், இயற்கை மரணங்களும் இயல்பான மரணங்களாக நிகழ்கின்றன. மாரடைப்பு, இதய முடக்கம் (Heart attack, Cardiac arrest) முதிர்ச்சியடைந்த புற்றுநோய், சிறு நீரகச் செயலிழப்பு, கட்டுப்படுத்தப்படாத நீரிழிவு நோய், மிகு இரத்த அழுத்தம், தோல்வியடைந்த மருத்துவம், மூப்பு போன்றவற்றால் இயற்கை மரணங்கள் நிகழ்கின்றன.

மரணம் நிகழும் பொழுது:
மரணம் என்கிற நிகழ்வு நடக்கும் பொழுது, உடல் திசுக்களின் இயக்கம் முழுமையாக நின்றுவிடுகிறது. இதயம் தன் துடிப்பை நிறுத்திவிடும். மூச்சு நின்றுவிடும். மூளைச் செயல்பாடு முழுமையாக நின்றுவிடும். சில ஆய்வுகள், மரணம் நிகழ்ந்த உடன் மூளை முழுமையாகச் செயலை நிறுத்திவிடாமல், மேலும் சில நிமிடங்கள் செயல்படுவதாகக் கூறுகின்றன. ஆனால் அந்தச் செயல்பாடுகளும் உயிரோடு இருக்கும் பொழுது மூளை செயல்படுவதைப் போலில்லாமல் மந்தகதியில் அச்செயல்பாடுகள் இருக்கும் என்பதும் அவ்வாய்வுகளின் முடிவு.

மரணத்தின் முக்கிய நிகழ்வுகள்:
மரணம் நிகழும் பொழுது, இதயம் நின்றுவிடும். இதயம் மெதுவாக நிற்கும் பொழுது, அது வெளியேற்றும் இரத்தமும், இரத்த ஓட்டமும் மெதுவாகி, இரத்த ஓட்டம் நின்றுவிடும். இரத்த ஓட்டம் நிற்பதால் உடல் திசுக்களுக்குத் தேவையான உயிர் மூச்சுக்காற்று, திசுக்களுக்குச் செல்வது தடைபட்டு அத்திசுக்களின் இயக்கம் நின்றுவிடும். இரத்தத்தின்மூலம் செல்லும் உணவுச் சத்துக்களும் உயிர் மூச்சுக்காற்றும் (Oxygen) நின்று விடுவதால், செல்களில் ஏற்படும் “மூச்சுக்காற்று ஏற்றம்’’ (Oxidation) நின்றுவிடும். அதன் விளைவாக செல்களில் உண்டாகும் வெப்பம் உண்டாகாமல் உடல் சில்லிட்டுப் போகும். இறந்த உடல் சில்லிட்டுப் போக இதுவே காரணம்.
அனைத்துத் திசுக்களில் ஏற்படும் மாற்றங்கள் போலவே நரம்பு மண்டலமும், அதன் தலைமையகமான மூளைத் திசுக்களும் செயலிழக்கத் துவங்கி, சில நிமிடங்களில் தன் செயல்பாட்டை முழுமையாக நிறுத்திக்கொள்ளும். “இறப்பு’’ என்பதற்கு “மூளைச்சாவு’’ என்று உறுதியான பின், மூளையின் செயல்பாடுகள் நின்ற பிறகும் இன்றைய மருத்துவ அறிவியல் மற்ற உறுப்புகளின் செயல்பாட்டை நிறுத்தாமல் பல நாள்கள் செயல்பட வைக்கக்கூடிய வகையில் வளர்ந்துள்ளது.

எதிர்பாராத விபத்துகளால் பாதிக்கப்பட்ட-வர்களின் தலையில் அடிபடும் சூழ்நிலையில் (Head Injury) அடிபட்டவர் முழு மயக்க நிலைக்குச் (Coma) சென்றுவிடும் சூழ்நிலை ஏற்படும். அப்படிப்பட்ட நோயாளியை உடனடியாக மருத்துவமனைக்குக் கொண்டு சென்றால் மூளை மெதுவாகச் செயலிழக்கும் நிலை ஏற்பட்டாலும், மற்ற முக்கிய உறுப்புகள் செயலிழக்காமல், நோயாளிக்கு வெளியிலிருந்து, பொறிகள் மூலம் (Mechines) இதயம், நுரையீரல், சிறுநீரகம் போன்ற முக்கிய உறுப்புகளைச் செயல்படுத்த முடியும். இந்த மருத்துவ வளர்ச்சி, உறுப்பு மாற்று (Organ Transplantation) மருத்துவத்தில் ஒரு பெரும் புரட்சியையே ஏற்படுத்தியுள்ளது. அது மட்டுமின்றி பல்லாயிரக் கணக்கான நோயாளிகள் (உறுப்புகள் செயலிழந்தவர்கள்) வாழ்வில் மறுமலர்ச்சியை ஏற்படுத்தி உள்ளது.
* இறப்பிற்கு முன் முதல் நாளோ அல்லது
சில நாட்களுக்கு முன்போ உடல் செயல்பாடுகள் சிறிது சிறிதாகக் குறைந்துகொண்டே வரும்.
* மரணத்திற்கு முன் நோயாளி மிகவும் அமைதியாக இருக்கக் கூடிய சூழ்நிலை சில நேரங்களில் ஏற்படும்.
* மரணம் என்பது சில நேரங்களில், சிலருக்கு திடீரென ஏற்பட்டாலும் (எடுத்துக்காட்டாக, இதய முடக்கம் (Cardiac arrest) ஏற்பட்டு இறத்தல்), பெரும்பாலான நோயுற்றவர்களுக்கு மருத்துவம் செய்வதற்கேற்ப, மெதுவாகவே ஏற்படலாம். மரணம், மருந்துகள் மூலம் அமைதியாகவும், மெதுவாகவும் இறப்பு ஏற்படுத்துவதையே மருத்துவர்கள் செயல்படுத்துவர்.
* நோயாளிகள் வலியின்றி, அமைதியாக, அதிகத் தொல்லைப்படாமல் இயற்கையாக மரணமடையும் நிலையும் சில சமயம் எற்படும்.
* மரணம் ஒவ்வொருத்தருக்கும் ஒவ்வொரு வகையில் நிகழும் என்பதே உண்மை.
ஒவ்வொருவருடைய வயது, அவர்களுக்கு ஏற்பட்டுள்ள நோய், அதனால் ஏற்பட்ட உறுப்புகளின் பாதிப்புகள், அந்நோயினை£ல் பாதிக்கப்பட்ட முக்கிய உறுப்புகளின் செயலிழப்பு, மருத்துவம் செய்வதன் நிலைப்பாடுகள் போன்றவை ஒருவரின் மரணம் நிகழும் நேரத்தை நிர்ணயிக்கும் (எடுத்துக்காட்டாக மாரடைப்பு ஒரு சில மணி நேரத்தில் நிகழும் இதய முடக்கம் உடனே நிகழ்ந்துவிடும். விபத்துகளால் ஏற்படும் மரணம் அவர்களுக்குப் படுகின்ற காயங்கள், இரத்தப்போக்கு போன்றவற்றைப் பொருத்து ஏற்படும். வயது மூப்பினால் ஏற்படும் மரணம், உறுப்புகளின் செயலிழப்பைப் பொறுத்து சில மணி நேரம் முதல் சில நாள்கள் வரைகூட மெதுவாக நிகழும்.)
இதய நோய்கள், நுரையீரல் நோய்கள், புற்று நோய்கள், சிறு நீரக நோய்கள் மருத்துவம் செய்வதைப் பொறுத்தும், மருத்துவம் பயனின்றிப் போவதைப் பொறுத்தும் மரணத்தைத் தள்ளிப்போடலையும், பின் மரணம் நிகழும் வகையில் அமையும். மரணத்தின் நிகழ்வை இந்த உறுப்புகளுக்குச் செய்யும் மருத்துவம் மெதுவாக நிகழ வைக்கும் (slow down)

மரணத்திற்கு முன் ஏற்படும் மற்ற மாற்றங்கள்:
பெரும்பாலானவர்கள் மரணத்திற்கு முன் ஒரு சில மணிகளோ, ஒரு சில நாள்களோ அமைதியான உறக்க நிலையிலோ (More Sleep) ஆழ்ந்த மயக்கத்திலோ (Coma) ஆழ்ந்துவிடுவர். உடல் இயக்கத்திற்கு தேவையான உணவுகள் உடலில் உள்ளே செல்லாததால் உடல் உறுப்புகளின் செயல்பாட்டிற்குத் தேவையான சக்தி கிடைக்காது. அதனால் முக்கிய உறுப்புகளின் செயல்பாடுகள் குறைந்துகொண்டே வரும். இதயம் மெதுவாக இயங்குவதால் உடலுக்குத் தேவையான இரத்தம் இதயத்திலிருந்து செல்லாது.
இரத்தத்தின் மூலமே செல்களின் இயக்கத்திற்குத் தேவையான உணவு, உயிர்மூச்சுக்காற்று கிடைக்காது. மெதுவாக உறுப்புகள் செயலிழக்கத் தொடங்கும். இறக்கத் துவங்கும் உறுப்புகளுக்கு செயலிழப்பின் விளைவாக பசியோ, தாகமோ எடுக்காது. இந்த பசியின்மை நோயினாலோ, மூப்பினாலோ ஏற்படும் மரணத்திற்கு பல நாள்களாகவோ, பல வாரங்களாகவோ, பல மாதங்களாகவோகூட நிகழக்கூடும்.

மரணம் (DEATH)

மருத்துவம்: 

2023 மருத்துவம்

January 3, 2023உண்மை

– மருத்துவர் இரா. கவுதமன்

ஒரு மனிதருக்கு, மீள முடியாமல் இரத்த ஓட்டமும், மூச்சும் நின்று விட்டாலோ, மூளைச் செயல்பாடு முழுமையாக நின்றுவிட்ட நிலை ஏற்பட்டு விட்டாலோ மரணம் நிகழ்ந்து விட்டதாக மருத்துவர்கள் முடிவு செய்வர். பொதுவாக முன்பெல்லாம் இதயமும், நுரையீரலும் செயல்பாடுகளை நிறுத்திக் கொண்டாலே மரணம் நிகழ்ந்ததாகச் சொல்லப்பட்டது. ஆனால் மாறிவரும் மருத்துவ அறிவியல் வளர்ச்சியில் ‘மூளை’ செயல்பாட்டை இழந்துவிட்டால் மட்டுமே மரணம் நிகழ்ந்துவிட்டதாகவும், அதுவே மீண்டும் உடல் உறுப்புகள் இயக்கத்தை நிறுத்தி, செயல்படாத நிலையை (Irreversible) அடைந்து விட்டதையே மரணம் என்றும் இன்றைய மருத்துவம் விளக்குகிறது. இன்றைய நிலையில் ‘இழப்பு’ அல்லது மரணம் என்பது சுற்றமும், நட்பும் வருந்தக்கூடிய ஒரு நிகழ்வாக மட்டும் இல்லை. மருத்துவ முன்னேற்றம் உறுப்புகள் கொடை, உடற்கொடை, சமூகவியல், சட்டம் சார்ந்த பல கூறுகளைக் கொண்டதாக இருக்கிறது.

இந்திய குற்றவியல் சட்டம் (Indian Penal code) 46ஆவது பிரிவு _ உயிரோடு இருக்கும் மனிதர், எந்தவித உயிர் இயக்கமும் இல்லாமல் முழுமையாகச் செயலிழப்பதை மரணம் (“The permanent disappearance of all evidence of life at any time after live-birth has taken place)” என்று விளக்குகிறது. இன்றைய நிலையில் மூளைச் சாவையே மரணம் என்று பல நீதிமன்றத் தீர்ப்புகள் கூறுகின்றன.!
ஒரு சில ஆண்டுகளுக்கு முன்பு கூட, இதயமும், மூச்சும் செயலிழப்பதையே ‘மரணம்’ என்று மருத்துவ நிலையிலும், சட்டத்தின் நிலையிலும் ஏற்றுக் கொள்ளப் பட்டிருந்தது. பல நூறு ஆண்டுகளாக இந்த நிலைப்பாடுதான் நிலவியது. ஒருவர் இறந்து விட்டதை, அவரது நாடித் துடிப்பு நின்று விட்டதை வைத்தும், மூச்சு நின்று விட்டதையும், மூக்கின் அருகே ஒரு கண்ணாடி வைத்து, அதில் படியும் (மூச்சு வெளிப்படும் பொழுது) படிவு (Condensation) மூலமும், கண்ணின் “பாப்பா (Pupil) சுருங்கி, விரியும் தன்மை நின்று விடுவதையும் வைத்து மரணம் நிகழ்ந்ததை மருத்துவர் உறுதி செய்வார். ஆனால், இதயம் செயல்பாட்டை, இதய அறுவை மருத்துவம் செய்யும் பொழுது ஈறத்தாழ 40 நிமிடங்கள் வரை மருத்துவர்கள் நிறுத்தி விடுகின்றனர். இதய மாற்று அறுவை மருத்துவம் (Heart Transplantation), இதயத்தைத் திறந்து செய்யும் (Open Heart Surgery) அறுவை மருத்துவம் போன்ற மருத்துவ முறைகளில் இதயம் நிறுத்தப்படுகிறது. மிகச் சில ஆண்டுகளுக்கு முன்பு கூட இதயத்தமனி மாற்றுவழி மருத்துவத்தில் (Coronary Artery Bye pass Grafling – CABG)  கூட இதயம் நிறுத்தப்பட்டே செய்யப்பட்டது. (இப்பொழுது இதயத் துடிப்பைக் குறைத்து, இதயத்தை நிறுத்தாமலேயே (Beating heart Surgery)  இந்த அறுவை மருத்துவம் செய்யப்படுகிறது). இதயம் நிறுத்தப்படும் அந்த நேரத்தில் உடலின் இரத்தக் குழாய்கள் இதய, நுரையீரல் பொறியில் (Heart lung Machine), இணைக்கப்பட்டு, நோயாளி உயிரோடு இருக்க வகை செய்யப்படுகிறது.

மாறிவரும் மருத்துவத்தில் இன்று இதயச் செயலிழப்பு மரணம் இல்லை என்று நிறுவப்பட்டுவிட்டது. அதே போல் மூச்சு விடும் நிலை நின்று விடாமல் தடுக்க மருத்துவ உதவிகள் இன்று வந்து விட்டன. நுரையீரல் பாதிப்பால் செயலிழந்து விடும் நுரையீரல்கள், முழுமையாக மாற்றிப் பொருத்துவதும் இன்று வந்துவிட்டது. வேறு நுரையீரல் கிடைக்கும் வரை, நோயாளி, மரணம் அடையாமல் தவிர்க்க செயற்கை மூச்சுக் கருவியின், (Ventilator) மூலம் பாதுகாக்கப்படுவார். இதுபோன்ற மருத்துவ அறிவியல் முன்னேற்றங்களால், இதயமோ, நுரையீரலோ செயலின்மை (Cardio-Pulmonary failure) மரணம் என்று கூறப்படுவதில்லை.

1960களில் “மரணம்” என்பதற்கு மருத்துவ முறைகளில் முற்றிலும் மாறான விளக்கம் கொடுக்கப்பட்டது. இதைச் சட்டமும் ஏற்றுக் கொண்டது. ஹார்வர்ட் மருத்துவப் பல்கலைக்கழகம், மாறிவரும் மருத்துவ வளர்ச்சியை மனதில் கொண்டு மரணம்’ என்பதற்குப் புதிய விளக்கம் கொடுத்தது, அதை அனைத்து மருத்துவ உலகமும் ஏற்றுக் கொண்டது. மூளை முழுமையாகச் செயலின்மை (Permanently non-functioning Brain) அடைந்தால், அதை முழு உணர்விழந்த மயக்க நிலை (Irreversible Coma) என்று மருத்துவம் விளக்கியது.
இந்த நிலைக்கே நாளடைவில் “மூளைச் சாவு” (Brain Death) என்று பெயரிடப்பட்டது. முழுமையான உணர்வின்மை, முழுமையான செயலின்மை (Unreceptivity and responsivity), இயல்பாக மூச்சுவிட முடியாமை, உடல் அசைவின்மை (No Movements),, மூளை மின்னலைப் பதிவில் (Electro encephatogram) மூளையின் செயல்பாடின்மை போன்றவை ஒரு நோயாளிக்கு ஏற்பட்டால் அதுவே “மூளைச்சாவு” என்றழைக்கப்பட்டது. ஆனால் “மூளைச்சாவு” என்றழைக்கப்பட்டு, அவர்கள் உடல் உறுப்புகள் எடுக்கப்பட்டு, மற்றவர்களுக்குப் பொருத்தும் நிலைகளில் பல சட்டச் சிக்கல்கள் ஏற்பட்டன. இதற்காக ஓர் ஆய்வுக் குழு, அமெரிக்க அதிபர் தலைமையில் அமைக்கப்பட்டது.
மருத்துவ, சட்ட, சமூகவியல் அறிஞர்கள் அடங்கிய இந்தக் குழு அனைவருக்கும் பொதுவான, அனைவரும் ஏற்றுக் கொள்ளக் கூடிய ஒரு விளக்கத்தை “மரணத்திற்கு” அளித்தது. “மூளையின் முழு நிலைப்பாடு’’ (Total brain standard) என்று பெயரிடப்பட்ட இந்த நிலையை இன்று மருத்துவத்துறையும் நீதித்துறையும் ஏற்றுக் கொண்டுள்ளன.

பண்டைய காலங்களில் மரணத்திற்குப் பின்னும் உயிர் இருக்கும் என்ற நம்பிக்கையில்
பல நாட்கள் உடல்கள் வைக்கப்பட்டு, அழுகிப்போயின. இறந்தபின் உயிர் வராது என்பது மனித அறிவுக்கு எட்டுவதற்கே பல காலம் தேவைப்பட்டது. எகிப்து நாட்டில் மீண்டும் உயிர் வரும் என்ற நம்பிக்கையிலேயே, அரச, அரசி உடல்கள் பிரமிடுகள் என்று கல்லறைக்குள் வைக்கப்பட்டன. உடலோடு, நகைகள், உணவுகளுடன், அவர்களின் பணிப் பெண்களையும் (உயிரோடு) சேர்த்தே பிரமிடுகளில் வைத்து மூடும் பழக்கம் எகிப்தில் நிலவியது.

மனித இனம் அறிவியல் பாதையில் பயணம் செய்யத் தொடங்கிய பின்னர்தான் மரணம் என்பது ஒரு மீள முடியாத நிலை என்பதை மனிதன் உணர்ந்தான்.உடல் உறுப்புக் கொடை மருத்துவத் துறையால் செய்யத் துவங்கிய இந்தக் காலகட்டத்தில், சட்டமும், நீதியும் அதில் தலையிட வேண்டிய கட்டாயம் ஏற்பட்டது. சட்டமும், நீதியும் ஒவ்வொரு நாட்டிற்கும் ஒவ்வொரு முறையில் இருந்ததால், மரணத்தை விளக்குவதில் பலவகைக் குழப்பங்கள் நிலவின. முடிவாக, ஒரு வழியாக உடல் உறுப்புக் கொடைக்குப் பல சட்டங்கள் இயற்றப்பட்டு, மூளைச் சாவே (Brain Death) ‘மரணம்’ என்று உலகம் ஒத்துக்கொள்ளக் கூடிய நிலை இன்று அனைத்து நாடுகளிலும் ஏற்பட்டுள்ளது.

குடும்ப நலம் (Family Welfare)-2

மருத்துவம்: 

2022 டிசம்பர் 16-31 2022 மருத்துவம்

December 20, 2022உண்மை

– மருத்துவர் இரா. கவுதமன்

அளவான குடும்பம் வளமான வாழ்வு என்றும்,’’ நாம் இருவர் நமக்கு இருவர் என்றும்; ஒரு குடும்பம், ஒரு குழந்தை” எனவும், பலவிதமான குடும்பக் கட்டுப்பாட்டை வலியுறுத்தும் வண்ணம் சுவரெழுத்து, துண்டறிக்கைகள் வெளியிட்டு; ‘திராவிட மாடல்’ அரசுகள் பாமர மக்களிடையே குடும்பக் கட்டுப்பாட்டைப் பற்றிய விழிப்புணர்வைப் பரப்பியதன் விளைவாக தமிழ்நாடு குடும்பக் கட்டுப்பாட்டில் முன்னணி மாநிலமாகத் திகழ்கிறது.
“ஆண்டவன் கொடுத்து விட்டான்” என்று குழந்தைப்பேற்றை கடவுள் மேல் போட்டுவிட்டு பிள்ளைகளைப் பெறும் காலம் மாறிப்போய், நமக்கு குழந்தை வேண்டுமானால் பெற்றுக் கொள்ளலாம்; வேண்டாமென்றால் விட்டுவிடலாம்; வேண்டும் பொழுது பிள்ளை பெற்றுக்கொள்ளலாம்; தேவையான அளவு குழந்தை பெற்றுக் கொள்ளலாம் என்ற தெளிவு இப்போது மக்களுக்கு வந்துவிட்டது.

கருத்தடை முறைகள்:
* கருவுறும் நாள்
களில் உடலுறவின் போது எச்சரிக்கையோடு இருத்தல். (During Ovulation Day).
* உடலுறவின்போது விந்து பெண்குறிக்
குள் விடாமல் தவிர்த்தல் (Cetus Interruptus).
* கருத்தடை மாத்திரைகள் (Contraceptive Pills), கருத்தடை களிம்பு (Contraceptive Gels), ஆணுறைகள் (Colonus) பயன்படுத்தல்.
* உள்பொருத்திகள் (Implants).
* பட்டைகள் (Patches).
* பெண் குறி வளையங்கள் (Vaginal Rings).
* கருப்பை உள் பொருத்திகள் (Intra latrine devices).
* கருத்தடை அறுவை மருத்துவம் (Sterilization surgery)
* கருத்தடை களிம்புகள்: (Contraceptive Gels): உடலுறவிற்குமுன் இவற்றைப் பயன்படுத்துவதன் மூலம் கருத்தடையைச் செய்ய முடியும். மருந்துக் கடைகளில், மருத்துவர் மருந்துச் சீட்டு மூலம் இவற்றைப் பெறலாம்.

* உள்பொருத்திகள் (Implants): 99 விழுக்காடு உறுதியாக கரு உண்டாவதை இந்த உள்பொருத்திகள் (மினீஜீறீணீஸீts) தடுக்க வல்லவை. ஒருமுறை பொருத்தி விட்டால் குறைந்தது 3 ஆண்டுகள் கரு உருவாவதைத் தடுக்கக்கூடிய கருத்தடைப் பொருள் இது. கருத்
தடை மாத்திரைகளைத் தொடர்ந்து எடுத்துக் கொள்ளக்கூடிய நிலையை இவை தவிர்க்கின்றன. கருவுற நினைக்கும் நேரத்தில் எளிதில் அகற்றி விடலாம். பெண்களுக்கு மட்டுமே வைக்கக் கூடிய ஒரு எளிய கருத்தடைச் சாதனம் இது. மாத விலக்கம் வந்த அய்ந்து நாள்களுக்குள் இதைப் பொருத்த வேண்டும். ஒரு தீக்குச்சி அளவே, நெகிழியால் ஆன இந்த உள்பொருத்தி மேல் கையின் தோலில் சிறியதாக ஒருகீறல் எற்படுத்திப் பொருத்தப்படும். இதில் “புரொஜெஸ்ட்ரான்” என்ற ஊக்கி நீர் இருக்கும். இது தேவைப்படும் பொழுது வெளிப்பட்டு, இரத்தத்தில் கலந்து, கரு உண்டாவதைத் தடுக்கும். இதைப் பொருத்த ஒரு சில நிமிடங்களே தேவைப்
படும். ஊசி போடுவதைப் போன்ற உணர்வே பொருத்திக் கொள்பவர்களுக்கு இருக்கும்.
* பட்டைகள் (Patches):
இப்பட்டையை உடலின் எந்தப் பகுதியில் வேண்டுமானாலும் ஒட்டிக் கொள்ளலாம். ஒரு வாரம் வரை கரு உண்டாவதைத் தடுக்கும் இப்பட்டையை, ஒவ்வொரு வாரமும் புதியதாக ஒட்டிக் கொள்ள வேண்டும். 3 வாரங்கள் கழித்து, ஒரு வாரம் ஒட்டத் தேவையில்லை. மிகவும் பயனுள்ள கருத்தடைப் பொருள் இது. ஈஸ்ட்ரஜன், புரொஜெஸ்ட்ரான் போன்ற ஊக்கி நீர்கள் இந்தப் பட்டையில் இருந்து வெளிப்பட்டு, தோலால் உறிஞ்சப்பட்டு, கரு உருவாவதைத் தடுக்கும். மிகவும் எளிமையான கருத்தடைப் பொருள் இது.
* பெண்குறி வளையம் (Vaginal Ring): மிகவும் மென்மையான, நெகிழியால் ஆன சிறிய வளையம். இதுவும் ஊக்கி நீர்களை தொடர்ச்சியாக வெளிப்படுத்தி கரு உண்டா
வதைத் தடுக்கிறது. பெண்ணின் குறியினுள் பொருத்தப்படுவது இது. 99 விழுக்காடு வெற்றி-கரகமாகச் செயல்படும் இக்கருவி, ஒரு முறை பொருத்தப்பட்டால் ஒரு மாதம் வரை செயல்படும். இக்கருவி மாதவிலக்கம் ஏற்படும் பொழுது ஏற்படும் இரத்தப் போக்கு, அதிக வலி ஆகியவற்றைக் குறைத்து சில நேரங்களில் தானாகவே கழன்று வெளியே வந்து விடும். ஆனால், பயனாளி அவரே மீண்டும் பொருத்திக் கொள்ளலாம்.

* கருப்பை உள்பொருத்திகள் (Intra latrine devices): செம்பால் (Copper) ஆன ஜி வடிவில் ஆன ‘காப்பர்’ ஜி என்றழைக்கப்படும் இக்கருவி, கருப்பையின் உள் பொருத்தப்படும். மருத்துவர் அதற்கான கருவி மூலம் எளிதில் இதைப் பொருத்தி விடுவார். மிகவும் நம்பிக்கையான கருத்தடைக் கருவி இது. எளிமையாக எந்த வலியுமின்றி பொருத்தி விடலாம். எந்தத் தனிக் கவனமும் தேவையில்லை, அதிக செலவு வைக்காத நீண்ட நாள் செயல்படும் கருவி இது. தேவையில்லை என்றால் எளிதில் மருத்துவர் எடுத்து விடுவார். எடுப்பதும் மிகவும் எளிதானது பல ஆண்டுகள் எந்த வித பாதிப்போ, தொல்லையோ கொடுக்காத பாதுகாப்பான கருவி இது.
* கருத்தடை அறுவை மருத்துவம்: (Sterilization surgery) கருத்தடை அறுவை மருத்துவம் ஓர் எளிமையான மருத்துவம். ஆண், பெண் இரு பாலரும் செய்து கொள்ளக் கூடிய அறுவை மருத்துவம் இது. ஆண்களுக்கு விந்துக் குழாயைக் கட்டி, வெட்டி விடும் அறுவை மருத்துவம் இது. ஆபத்தில்லாத, பத்து நிமிடங்களில் முடிந்து விடும் மருத்துவம் (Vasectomy).
இந்த அறுவை மருத்துவம் இன்று சிறு கீறல் கூட போடாமல் (No Scalpel Surgery) செய்யப்படும் அறுவை மருத்துவம். நிறைய ஆண்கள் இம்மருத்துவம் செய்து கொண்டால் “ஆண்மைக் குறைவு” ஏற்பட்டு, உடலுறவில் கோளாறு ஏற்பட்டு விடுமோ என்று அச்ச உணர்வு கொள்கின்றனர், குழந்தைப் பேறு உண்டாவதைத்தான் இந்த மருத்துவம் தடுக்குமே ஒழிய, உடலுறவில் எந்தச் சிக்கலும் ஏற்படாது. பெண்களுக்குச் செய்வதைவிட, ஆண்களுக்கு மிகவும் எளிமையான அறுவை மருத்துவம் இது.

* பெண்களுக்கும் இதேபோல் கருக்குழாயைக் கட்டி, வெட்டி செய்யப்படும் அறுவை மருத்துவம் (Tubectomy) இது. குழந்தை பிறந்த உடன் ‘கருப்பை முழுமையாகச் சுருங்கி, இயல்புநிலையை அடையும் முன் எளிதாக இம்மருத்துவம் (PS-Past Partum Sterilization) செய்து கொள்ளளாம். மற்ற காலகட்டங்களில் கூட இந்த அறுவை மருத்துவம் செய்து கொள்ளலாம். ஓரிரு நாள் மருத்துவமனையில் இருந்தால் போதும். இப்பொழுது நவீன முறையில் வயிற்று உள் நோக்கி (Laproscopy) முறையில் இந்த அறுவை மருத்துவம் செய்யப்படுகிறது. முழுமையான குடும்பக் கட்டுப்பாடு முறையாக இருந்தாலும் மீண்டும் குழந்தை வேண்டுமென்றால் மீண்டும் அறுவை மருத்துவம் (Re-Canalisation) மூலம், துண்டாக்கப்பட்ட கருக்குழாய்களை இணைப்பதன் மூலம், குழந்தைப் பேற்றை மீண்டும் பெறமுடியும்.

குடும்ப நலம் (Family Welfare)-1

மருத்துவம் : 

2022 நவம்பர் 16-30 2022 மருத்துவம்

November 17, 2022உண்மை இதழ்

– மரு.இரா. கவுதமன்

‘‘கு டும்ப நலம்’’ என்பது குடும்பத்தின் முக்கிய பங்கு வகிக்கும் ‘‘பெண்களின் நலமே’’ என்பதில் இரு வேறு வேறு கருத்துகள் இல்லை.
குடும்பத்தில் உள்ள அனைவரும் நல்ல உடல்
நலத்துடன் இருப்பது மட்டுமன்றி, நல்ல மனவளத்
துடன் இருக்கவேண்டும். எப்படி ஒரு குடும்பத்தில் ஒரு பெண் படித்திருந்தால் அந்தக் குடும்பமே படித்ததுபோல் ஆகுமோ, அதேபோல் ஒரு குடும்பத்தில் ஒரு பெண் நல்ல உடல் நலத்தோடு இருப்பா
ரெனில் அக்குடும்பத்தில் உள்ள அனைவரையும் நல்ல உடல் நலத்தோடு பாதுகாக்கும் பொறுப்பை அவர் சிறப்பாகச் செய்வார். பெண்கள் நல்ல உடல் நலத்தோடு இருக்க ‘மகப்பேறு கட்டுப்பாடு, என்பது ஒரு முக்கியமான காரணமாகும்.

தமிழ்நாட்டில் மகப்பேறு கட்டுப்பாடு என்ற திட்டம் இந்தியாவிலேயே மிகச்சிறப்பாக நடைபெற்று வரும் ஒரு திட்டமாகும். தமிழ்நாடு அரசு பல ஆண்டுகளுக்கு முன்பு வெளியிட்ட ஒரு பதிப்பில் ‘நம் தமிழ்நாட்டில் இந்தத் திட்டம் வெற்றிகரமாகச் செயல்பட தந்தை பெரியார் அவர்
களின் இடைவிடாத பரப்புரையும், திராவிட இயக்க அரசுகளுமே அடிப்படைக் காரணம்’ என்று குறிப்பிட்டுள்ளது. – தந்தை பெரியார் என்ற இந்த நூற்றாண்டின் தலை சிறந்த சிந்தனைவாதிதான் பெண்களைப் பற்றி அதிகம் சிந்தித்த ஒரு தலைவர் என்றால் மிகையாகாது.
தன் வாழ்நாள் முழுவதும் அடிமைப்பட்டுக் கிடந்த, அழுத்தப்பட்டுக் கிடந்த மக்களின் எழுச்சிக்கு உழைத்து அவர்களை “மானமும், அறிவும்” உடையவர்களாக மாற்றுவதே என் முதல் பணி” என்று போராடினாரோ, அதற்கும் சற்றும் சளைக்காமல்” “பெண்ணுரிமைக்கும்” தந்தை பெரியார் போராடினார். தந்தை பெரியாரின் ஒரு கண் “சமூக நீதியென்றால் மறுகண், பாலியல் நீதி என்றே கூறலாம் “ஆணுக்கு என்னென்ன உரிமைகள் உள்ளனவோ, அவை அனைத்தும் பெண்களுக்கும் வேண்டும்” என்று எந்தப் பெண்ணும் கேட்காத காலத்திலேயே அவர்களுக்காக வாதாடியவர் தந்தை பெரியார். வீட்டிற்குள்ளே பெண்களைப் பூட்டி வைக்கும் காலத்தின் கோலத்தை மாற்றி, பெண்களைப் பொது வாழ்க்கையில் ஈடுபட வைத்தவர் தந்தை பெரியார்.

பெண்ணுரிமையை நிலைநாட்டிட தந்தை பெரியார் எந்த எல்லைக்கும் செல்லவும் ஆயத்த
மாகியிருந்தார். “குடும்ப நலம்” என்று வரும்
பொழுது கருத்தடையை ஆதரித்து பலவாறும் அய்யா அவர்கள் எழுதியும் பேசியும் வந்திருக்
கிறார். கருத்தடையைப் பற்றி அய்யா பேசிய காலக்கட்டங்களில் பெண்கள் ஆறு முதல் பத்துக் குழந்தைகளைப் பெற்றுக் கொண்டிருந்தனர். பெண்கள் வீட்டை நிர்வகிப்பதும், உணவு சமைப்பதும், குழந்தைகளைப் பெற்றுக் கொள்வதும், அவற்றை வளர்ப்பதையுமே கடமையாகக் கொண்டிருந்தனர்.

தந்தை பெரியார் அவர்கள்தான் முதன்முதலாக பெண்கள் பிள்ளை பெறும் இயந்திரங்களா?” என்று கேட்ட பெருந்தகை. கருத்தடையைப் பற்றி பெரியார் அய்யா குறிப்பிடும் பொழுது அதை ஆதரித்த மற்றவர்கள்
கருத்துகளுக்கு மாறான கருத்தையே குறிப்-பிடுகிறார். பெண்கள் உடல் நிலையைப் பற்றியும்,
நாட்டின் பொருளாதார மேம்பாட்டுக்காக கருத்தடை தேவை என அவர்கள் குறிப்பிடும் பொழுது அய்யாவோ, பெண்கள் குழந்தைகள் தொல்லையிலிருந்து விடுதலை பெறவும், சுயேச்சையான வாழ்க்கை அமைத்துக் கொள்ள
வும் கருத்தடை அவசியம் எனக் கூறினார்.

பெண்கள் வியாதியஸ்தர்கள் ஆவதற்கும், சீக்கிரம் கிழப் பருவம் அடைவதற்கும், ஆயுள் குறைவதற்கும் அகால மரணமடைவதற்கும் இந்த கர்ப்பமே காரணமாகிறது. இந்த கர்ப்பத்
தடைக்கு நமது நாட்டில் ஒரு ஸ்தாபனம் எற்படுத்தி அதன்மூலம் துண்டுப் பிரசுரங்
களும், பத்திரிகைகளும், புத்தகங்களும் வெளியிடுவதுடன் கர்ப்பத்தடை சம்பந்தமாக ஆங்கிலத்
திலும், பிற பாஷைகளிலும் அரிய நூல்களை
தமிழில் மொழிபெயர்த்து வெளியிடுவதுடன் கருப்பத்தடையால் நம் பெண்களும், நாடும்
நலத்துடனும், சுதந்திரத்தையும் பெறுவதற்கான நாடகம், சினிமா முதலியவைகள் மூலம் பிரச்சாரம் செய்யப் பொது ஜனங்களில் சிலராவது
இது சமயம் முன் வரவேண்டும் என்று கேட்டுக் கொள்கிறோம்’’ என்றார்.

அய்யா அவர்கள் கூறியபடியே ஒரு ஸ்தாபனம்
ஏற்படுத்த வேண்டும்” என்பதற்கொப்ப, ‘குடும்ப நலத்துறை” என்ற ஒரு துறையும் “மக்கள் நல்வாழ்வுத்துறை என்று ஒரு அமைச்சரின் கீழ் இயங்கி சிறப்பாகச் செயல்படுகிறது. அவர்
கூறியபடியே துண்டுப் பிரசுரங்கள், பத்திரிகை
கள் புத்தகங்கள் குடும்பக் கட்டுப்பாட்டை வலியுறுத்தி, மக்கள் நல்வாழ்வுத் துறையால் வெளியிடப்படுகின்றன. கலைத்துறை மூலமும் வெகு
மக்களிடம் இப்பரப்புரைகள் வெற்றிகரமாகச் செய்யப்படுகின்றன. தமிழ் மக்களிடம் சுவரெழுத்துப் பரப்புரைகள் நல்ல வரவேற்பைப் பெறுவதை முன்னிறுத்தி வெற்றிகரமாகச் செய்யப்பட்டன நாம் இருவர், நமக்கு இருவர்” என்ற மிகவும்.

கவனத்தைக் கவர்ந்த சுவரெழுத்துகள் மக்களிடம் வரவேற்பைப் பெற்றன. இரண்டு குழந்தைகள் என்ற நிலைமாறி,இன்று நடக்கும், “திராவிட மாடல்” ஆட்சியில்ஒரு குடும்பம் ஒரு குழந்தை” என்று பரப்புரை மக்களிடம் பெரும் மாற்றத்தை ஏற்படுத்தியுள்ளது. மக்களுக்கு குடும்ப நலத்தை அறிவுறுத்திய அதே நேரத்தில், அரசு மருத்துவமனைகள் மூலம் விலையில்லா கருத்தடைக் கருவிகள் அனைவரும் எளிதாகப் பெறும் வகையில் வாய்ப்புகள் உருவாக்கப்பட்டன குடும்பக் கட்டுப்பாடு மருத்துவம் எந்தவிதக் கட்டணமுமின்றி ஆண்_பெண்
இருபாலருக்கும் செய்யப்பட்டன. மிகவும் எளிமையான இந்த சிறிய அறுவை மருத்துவம் கும்ப நலத்தில் செயற்கரிய சாதனைகளை நிகழ்த்தியது. இம்மருத்துவம் செய்து கொண்டவர்-களுக்கு
பணச் சலுகை உட்பட பல சலுகைகள் செய்யப்படுகின்றன.

இரண்டே இரண்டு பெண் குழந்தைகள்
உள்ளவர்களுக்கு அக்குழந்தைகள் மேல் வைப்புநிதி அரசால் போடப்படுகிறது. மானமிகு சுயமரியாதைக்காரர், மாண்புமிகு கலைஞர் முதல்வராகவும், இனமானப் பேராசிரியர் மானமிகு அன்பழகன் மக்கள் நல்வாழ்வுத் துறை அமைச்சராகவும் இருந்த
பொழுது “கருக்கலைப்பு மருத்துவம்’’ (Abortion) சட்ட பூர்வமாக அங்கீகரிக்கப்பட்டு பெரும் புரட்சி
சட்டமும் செயல்பாட்டிற்கு வந்தது. அனைத்து முயற்சிகளால் கருத்தடைத் திட்டம் வெற்றி பெற்றது. காரணம் தந்தை பெரியார்! காரியம் திராவிடர் ஆட்சி!

ஆண்களுக்கான ஆய்வுகள் -அதி நவீன மருத்துவங்கள் (111)

மருத்துவம் விதி நம்பிக்கையை விலக்கிய அதி நவீன மருத்துவங்கள் (111)

2022 நவம்பர் 1-15 2022 மருத்துவம்

உண்மை இதழ்

ஆண்களுக்கான ஆய்வுகள்
மரு. இரா.கவுதமன்

வாழ்வியல் முறைகளில் மாற்றம் (Lifestyle changes)

* சில மருந்துகள் ஆண் கரு வளர்ச்சியைப் பாதிப்பதால், மருத்துவ அறிவுரைப்படி அவற்றைத் தவிர்க்க வேண்டும்.
* கரு வளர்ச்சியைத் தடுக்கும் சில உணவு வகைகளைத் தவிர்த்தல் நல்ல பலனைக் கொடுக்கும்.
* அடிக்கடி உடலுறவு வைத்துக்-கொள்ளல்.
* கருமுட்டை வெளியேறும் (Ovulation) நாளைக் கணக்கிட்டு அன்று உடலுறவு கொள்ளுதல்.
* தினமும் உடற்பயிற்சிகளை மேற்கொள்ளுதல்
* இறுக்கமான உள்ளாடைகளைத் தவிர்த்தல்
* சத்தான உணவுகளை உண்ணுதல்
* மனநலத்தைப் பேணுதல்
* “குழந்தை பிறக்காது என்று நினைக்கும் மனத்தளர்ச்சியை (Depression) அகற்றுதல்
* சரியான மருத்துவ அறிவுரை பெறுதல்

மருந்துகள் (Medicines): மருத்துவர் அறிவுரைப்படி சில மருந்துகள் உட்கொள்ளலாம். இம்மருந்துகள் ஆண் அணுக்களின் எண்ணிக்கையை அதிகப் படுத்துவதோடு, அவற்றின் செயல்பாட்டை அதிகரிக்கவும் உதவும். அதனால் மகப்பேறுக்கான வாய்ப்புப் பெருகும்.

ஆண் அணுக்கள் செயல்பாட்டை மீட்டெடுப்பு (Sperm Retrival)
விந்து குறைபாடோ, ஆண் அணுக்கள் வெளியேற்றத்தில் தடையோ, எண்ணிக்கைக் குறைபாடோ, இயக்கக் குறைபாடோ இருப்பின் மருத்துவ உதவியுடன் ஆய்வு செய்து குறைபாட்டைக் களைய வேண்டும்.

அறுவை மருத்துவம் (Surgery): விரையில் சிரை வீக்கம் (க்ஷிமீக்ஷீவீநீஷீநீமீறீமீ) குழந்தையின்மைக்குக் ஒரு காரணமாக அமையும். அறுவை மருத்துவம் செய்வதன்மூலம் இந்தக் குறைபாட்டைச் சீராக்கலாம். மகப்பேறின்மைக்கு இது காரணமென்றால், குழந்தைப்பேறுக்கு வாய்ப்பு ஏற்படும்.

பெண்களுக்கான மருத்துவ முறைகள்:
குழந்தையின்மைக் குறைபாட்டால் பாதிக்கப்-பட்ட பெரும்பாலான பெண்கள் ஒன்று அல்லது இரண்டு மருத்துவ முறைகளால் மகப்பேறு அடையும் வாய்ப்பு ஏற்படும். வேறு சிலருக்கோ, ஒன்றுக்கும் மேற்பட்ட மருத்துவ முறைகளால் இக்குறைபாட்டை நீக்க முடியும்.

மருந்துகள் மூலம் கருமுட்டை வெளிப்-பாட்டைச் சீராக்குதல்(Stimulating Ovulation with fertility drugs):

கருவுறுதலை ஊக்குவிக்கும் மருந்துகள், கருமுட்டை வெளிப்பாட்டைச் சீராக்கிக் குழந்தையின்மைத் தன்மையைப் போக்க வல்லவை. கருமுட்டை வெளிப்பாட்டில் ஏதேனும் சிக்கல் இருப்பின் இம்மருந்துகள் அதை ஒழுங்குப்படுத்தும் தன்மையுடையவை.

கருவூட்டல் (Intra uterine insemination-IUI): கணவரின் விந்தணுக்கள் முழுத்திறனோடு இருக்கும் பொழுது, குழந்தையின்மை இருந்தால் அந்த விந்தணுக்களை கருப்பையில் செலுத்தி, மருத்துவர்கள் கருத்தரிக்கும் வாய்ப்பை ஏற்படுத்துவர்.

அறுவை மருத்துவம்: (Surgery to restore fertility):உடலியல் அளவில் கருப்பையிலோ, கருக்குழாயிலோ ஏற்படும் குறைகளைச் சரியாக்க அறுவை மருத்துவம் செய்ய வேண்டி இருக்கும். கருச்சுவரில் உண்டாகும் சிறுகட்டிகள் (Endometrial Polyps), கருப்பைக் கட்டிகள் (Fibroids), கருப்பைக் காய வடுக்¢கள் (Intra uterine scar tissue) கருக்குழாய் அடைப்புகள் போன்றவற்றை அறுவை மருத்துவம் மூலம் சரியாக்கி விடுவதன் மூலம், கருவுறுதல் நிகழ வாய்ப்பு ஏற்படும். மாறிவரும் மருத்துவ அறிவியல் வளர்ச்சியில் “வயிற்றை உள்நோக்கி அறுவை மருத்துவம் (Laproscopic Surgery) மூலம் பெரும்பாலான இக்குறைபாட்டைச் சீராக்கலாம்.

செயற்கை முறை கருத்தரித்தல்: (Assisted Reproductive Technology)

கருக்குழாய்க்குள்ளோ, கருப்பையிலோ ஒன்றிணைய முடியாத பெண் கரு முட்டையையும், ஆண் கருவையும் வெளியே இணைத்துக் கருவை உருவாக்கும் முறையையே செயற்கை முறை கருத்தரித்தல் (ART) என்று அழைக்கிறோம். “சோதனைக் குழாய்க் குழந்தை’’ (Test Tube Baby) என்று பேச்சு வாக்கில் வழங்கப்படும் இம்முறையில் “வெளிச்சோதனை முறை கருக்கட்டல்’’ என்று மருத்துவர்களால் அழைக்கப்படுகிறது. செயற்கை முறையில் கருமுட்டையுடன் விந்தை இணைத்து, கருவை உருவாக்கி, பெண்ணின் கருப்பையில் வைப்பார்கள். அக்கரு, முளையாகி, பல செல்களாக வளர்ந்து, குழந்தையாக உருவாகும். நவீன மருத்துவத்தில் பல இடங்களில் இம்மருத்துவ முறை இப்பொழுது கையாளப்படுகிறது. தீர்த்தாடனம் செய்தும், அரச மரத்தைச் சுற்றியும் ஆத்தா கோவில்களில் தொட்டில் கட்டியும், காசி, இராமேஸ்வரம் என்றெல்லாம் “சேத்ராடனம்’’ செய்தும், கண் திறக்காத கடவுளுக்கு சவால்விடும் வகையில் “சோதனைக் குழாய் குழந்தை’’ மூலம் பல ஆயிரக்கணக்கான இணையர்களுக்கு மகப்பேறு உருவாகும் வாய்ப்பை மருத்துவம் உருவாக்கிக் கொடுத்துள்ளது.
“பிள்ளைப் பேற்றுக்கு ஆண், பெண் சேர்க்கை என்பது கூட நீக்கப்படலாம்’’ என்றும்,
“எதிர்காலத்தில் குடுவைக்குள் குழந்தையை உருவாக்கும் நிலை வரலாம்’’ என்றும் நமது அறிவு ஆசான் தந்தை பெரியார் ஒரு 70, 80 ஆண்டுகளுக்கு முன்பே “இனி வரும் உலகம்’’ என்னும் நூலில் குறிப்பிட்டுள்ளதை எண்ணிப் பாருங்கள்.

செயற்கை முறை கருத்தரித்தல் – சிக்கல்கள்(Complications of Assisted Reproductive Technology):

*ஒன்றுக்கு மேற்பட்ட குழந்தை பிறப்பு: பல நேரங்களில் செயற்கை முறை கருத்தரித்தலில் ஒன்றுக்கு மேற்பட்ட குழந்தைகள் பிறக்கும் வாய்ப்பு ஏற்பட்டுவிடும். இரண்டு, அல்லது மூன்று குழந்தைகள் கூட பிறக்கின்ற நிலை ஏற்படலாம்.
இரத்தப் போக்கு, நோய்த் தொற்று (ஙிறீமீமீபீவீஸீரீ ஷீக்ஷீ மிஸீயீமீநீtவீஷீஸீ): இந்த முறையிலான கருத்தரித்தல் வெளியே நிகழ்வதால் கருவை, கருப்பையில் பொருத்தும் பொழுது, சிலருக்கு இரத்தப் போக்கும், சிலருக்கு நோய்த் தொற்றும் ஏற்படக்கூடும். ஆனால், மருத்துவத்தால் இவற்றைச் சரியாக்கலாம்.
* மனநலம் ஒரு முக்கியமான செயல்-பாடு. பல ஆண்டுகளாக குழந்தை இல்லாமல் இருந்து, இப்பொழுது குழந்தை பிறக்குமா என்ற கேள்விக் குறியோடு, மனதில் ஏற்படும் குழப்பத்தையும் அதன்பின் விளைவாக ஏற்படும் மனத்தளர்ச்சியையும் தவிர்க்க வேண்டும். பெண்கள் அவர்களின் இணையர்களோடு, உறவினர்களோடு, நண்பர்-களோடு பேசுவது, கலந்துறவாடுவது நல்ல மனநிலையை உண்டாக்கும்.
* மருத்துவர் அறிவுரைப்படி எளிதான உடற்பயிற்சிகள், நல்ல சத்தான உணவு போன்றவை நல்ல முறையில் மகப்பேற்றை உண்டாக்கும்.