சர்க்கரை நோய் ஏற்படுவது எப்படி?

*சர்க்கரை நோய் ஏற்படுவது எப்படி?  நீங்கள் சாப்பிடும் மருந்து எப்படி வேலை செய்கிறது? என்ன மருந்து சாப்பிடலாம்?*

சர்க்கரை நோய் ஏற்படுவது எப்படி?

நீங்கள் சாப்பிடும் மருந்து எப்படி வேலை செய்கிறது?

என்ன மருந்து சாப்பிடலாம்?

நாம் உணவு சாப்பிட்டவுடன்  நம் உணவில் உள்ள  குளுக்கோஸ் குடலால் உறிஞ்சப்பட்டு இரத்தத்தில் கலக்கிறது.

ஆனால் அந்த குளுக்கோஸை நம் உடலில் உள்ள செல்களால் நேரடியாக ஏற்க முடியாது.

செல்கள் குளுக்கோசை ஏற்றுக் கொள்ள இன்சுலின் தேவை. இன்சுலினை கணையம்தான் உற்பத்தி செய்யனும்.

இன்சுலின் இரண்டு வேலை செய்கிறது

1) உடலில் உள்ள செல்கள் இரத்தத்தில் உள்ள குளுக்கோசை ஏற்று அதை சக்தியாக மாற்ற உதவுகிறது

2) இரத்தத்தில் அதிகப்படியாக உள்ள குளுக்கோஸை கல்லீரல் சேமிக்க உதவுகிறது.

கல்லீரல்தான் குளுக்கோஸை
glycogen என்ற பொருளாக மாற்றி கல்லீரலிலேயே சேமிக்கிறது.

கணையம் போதுமான இன்சுலீனை சுரக்காவிடில் இரத்தில் உள்ள குளுக்கோஸ் சிறுநீராக வெளியேறி விடும்.
இதுதான் Type 2 சர்க்கரை நோய்.

கணையம் இன்சுலீனை கொஞ்சமும் சுரக்காவிடில் அது Type 1 சர்க்கரை நோய். அதற்கு Insulin Injection மட்டுமே தீர்வு

(Insulin helps control blood glucose levels by signaling the liver and muscle and fat cells to take in glucose from the blood. Insulin therefore helps cells to take in glucose to be used for energy.
If the body has sufficient energy, insulin signals the liver to take up glucose and store it as glycogen.
The liver can store up to around 5% of its mass as glycogen.)

இரத்தத்தில் குளுக்கோஸ் அளவு மிகவும் அதிகமானால் அதை
hyperglycemia என்பர்.
மிகவும் குறைந்தால் என்பர் hypoglycemia.

கணையம் இன்சுலினை சுரக்க வைக்க என்ன மருந்து.?

glibenclamide (Daonil)  என்ற மருந்துதான் அதிகமாக பயன்படுகிறது. இது கணையத்தை தூண்டி இன்சுலினை சுரக்க வைக்கிறது.

(Daonil lowers high blood glucose by increasing the amount of insulin released by your pancreas)

சர்க்கரை நோய் உண்டாக இரண்டாவது முக்கிய காரணம் என்ன?

ஒரு ஆரோக்கியமான மனிதன் உணவு உண்ணாத போது அவனுடைய கல்லீரல் தான் சேமித்து வைத்துள்ள கிளைக்கோஜனை குளுக்கோஸ் ஆக மாற்றி  இரத்தத்தில் கலந்துக் கொண்டே இருக்கும். ஏனென்றால் நம் உடல் செல்களுக்கு தேவையான Energy ஐ குளுகோஸ்தான் தருகிறது.

அதே மனிதன் உணவு சாப்பிட்டவுடன் அந்த மனிதன் சாப்பிடும் உணவில் இருந்து குளுக்கோஸ் இரத்தத்தில் கலக்கிறது. உடனே அவனுடைய கணையம்(known as beta cells)
இன்சுலினை சுரக்க ஆரம்பிக்கிறது

கணையத்தில் உள்ள  CBP என்ற புரோட்டின் கல்லீரலிடம் குளுக்கோசை இரத்தத்தில் கலக்கும் வேலையை நிறுத்தச் சொல்கிறது.

உடன் கல்லீரல் குளுக்கோசை இரத்தத்தில் கலப்பதை நிறுத்துகிறது.

ஆனால் சிலருக்கு இந்த CBP புரோட்டின் குறைவால் கணையத்தில் இருந்து கல்லீரலுக்கு செய்தி போவதில்லை.
அதனால் கல்லீரல் தொடர்ந்து குளுக்கோஸை இரத்தத்தில் கலந்துக் கொண்டே இருக்கும்.
the liver fails to sense insulin and continues to make glucose.

இதனால் இரத்தத்தில் அதிகமான குளுக்கோஸ் சேர்ந்து Type 2 சர்க்கரை நோய் உண்டாகிறது.

இதைத்தான் insulin resistance என்கிறோம்.

(In healthy people, the liver produces glucose during fasting to maintain normal levels of cell energy production. After people eat, the pancreas releases insulin, the hormone responsible for glucose absorption. Once insulin is released, the liver should turn down or turn off its glucose production, but in people with Type 2 diabetes, the liver fails to sense insulin and continues to make glucose. The condition, known as insulin resistance, is caused by a glitch in the communication between liver and pancreas)

இந்த" insulin resistance" என்ன மருந்து சாப்பிலாம்?

Metformin (metformin hydrochloride)
என்ற மருந்தே 1950 முதல்
சர்க்கரை வியாதியினர் உபயோப்படுத்தி வருகிறார்கள்.

இந்த மருந்துதான் கணையம் சொல்லும் செய்தியை கல்லீரலுக்கு சொல்லி கல்லீரல் இரத்தத்தில்  வெளியிடும் குளுக்கோசை நிறுத்த வைக்கிறது

அதாவது கணையத்தில் உள்ள CBP
புரோட்டின் செய்ய வேண்டிய வேலையை இந்த மருந்து செய்கிறது

தற்போது அதிநவீன மருந்துகள் வந்து விட்டது. எனினும் மிகவும் எச்சரிக்கையாக அதை வாங்கி சாப்பிடுங்கள். பல மருந்துகள் மிகவும் ஆபத்தானவையே.

*-By Antony Parimalam*

நமது குடலுக்குள் எண்ணற்ற கிருமிகள்

நமது குடலுக்குள் எண்ணற்ற நுண்கிருமிகள் வாழ்க்கை நடத்திக்கொண்டிருக்கின்றன. அவற்றால் எண்ணற்ற வினைகளும் வேலை களும் தொடர்ந்து நடந்துகொண்டே இருக் கின்றன. பிறக்கும் குழந்தைகளுக்கு ஆரம்பத்தில் இது போன்ற கிருமிகள் குடலுக்குள் இருப்பதில்லை. ஆனால், தாய்ப்பால் கொடுக்க ஆரம்பித்தவுடன், கொஞ்சம் கொஞ்சமாக இந்தக் கிருமிகள் அவர்களது குடலைச் சென்ற டைகின்றன. பாக்டீரியா வகைகள், ஈஸ்ட், பூஞ்சை வகைகள், வைரஸ் கிருமிகள், ஒட்டுண் ணிகள் என அனைத்தும் அடங்கியவைதாம் குடலுக்குள் வாழும் நுண்கிருமிகள்.

தெளிவைத் தேடி!

குடலில் வாழும் பல்வேறு நுண்கிருமிகளைக் குறித்து அறிய ரத்தப்பரிசோதனைகள் கூட வர இருக்கின்றன. அதில், இந்தக் கிருமிகளின் மூலக் கூறுகள் கண்டறியப்படும். இந்த நுண்கிருமிகள் உடலில் ஆற்றும் பணிகள், வினைகள் இதனால் ஏற்படும் மாற்றங்கள் மிகவும் சிக்கலானவை. இதனால்தான் இவற் றின் பங்கு குறித்துத் தொடர்ந்து ஆராய்ச்சிகள் நடைபெறுகிறது. அது இன்னும் முடிந்த பாடில்லை. வருங்காலம் இவை குறித்து நமக்குத் தெளிவைத் தரும் என்று நம்புவோம்

முக்கிய கிருமிகள்

லாக்டோபேசிலஸ், பைஃபைடோ பாக்டீ ரியம் ஆகிய நுண்கிருமிகள்தான் இதுவரை அதிகம் ஆராயப்பட்டுள்ளன.

லாக்டோபேசிலஸ் கிருமி தரும் நன்மைகள்:

* லாக்டோபேசிலஸ், இரைப்பை, முன் சிறுகுடலில் புண்களை ஏற்படுத்தும் கிருமி களின் வளர்ச்சியைக் கட்டுப்படுத்துகிறது.

* ஆன்டிபயாட்டிக்' எனப்படும் நுண் ணுயிர்க்கொல்லி மருந்துகளால் ஏற்படும் வயிற்றுப் போக்கைத் தடுக்கிறது.

* கல்லீரலில் சேரும் கொழுப்பு, நீரிழிவு நோய், எய்ட்ஸ், சிறுநீர் செல்லும் பாதைகளில் ஏற்படும் அழற்சி ஆகிய பாதிப்புகளையும் குறைக்க உதவுகிறது.

பைஃபைடோ பாக்டீரியம் கிருமி தரும் நன்மைகள்:

* பெருங்குடல் புற்றுநோய், குடல் அழற்சி நோய், உடல் பருமன், குடல் எரிச்சல் நோய் ஆகிய பாதிப்புகளைத் தவிர்க்க உதவுபவையாக இந்தக் கிருமிகள் இருக்கின்றன.

* மேலும் இந்த இரண்டு கிருமிகளும் குழந்தைகளுக்கு வயிற்றுப் போக்கை ஏற்படுத்தும் ரோட்டா வைரசுக்கு எதிராகச் செயல்படுகின்றன.

செழிக்கும் நுண்கிருமிகள்

நுண்கிருமிகள், நமது குடலில் சுமார் 1.5 கிலோ அளவுக்கு இருக்கும்.

மனித உடலிலுள்ள மொத்த செல்களின் எண்ணிக்கையைவிட இந்தக் கிருமிகளின் எண்ணிக்கை 10 மடங்கு அதிகம்.

மனித உடலிலுள்ள மரபணுக்களின் எண்ணிக்கையைவிட இந்த நுண்கிருமிகளின் மரபணுக்களுடைய எண்ணிக்கை நூறு மடங்கு அதிகம்.

பாக்டீரியா என எடுத்துக்கொண்டால், சுமார் 300 முதல் 10,000 வகையான கிருமிகள் தாங்கள் வாழும் குடியிருப்புகளாக நமது குடலை ஆக்கிவிட்டன.

30-40 வகையான இனங்களைச் சேர்ந்த நுண்கிருமிகளே குடலின் பெரும் பகுதியை ஆக்கிரமித்துக் கொண்டிருக்கின்றன.

குடலுக்குள் இப்படி வாழ்ந்து வரும் நுண் கிருமிகளின் வகைகள், அவற்றின் எண்ணிக்கை என்பதெல்லாம் உலகத்திலுள்ள அனை வருக்கும் ஒரே மாதிரி இருப்பதில்லை. இது, அவர்களின் வயது, பாலினம், மனித இனம், வாழும் சூழ்நிலை, உணவுப் பழக்கவழக்கங்கள், மரபியல் தன்மை ஆகிய பல காரணங்களால் மாறுபடும்; வேறுபடும்.

நன்மைகள்:

எப்படிச் சில தாவரங்களின் வேர்களில் வாழும் நுண்கிருமிகள் அந்தத் தாவரத்தை வைத்து வாழ்ந்துகொண்டு அதேநேரம், தாவரங்களின் வளர்ச்சிக்குத் தேவையானவற்றை உற்பத்தி செய்து தரு கின்றன. அதேபோல உடலுக்குத் தேவையான சில வகைச் சத்துக்கள் கிடைப்பதற்கும், உணவு ஜீரணமாவதற்கும் இந்த நுண்கிருமிகள் உதவுகின்றன. நமது உடல் எதிர்ப்பாற்றல் செயல்பாட்டுக்கும் இவை பங்களிக்கின்றன. ஜலதோஷம், கல்லீரல் நோய்கள், குடல் அழற்சி நோய்கள், பற்சிதைவு, ஒவ்வாமை நோய்கள், தோல் நோய்கள் போன்றவற்றுக்கு இவை பயன் தரும் எனக் கண்டறியப்பட்டுள்ளது.

 

 

* கால்சியம் மற்றும் மெக்னீசியம் சத்துக்கள் அதிகம் உள்ளதால் நாவல் பழம் எலும்புகளின் வலிமையை அதி கரிக்கும்.

* தினமும் பப்பாளி விதைகளை சாப் பிட்டால் வயிற்றுப் பூச்சிகள் மற்றும் புழுக்கள் அழியும்.

- விடுதலை நாளேடு, 9. 9.19

இதயம் சார்ந்த நோய்களை தவிர்க்க....

இந்த நவீனத் தொழில்நுட்பக் காலத் திலும் உலக அளவில் மனித உயிரிழப்புக்கு முதன்மைக் காரணமாக இருப்பது இதயம் சார்ந்த நோய்களே. நாம் மனது வைத்தால் இதைத் தவிர்க்க முடியும். குறிப்பாக, முதுமையில் .

தினமும் மாரடைப்புடன் மருத்துவ மனையின் அவசர சிகிச்சை பிரிவுக்கு வரும் பல நோயாளிகளைப் பார்க்கிறேன். தனக்கு இதயம் சார்ந்த பிரச்சினைகள் இருப்பது தெரிந்தும், அதை அலட் சியப்படுத்தியவர்களாகவும் அல்லது தனக்கு இதய நோய் வராது என்கிற அலட்சிய வாழ்க்கை முறையைக் கடைப் பிடிப்பவர்களாகவும்தான் இருக்கி றார்கள்.

எனவே, இதயத்தைப் புரிந்துக் கொள்வதன் மூலம் பல நோய்களுக்கு வாசல் கதவை திறக்காமல் இருக்க முடியும்.

வயது ஏற ஏற இதயத்துக்குச் செல்லும் ரத்தக் குழல்களில் விரைப்பும் தடிப்பும் அடைப்பும் அதிகரிக்கும் சாத்தியம் அதிகம்.

அது மட்டுமல்ல; இதயத் தசைகளிலும் பல்வேறு தேய்மானங்கள் தொடர்ந்து நடந்துக்கொண்டே இருக்கும். இதை புரிந்துக்கொண்டால் எந்தெந்த பிரச் சினைகள் இதயம் என்கிற இன்ஜினைப் பழுதாக்கும், எப்படி பழுது படாமல் இதயத்தை பக்குவமாக காக்க முடியும் என்பதை அறிந்துக்கொள்ளலாம்.

என்ன நடக்கிறது

நம் இதயம் சராசரியாக ஒரு நிமி டத்துக்கு அய்ந்து லிட்டர் உச்சந் தலை முதல் உள்ளங்கால்வரை ரத்தத்தை பாய்ச்சு கிறது.

தாயின் கருவறையில் நான்காம் மாதம் தொடங்கி உயிர் இருக்கும்வரை ஓய் வறியா சூரியனாக உழைக்கும் இந்த இதயத் தசைகள் உரம் பெற, ரத்தம் தேவை.

இதயத் தசைகளுக்கு ரத்தம் அனுப்பும் ரத்த குழல்களின் பெயர் கரோனரி(Coronary) ரத்தக் குழல்கள்.

இந்த ரத்தக் குழல்களில் கொழுப்போ வேறு பல காரணங்களாலோ அடைப்பு ஏற்பட் டால் எந்தப் பகுதியில் அடைப்பு ஏற்படுகிறது.

அந்தப் பகுதியில் உள்ள இதயத் தசைகளுக்கு ஆக்சிஜன், மற்ற சத்துக்கள் செல்லாமல் அப்பகுதித் தசைகள் பழுதடையத் தொடங்கி, இதய செயல் பாடு குன்றத் தொடங்கும் அல்லது நின்று விடும். அதனால்தான் மார டைப்பில் தாமதிக்கும் ஒவ்வொரு விநாடியும் பேரிழப்பு என்கிறது மருத்துவ உலகம்.

மாரடைப்பு வருவதற்கான

சாத்தியக்கூறு உள்ளவர்கள்:

# 40 வயதுக்கு மேல் உள்ளவர்கள்,

# மாதவிலக்கு சுழற்சி நின்ற பெண்கள்

# ரத்தத்தில் மிகைக் கொழுப்பு உள்ளவர்கள்

# இருக்க வேண்டிய அளவைத் தாண்டிய உடல் பருமன்

# குடும்பத்தில் ஏற்கெனவே எவ ருக்காவது இதயம் சார்ந்த நோய்கள் இருந்தால்

# மதுவையும் புகையையும் இரு கண்களாகக் கருதுபவர்கள்

# நீரிழிவு, அதிக ரத்த அழுத்தம் இருப்பது தெரிந்தும், அதை கட்டுப் படுத்தத் தவறி வாழ்பவர்கள்

# உடல் உழைப்பையும் உடற்பயிற்சியையும் அயர்ச்சியாக நினைப் பவர்கள்

# நாவைக் கட்டுப்படுத்தாமல் உண்பவர்கள்

# அடிக்கடி நொறுக்குத் தீனி, துரித உணவு, பேக்கரி உணவு, எண்ணெயில் பொரித்த உணவு, உப்பை அதிகம் உட்கொள்பவர்கள்

# எப்போதும் பரபரப்புடன், மன உளைச்சலுடன் இருப்பவர்கள்

நேரடி அறிகுறிகள்

(Classic Chest pain)

# நெஞ்சு எலும்பின் பின்புறம் (Retrosternal), நெஞ்சின் முன்பகுதியில் பிழிவது(squeezing) போலவோ (அ) இறுக்குவது (Tightness) போலவோ வலி இருக்கும்.

# தொண்டைக்குழி, நெஞ்சு எலும்பின் கீழ்பகுதியின் புறத்தில், அக்குள் பகுதிவரை வலி பரவும். இந்த வலி கத்தியால் கிழிப்பதுபோல (அ) நெஞ்சுப் பகுதியில் இனம் புரியாத கனம்  , அழுத்தம், அடைப்பதுபோல வரலாம்.

# அதிகமாக வியர்த்துக் கொட்டி உடலே சில்லிட்டும் போகலாம், வாந்தி எடுக்கலாம். இப்படி ஏற்படுகிற வலி கழுத்து, தாடை, தோள்பட்டை, முதுகு, கைகளுக்கும் பரவலாம். குறிப்பாக இடது கைகளுக்கு. இந்த அறிகுறிகளை அலட் சியப்படுத்தக் கூடாது

மறைமுக அறிகுறிகள்

(Non classic Chest pain):

# நெஞ்சின் முன்பகுதியில் வலி சில விநாடிகள் தோன்றி மறைவது அல்லது சில மணி நேரம் தொடர்ந்து இருந்தால்

# சிறிய வேலையிலோ கழுத்து அசைவிலோ வலி வந்தால்

# சின்னச் சின்ன வேலையிலும் வலி வருவது, நடந்தால் மூச்சு வாங்குவது அல்லது எந்த வேலையும் செய்யாமல் இருக்கும் போதே மூச்சு வாங்குவது

# குமட்டல், தலை பாரம், பலவீனம், மனக்குழப்பம், தோள்பட்டை, கைகள், தாடைப் பகுதியில் வலி.

# வயிற்றின் மேல் பகுதியில் வலி, வியர்வை அதிகம் இருந்தால் (ஆண் டாசிட் மருந்துகள் குடித்து வலி குறைந் தாலும் 50 வயதுக்கு மேல் உள்ளவர்கள் இ.சி.ஜி. எடுத்து பார்க்கவேண்டும்)

செய்துகொள்ள வேண்டிய

பரிசோதனைகள்

# ரத்த அழுத்தம்

# இ.சி.ஜி

# ரத்தத்தில் கொழுப்பு, நீரிழிவு - சிறுநீரகச் செயல்பாடு

# தேவைப்பட்டால் எக்கோ(Echo), டிரெட்மில்

# மாரடைப்பு வந்துள்ளதா என்பதை அளவிடும் தனியாக ரத்தப் பரிசோ தனைகள்

- விடுதலை நாளேடு, 9.9.19

உணவே மருந்து : பிரசவத்திற்குப் பின் பெண்கள் பின்பற்ற வேண்டியவை!

சுகப்பிரசவமா இருந்தாலும் சிசேரியனாக இருந்தாலும் குழந்தைக்கு தாய்ப்பால் குடுக்கணும். குழந்தை பிறந்து அது மார்பகத்துலேர்ந்து உறிஞ்சி குடிக்கக் குடிக்கத்தான் பால் சுரக்கும். இன்னும் சில பேருக்கு 48 மணி நேரம் ஆகலாம்.

‘சீம்பால்’ எனப்படும் முதலில் சுரக்கும் பால் நோய் எதிர்ப்பாற்றலைக் குழந்தைக்குத் தரும். எனவே, அதைக் கட்டாயம் கொடுக்க வேண்டும்.

குழந்தைக்கு பால் குடுப்பதை கடிகாரத்தைப் பார்த்துச் செய்யாதீங்க. குழந்தை அழும்போது கட்டாயம் குடுங்க. குழந்தை அழுதா தாமதிக்காமல் தாய்ப்பால் குடுக்கலாம். தண்ணீர், பழச்சாறு என்று எதுவும் கொடுக்க வேண்டாம்.

அடிவயிற்று வலி:

இந்த நேரத்தில் கர்ப்பப்பை சுருங்குவதால் தாய்க்கு அடிவயிற்றில் வலி இருக்கும். இது வலின்னு அப்படியே உட்கார்ந்து கொண்டோ, படுத்துக்கொண்டோ இருந்தால் தையல் போட்ட இடத்தில் வீக்கம் ஏற்பட்டு இன்னும் வலி அதிகமாகும். சிசேரியன் செய்திருக்கும் நிலையில் 10 சென்ட்டி மீட்டர் அளவுக்கு தையல் போடுவதால் நிச்சயம் வலி இருக்கும். இதற்கு மாத்திரை கேட்டு வாங்கிச் சாப்பிட வேண்டும்.

முக்கியமாக சிசேரியன் செய்திருந்தால், படுக்கையிலிருந்து ஒரு பக்கமாக திரும்பி எழுந்திருக்க வேண்டும். அப்படி எழும்போது எதிர்ப்பக்கக் கையை ஊன்றி மெல்ல எழுந்தால் வயிற்று அழுத்தம் ஏற்படாமல் இருக்கும். அதனால் யாரையும் பிடிக்கவோ, தூக்கிவிடவோ சொல்லாதீர்கள். கழிவறைக்கும் தைரியமாக எழுந்து, நடந்து போக வேண்டும்.

சாப்பிட உகந்தவை:

பிரசவத்துக்குப் பிறகு சாப்பாட்டைப் பொறுத்தவரை எந்த நிபந்தனையும் இல்லை. சிசேரியனாக இருந்தால் 24 மணி நேரத்துக்குத் திரவ உணவு எடுத்துக் கொள்வது நல்லது. பொதுவாகத் தாயின் உடல்நிலை நன்றாக இருப்பதற்கும், குழந்தைக்குத் தாய்ப்பால் தரவும், பிரசவத்துக்கு முன்பு எப்படி ஆரோக்கியமான சாப்பாடு சாப்பிட்டார்களோ அதே மாதிரி தொடர்ந்து சாப்பிடலாம். அதுக்கு மேல, இன்னும் அதிக புரதச் சத்து இருக்கின்ற சாப்பாடும், நிறைய தண்ணீரும் எடுத்துக்கொள்ள வேண்டும். இவை இரண்டுக்கும் தாய்ப்பாலின் அளவு, தன்மை இரண்டையும் அதிகப்படுத்தும் சக்தி இருக்கிறது.

இது கூடாது

கார்போஹைட்ரேட் அதிகமாக இருக்கும் சாதம், ஓட்ஸ் போன்ற உணவை எடுத்துக்கொண்டால், பால் சுரக்கும் என்று நினைக்கிறார்கள். நெய்கூட அளவுக்கு அதிகமாக சிலபேர் சாப்பிடுவார்கள். இது தவறான எண்ணம். இதனால் தாயின் எடை அதிகமாகும். எளிதில் செரிக்கும் உணவைச் சாப்பிட வேண்டும்.

ரத்தப்போக்கு

பிரசவத்துக்குப் பிறகு, நாலு முதல் அய்ந்து வாரங்கள் வரை ரத்தப்போக்கு கொஞ்சம் கொஞ்சம் இருந்துகிட்டேதான் இருக்கும். இதற்குப் பயப்படத் தேவையில்லை. ஆனால், இடையில் ரத்தப் போக்கு அதிகமானால் மருத்துவரை அணுக வேண்டும். எப்படிப்பட்ட பிரசவமானாலும் கட்டாயம் நடக்க வேண்டும். இது இல்லையென்றால் காலிலோ அல்லது மூளையிலோ ஒருவித ரத்த உறைவு ஏற்படும் வாய்ப்பிருக்கிறது. காலில் முட்டிக்குக் கீழே வரக்கூடிய ரத்த உறைவு (Deep in Vein Thrombosis) சில சமயம் உடைந்து, நுரையீரலிலோ, மூளையிலோ இன்ஃபெக்ஷனை உண்டாக்குகின்ற அபாயம் இருக்கிறது. இது வராமல் தாயைப் பாதுகாக்க வேண்டியது அவசியம்.

ஓய்வு கட்டாயம்

குழந்தையை நம்பிக்கையாய் வீட்டில் யாரையாவது பார்த்துக்கச் சொல்லிவிட்டு, தாயானவள் ஒரு மணி நேரம் நிம்மதியாக ஓய்வெடுப்பது ஒரு நல்ல வழக்கமா இருக்கும்.

- உண்மை இதழ், 16-30.6.19

அதிகரிக்கும் சிறுநீர் கல் உபாதை

சிறுநீரகம் ஒருநாளைக்கு 30 முறை ரத்தத்தைச் சுத்திகரிக்கும் பணியைச் செய்கிறது. நிமிடக் கணக்கில் 90 மில்லி ரத்தத்தை எடுத்து அமினோ அமிலம், யூரிக் அமிலம் போன்ற பல்வேறு கூறுகளை வடித்துச் சுத்தப்படுத்து கிறது.

சிறுநீரகத்தின் உட்பாகமான நெப்ரான்கள் ரத்தத்தில் உள்ள கழிவம்சங்களை நீக்கி நல்ல ரத்தத்தை இதயம் நோக்கி உந்தித் தள்ளுகின்றன. சுமார் 1.5 மில்லியன் எண்ணிக்கையில் உள்ள குவளை போன்ற வடிவமுடைய நெப்ரான்கள் சுருங்கும்போது சட்டென்று சுருங்கிக் கழிவுப் பொருட்களை நீக்குகிறது. விரியும்போது சீரான வேகத்தில் நின்று அடுத்த கட்டத்துக்குத் தாவுகிறது. சிறுநீரகம் ஒருநாளைக்குச் சுமார் 165 லிட்டர் ரத்தத்தை வடிகட்டி 1.5 லிட்டர் கழிவைச் சிறுநீராகப் பிரித்துச் சிறுநீர்க் குழாய் வழியாகச் சிறுநீர்ப் பைக்கு அனுப்புகிறது. அவ்வளவு பெரிய அளவுக்கு வடிகட்டி சிறுநீரைப் பிரிக்கத் தெரிந்த நெப்ரான்களால் கல்லீரல் மூலமாகவும் பித்தப் பையிலும் சேரும் அடர் கழிவுகளைச் சிதைக்க முடிவதில்லை.

உடலில் பரு வடிவத்தில் சேரும் உடலுக்குத் தேவையற்ற கழிவுகளை ஈர்த்துவைக்கும் கல்லீரல் அவற்றைச் சிறுநீரகத்துக்கு அனுப்பும் போது தன் வழக்கமான செயல் முறையை மேற்கொண்டு வடிவ மாற்றம் செய்யாமல் குறுணைக் கல் வடிவத்திலோ சேமியா போன்ற நீளக் குச்சிகளாகவோ நொறுங்கும் தன்மை யுள்ள சில்லுகளாகவோ திரித்திரியாகவோ சிறுநீர்க் குழாய்க்கு அனுப்பி விடுகிறது.

இப்படி அனுப்பப்படுவதையே சிறுநீரகக் கல் என்றும் பித்தப்பைக் கல் என்றும் குறிப் பிடுகிறோம். இத்தகைய கல் வெளியேறும்போது சிறுநீரகத்திலிருந்து சிறுநீரகப் பை வரையிலும் அதைக் கடந்து சிறுநீர்த் தாரையிலும் பிறப்பு உறுப்பிலும் கடுமையான வலி தோன்றுகிறது. முப்பதாண்டுகளுக்கு முன்னர் இருந்ததைக் காட்டிலும் சிறுநீர்க் கல் உபாதை இப்போது பரவலாகிவிட்டது.

அதிக உணவால் தள்ளாடும் நெப்ரான்

நமது கழிவு நீக்க உறுப்புகளில் பிறவற்றின் வேலை குறைந்து விட்டதால் அவற்றின் பொறுப்பையும் சிறுநீரகமே ஏற்றுக்கொள்ள வேண்டிய நிர்ப்பந்தம் ஏற்படுகிறது. எடுத்துக் காட்டாக வேலை நெருக்கடியாலோ சோம்பல் பட்டோ மலம் கழிக்கவில்லை என்றால் மலக் கழிவில் உள்ள நீர் ரத்தத்தின் வழியாகச் சிறுநீரகம் நோக்கிச் செலுத்தப்பட்டுவிடும். அப்போது அந்த நீரை வெளியேற்ற வேண்டிய பொறுப்பு சிறுநீரகத் தினுடையதாகி விடுகிறது. இப்படிப் பிற கழிவு நீக்க உறுப்புகளின் செயல் திறன் குறைகிற போதெல்லாம் அதை ஈடு செய்யச் சிறுநீரகமே கூடுதலாக உழைக்க நேர்கிறது. ரத்தத்தில் சேரும் கழிவுகளை நீக்கும் பணிகளோடு அவ்வப்போது உணவில் சேரும் தேவைக்குக் கூடுதலான உப்பு, காரம், கசப்பு, இனிப்பு போன்ற கூறுகளையும் நீக்க வேண்டிய கடமை சிறுநீரகத்தின் நெப்ரான்களுக்கு உண்டு. நாம் உண்ணும் கெட்டியான சாம்பார், கிரீஸ் தன்மையிலான கிரேவி போன்றவற்றில் சுவை உடலின் தேவைக்கு மிகுதியாக இருப்பதோடு நீண்ட நேரம் சமைக்கப்படுவதால் அதில் மிகுந்திருக்கும் வெப்பம் செரிமானத் துக்காக உடலில் உள்ள நீரை உறிஞ்சிக் கொள் கிறது. உடலில் இயல்புக்கு மாறாக நீர் வற்று வதால் ரத்தவோட்டத்தின் வேகமே குறைந்து போகும். கெட்டியான உணவை உண்ட பின்னர் நமக்கு அடிக்கடி தாகம் ஏற்படுகிற தென்றால் சிறுநீரகத்தின் நெப்ரான்கள் நீர் வற்றித் தவிக்கின்றன என்று பொருள்.

கால் ஏன் மரத்துப் போகிறது?

பரவலாக நம்பப்படுவது போல, உணவு உண்டு செரிமானமான பிறகு சுமார் நான்கு மணி நேரம் கழித்து உணவின் சாரம் ரத்தமாக மாற்றப்படுவதில்லை. மாறாக, நாம் உணவு உண்ணத் தொடங்கிய சில நிமிடங்களிலேயே உணவின் ஒரு பகுதி ரத்தமாகி விடுகிறது. இரண்டு கால்களையும் மடக்கிச் சம்மணமிட்டு அமர்ந்து உண்கிற பொழுது சுமார் பத்து நிமிடங்களில் முழங்கால்களுக்குக் கீழ்ப்பகுதி மரத்துப்போவதை உணர முடியும். அப்படி யானால் உண்டு கொண்டிருக்கும் உணவிலி ருந்து முதற் கட்டமாகப் பெற்ற சாரம் ரத்தத்தில் கலந்து  ரத்தத்தின் அடர்த்தி அதிகரித்து விட்டது என்று பொருள். ரத்தத்தின் அடர்த்தி உயராத அளவுக்கு உண்டால் நெப்ரான்களுக் கான வேலைப் பளு குறைவாகவே இருக்கும். உண்டு கொண்டிருக்கும்போதே உணவின் வழியாகச் சேரும் உபரிப் பொருளை வெளி யேற்ற வேண் டிய வேலைப் பளு நெப்ரான்களுக்கு அதிகரிக் குமானால் முதல் கட்டமாகச் செரிமானத்துக்கு வாயில் சுரக்க வேண்டிய உமிழ்நீரைச் சிறுநீரகத்தால் சுரக்க இயலாது.

- விடுதலை நாளேடு, 26. 8 .19

மருத்துவம்: கருவுற்ற பெண்களுக்கு ஏற்ற உணவுகள்!

கருவுற்றிருக்கும்போது இரத்த சோகை ஏற்படுவது இப்போது மிகவும் பரவலாக இருக்கிறது. இந்த இரும்புச்சத்து குறைபாடு காரணமாகவே குறைப் பிரசவம், கருக்கலைவது, குழந்தை இறந்து பிறப்பது உள்ளிட்டவையும் நிகழ்கின்றன.

மைக்ரோ நியூட்ரியன்ஸ் என்று சொல்லக்கூடிய வைட்டமின் ஏ, ஜிங்க், ஃபோலிக் ஆசிட், அயோடின் சத்து இவையனைத்தையும் ஒரு கர்ப்பிணிப் பெண் சரியான அளவு எடுத்துக்கொண்டால், அவளுடைய பிரசவத்தில் எந்தவிதமான பிரச்னையும் ஏற்படாது!

கர்ப்ப காலத்தில் தவிர்க்க வேண்டியவை:

பதப்படுத்தப்பட்ட குளிர்பானங்கள், கருவுற்ற முதல் நாளிலிருந்து முற்றிலுமாகத் தவிர்க்க வேண்டும். ஏனெனில், இது, உடலில் உள்ள கால்சியத்தை உடலுக்குப் பயனில்லாமல் வெளியேற்றிவிடும். வனஸ்பதியில் செய்த உணவுகள், ஸ்பைசி உணவுகள், பாக்கெட்டில் அடைக்கப்பட்ட உணவுகள், துரித உணவுகள் உள்ளிட்டவற்றைத் தவிர்ப்பது, தாய்க்கும் சேய்க்கும் நலம் தரும்.

எந்தவொரு கனமான பொருளையும் தூக்கக்கூடாது. கர்ப்பமாக இருப்பதை வியாதியைப் போன்று நினைத்து, எந்தவித உடல் உழைப்பும் இன்றி உண்பதும் உறங்குவதுமாக இருக்கக்கூடாது. இது, குழந்தைப் பிறப்பை சிக்கலாக்கிவிடக் கூடும்.

அயோடின் அளவோடு தேவை:

கர்ப்ப காலத்தில் தாய், அயோடின் சத்துள்ள உணவுகளை தகுந்த அளவு எடுத்துக் கொள்ளாமல் இருந்தால், கருவிலிருக்கும் குழந்தையின் மூளை வளர்ச்சி குறைந்து, மூளைக் குறைபாட்டுடன் குழந்தை பிறக்க வாய்ப்பாகிறது. இதைத் தவிர்க்க, கடல் உணவுகள், குறிப்பாக, மத்தி மீன், சங்கரா மீன், அசைவ உணவுகள், சிறுதானியங்கள்  இவற்றைத் தேவையான அளவு சாப்பிட வேண்டும்.

சமச்சீர் உணவு:

உடலுக்குச் சக்தியைக் கொடுக்கக் கூடியதும், கொழுப்புச் சத்து தரக்கூடிய உணவுகளையும் அளவாக எடுத்துக் கொள்ள வேண்டும். புரதச் சத்துள்ள உணவுகள் மற்றும் நுண்சத்துகள் உள்ள உணவுகளைக் கர்ப்ப காலத்தில் சற்று அதிகமாக எடுத்துக் கொள்ள வேண்டும். இதுவே ஒரு சமச்சீர் உணவு.

சக்தி கொடுக்கும் உணவுகள், உடலை வளர்க்கக் கூடிய உணவுகள், நோய் நொடிகளிடமிருந்து நம்மைக் காக்கும் நுண்சத்துகள் நிறைந்த உணவுகள். தேவையான அளவு ஒவ்வொரு நாளும் சாப்பிட வேண்டும்.

ஒரு நாளைக்கு 300 கிராம் அரிசி அல்லது சிறுதானிய உணவு, 30 கிராம் அளவு எண்ணெய் தேவை. ஆனால், நாட்டுச் சர்க்கரை, பனங்கருப்பட்டி, பனைவெல்லம் உள்ளிட்ட இனிப்பு 20 கிராம் போதுமானது. சமச்சீர் உணவைப் பொறுத்தவரை பாலுக்கு, ஒரு நாளைக்கு அரை லிட்டர் பால் எடுத்துக் கொள்ள வேண்டும். ஒரு நாளைக்கு குறைந்தபட்சம் 60 கிராம் அளவு புரதச்சத்து தேவை. அதேபோல் பழங்களும் 200 கிராம் அளவு சேர்க்க வேண்டும். கீரை 130 கிராம் தேவை. மற்ற காய்கறிகள் 120 கிராம் தேவை. சராசரியாக ஒரு பெண்ணுக்கு ஒரு நாளைக்கு 2,500 கலோரிகள் தேவை எனில், கர்ப்பிணிகளுக்கு இதைவிட 300 கலோரிகள் அதிகம் தேவைப்படும். பாலூட்டும் தாய்மார்கள் எனில் 500 கலோரி அதிகம் தேவை. கவனியுங்கள், இரண்டு உயிருக்குத் தேவை என்கிற நோக்கில் அளவுக்கு அதிகமாகச் சாப்பிடுவதும் சரியல்ல! 60 கிலோ எடையுள்ள ஒரு பெண் கருவுற்றிருக்கிறார் எனில், அவருக்கு கூடுதலாக 10 கிராம் புரதச்சத்து கொடுப்பது ஏற்றது. ஏனெனில், இவை குழந்தையின் உடல் வளர்ச்சிக்கு உதவும். பருப்பு வகைகள், முட்டை, பால், மீன், நாட்டுக்கோழி, பயறு வகைகள் உள்ளிட்டவற்றில் புரதச்சத்து நிறைந்துள்ளது. இவற்றில் ஏதேனும் ஒன்றை தினமும் எடுத்துக்கொள்வது நல்லது.

இரும்புச்சத்து மாத்திரை:

கர்ப்பகாலத்தில் 100க்கு 90 பெண்கள் சந்திக்கும் மிக முக்கியப் பிரச்னை ரத்தசோகை. பொதுவாகவே, பெண்களுக்கு, இரும்புச்சத்து குறைவாக இருக்கும். ரத்தசோகை குறைபாடுள்ளவர்கள் அயர்ன் மாத்திரைகளை எடுத்துக்கொள்ளும்போது காபி, டீ குடிப்பதைத் தவிர்க்கவும். இது இரும்புச் சத்து உடலுக்குச் சேருவதைத் தடுக்கும். இயற்கையாகவே இரும்புச்சத்தை அதிகரிக்க நினைப்பவர்கள், மாதுளை முத்துகளைச் சாப்பிட்டுவிட்டு, சிட்ரஸ் பழச்சாறு சிறிதளவுக் குடிக்கலாம். ஏனெனில், இரும்புச்சத்தை உடல் கிரகித்துக் கொள்ள வைட்டமின் சியே உதவும்.

இரும்புச்சத்துக் குறைவாக இருந்தால், சோர்வு, வெளுத்துப்போன சருமம், நாக்கில் புண் வருவதுபோல் புள்ளிப் புள்ளியாய் இருக்கும். சீரற்ற இதயத்துடிப்பு, நடந்தாலே மூச்சு வாங்குதல், லேசான தலைசுற்றல், உள்ளங்கை உள்ளங்கால் குளிர்ச்சியடைதல், முடி கொட்டுதல், அடிக்கடி தலைவலி, பசியின்மை, சருமத்தில் அரிப்பு உள்ளிட்டவையும் ஏற்படும். இந்த அறிகுறிகளை வைத்து ரத்த சோகையைக் கண்டறியலாம்.

அரைக்கீரை, முள்ளங்கிகீரை, வெற்றிலை, பருப்புக்கீரை, டர்னிப் கீரை, காலிஃபிளவர் (பூவை விட கீரையில்தான் சத்தே இருக்கிறது), அரிசி தவிடு (அவல்), முளையிட்ட தானியங்கள், முளைவிட்ட கோதுமை, அரிசி பொரி, கம்பு, சோயா பீன்ஸ், கடலைப்பருப்பு, தாமரைத் தண்டு, காளான், சுண்டை வற்றல், சுண்டைக்காய், மஞ்சள்தூள் (2 சிட்டிகை), கொய்யாப்பழம், சீத்தாப்பழம், பனை வெல்லம் உள்ளிட்டவற்றிலும் இரும்புச்சத்து அதிகமாக உள்ளது!

உடற்பயிற்சி

கர்ப்ப காலத்தில் தினமும் கட்டாயம் 45 நிமிடம் நடைப்பயிற்சி செய்ய வேண்டும். இது, கை காலில் துவங்கி உடலின் அனைத்து உறுப்புகளுக்கும் சீரான ரத்த ஓட்டம் பாய வழிவகுக்கும். இதனால், குழந்தைக்குத் தேவையான ரத்தமும் அதன் ஓட்டமும் சீராக இருக்கும். தவிர, ஹார்மோன்களின் சுரப்பு சமச்சீராக இருக்கும். எலும்புகள் வலுவடையும். நல்ல பசியை உண்டாக்கும். மலச்சிக்கல் வராமல் தடுக்கும். உடல் மற்றும் மன ஆரோக்கியமும் சிறக்கும்.

குனிந்து நிமிர்ந்து வேலை பார்க்கலாம். இவ்வாறு செய்வதால் இடுப்பு எலும்பு நன்றாக வளைந்து கொடுக்கும். இலகுவான சுகப்பிரசவத்துக்கு வழிவகுக்கும். பிரசவமும் வலியுன்றி நிகழும்!

மகிழ்வான மனநிலை:

கருவுற்ற பெண் மகிழ்வான மனநிலையில் இருப்பது நல்லது. அதிக அதிர்ச்சி, கவலையளிக்கும் சூழலைத் தவிர்க்க வேண்டும்.

-  உண்மை இதழ்- 1-15.7.19

எலும்பு புரையும் முறிவும்

முதுமையில் மூட்டின் மேல் வன்மம் கொள்ளும் பிரச்சினைகளில் முக்கியமானது மூட்டுத் தேய்மானம் என்றால், மொத்த எலும்பு கூட்டத்தின் மேல் தாக்குதல் தொடுப்பது எலும்பு வலுவிழப்பு என்னும் எலும்பு புரை நோய்.

ஓசைப்படாமல் பல எலும்பு முறிவுகளுக்கு இது காரண மாக இருப்பது, நம்மில் பலருக்குத் தெரியாது. அதனால் மூட்டுகள் வலுவிழப்பதற்கான காரணங்களை அறிந்து கொள்வது, முதுமையைச் சுகப்படுத்த உதவும்.

உலக ஆஸ்டியோபோரோசிஸ்  அமைப் பின் கூற்றின்படி, இன்று உலக அளவில் எலும்பு வலிமை இழப்பால் ஒவ்வொரு மூன்று விநாடிகளுக்கு ஒருவர் எலும்பு முறிவால் பாதிக்கப்படுகிறார். அதாவது அய்ம்பது வயதைத் தாண்டியவர்களில் மூன்றில் ஒரு பெண்ணும் அய்ந்தில் ஒரு ஆணும் இந்தப் பிரச்சினையால் பாதிக்கப்பட்டிருக்கிறார்கள் என்பதை வைத்து, இந்தப் பிரச்சினையின் தீவிரத்தைப் புரிந்துகொள்ளலாம்.

எப்படி வருகிறது?

பல்வேறு காரணங்களால் எலும்புகளின் தாது அடர்த்தி குறைவதாலும், அதன் நுண்ணிய கட்டமைப்பு தகர்க்கப்படுவதாலும் இது வருகிறது. அதாவது வரவுக்கு மீறிச் செலவு செய்யும்போது எப்படிப் பொருளா தாரச் சமநிலை குலைகிறதோ, அதைப் போல் எலும்புகளின் உருவாக்கத்துக்கும் தேய் மானத்துக்கும் முதுமையில் பெரும் இடைவெளி ஏற்பட்டுவிடுகிறது.

யாரெல்லாம் கவனமாக

இருக்க வேண்டும்?

# பெண்கள், குறிப்பாக மாதவிலக்கு சுழற்சி நின்ற பிறகு

# அறுபது வயதைத் தாண்டியவர்கள்

# உணவில் போதுமான ஊட்டச் சத்தைச் சேர்த்துக்கொள்ளாமல் வெறும் சோறு, இட்லி, தோசை என்றே வாழ்பவர்கள். நவீன உணவுக் காதலர்களான ஃபாஸ்ட் ஃபுட், பேக்கரி உணவு, காபி, டீ, நொறுக்குத் தீனிகளில் தங்களைத் தொலைப்பவர்கள்

# அசைவ உணவில் அதிக ஆர்வம் உடையவர்கள். இதில் உள்ள அதிக அளவு புரதம் ஆபத்து

# குடும்ப மரபில் ஏற்கெனவே யாராவது இந்தப் பிரச்சினையால் பாதிக்கப்பட்டிருந் தால்

# உடற்பயிற்சி செய்யச் சொன்னால் பல கோணத்தில் முகத்தைச் சுளிப்பவர்கள்

# புகையையும் மதுவையும் கூட்டணி தர்மமாக வைத்திருப்பவர்கள்

# நாட்பட்ட நோய்களுக்குத் தொடர் மருந்துகளை எடுத்துக்கொள்பவர்கள்

# குறைந்து போகும் ஹார்மோன்கள். குறிப்பாக, பெண்களுக்கு அடிப்படையான ஈஸ்ட்ரோஜன், ஆண்களுக்கு அடிப்படை யான டெஸ்டோஸ்டீரோன்.

# தைராய்டு சுரப்பு குறைபாட்டுக்காகத் தேவையான அளவைவிடக் கூடுதல் மருந்து களை எடுத்துக்கொள்பவர்கள் (தைராய்டு பிரச்சினை இருப்பவர்கள், நாளமில்லா சுரப்பு நிபுணர்களின் கண்காணிப்பில் இருப்பது உத்தமம்)

# பாரா தைராய்டு, அட்ரீனல் சுரப்புக் களின் அதீதச் செயற்பாடு

# வயதுக்குப் பொருத்தமில்லாத அதிக உடல் எடையும் குறைந்த உடல் எடையும் ஆபத்துதான்.

# உணவில் போதுமான அளவு கால்சியம் சேர்த்துக்கொள்ளாமல் இருப்பவர்கள் (சராசரியாக நாள்தோறும் 1,000 மி.கி. அளவு கால்சியம் உடலில் சேர வேண்டும். அதுவே 50 வயதை தாண்டிய பெண்களும் 65 வயதை தாண்டிய ஆண்களும் 1,200 மி.கி. அளவு எடுத்துக்கொள்ள வேண்டும்)

பொதுவான அறிகுறிகள்

எலும்பு முறிவு ஏற்படும்வரை பொதுவாக எந்த அறிகுறியும் தெரிவதில்லை.

# இடுப்புவலி இருந்துகொண்டே இருக் கும். இது தண்டுவட எலும்புகள் விரிசல் அடைவதால் அல்லது தண்டுவட எலும்பு களின் வடிவைப்பு சீர்குலைவதால் ஏற்பட லாம்

# சராசரியான உயரம் குறைந்து போகலாம்

# முதுகுத் தண்டுவடம் வளைந்து கூன் விழலாம்

# சிறு சறுக்கலுக்கும் எலும்பு உடையலாம்

# அதிகம் பாதிக்கப்படும் எலும்புகள் இடுப்பு, தண்டுவட, கணுக்கால், மணிக்கட்டு எலும்புகள்

# பெண்களுக்கு அடிக்கடி ஏற்படும் முதல் அறிகுறி மணிக்கட்டில் ஏற்படும் எலும்பு முறிவு.

-  விடுதலை நாளேடு, 12.8.19